മലയാളി നഴ്​സി​െൻറ നിര്യാണത്തിൽ ഒമാൻ ആരോഗ്യ മന്ത്രാലയം അനുശോചിച്ചു

മസ്​കത്ത്​: മലയാളി നഴ്​സി​െൻറ നിര്യാണത്തിൽ ഒമാൻ ആരോഗ്യ മന്ത്രാലയം അനുശോചിച്ചു. കോവിഡ്‌ ബാധിച്ച്‌ കഴിഞ്ഞദിവസമാണ്​ കോഴിക്കോട്‌ കൂരാച്ചുണ്ട് സ്വദേശിനി രമ്യ റജുലാൽ മരിച്ചത്​. റുസ്​താഖ് ആശുപത്രിയിൽ ജോലി ചെയ്​തിരുന്ന ഇവർ കോവിഡ്‌ ബാധിച്ച്‌ വെൻറിലേറ്ററിലായിരുന്നു. രമ്യയുടെ മരണത്തിൽ ദു:ഖിക്കുന്ന കുടുംബത്തി​െൻറ വേദനയോടൊപ്പം ചേരുന്നതായും അനുശോചനം അറിയിക്കുന്നതായും അൽ ബാത്തിന ആരോഗ്യ വകുപ്പാണ്​ ട്വിറ്ററിൽ കുറിച്ചത്​. ഇത്​ ഒമാൻ ആരോഗ്യ മന്ത്രാലയം ഔദ്യോഗിക ട്വിറ്റർ അക്കൗണ്ടിൽ പങ്കുവെച്ചിട്ടുമുണ്ട്​.