സ​മു​ദ്ര സ​സ്ത​നി സ​ർ​വേ​ക്ക് തു​ട​ക്കം

മ​സ്ക​ത്ത്: സ​മു​ദ്ര സ​സ്ത​നി സ​ർ​വേ പ​ദ്ധ​തി​യു​ടെ നാ​ലാം ഘ​ട്ട​ത്തി​ന് മു​സ​ന്ദം ഗ​വ​ർ​ണ​റേ​റ്റി​ലെ ഖ​സ​ബ് വി​ലാ​യ​ത്തി​ൽ തു​ട​ക്ക​മാ​യി. ബ​ന്ധ​പ്പെ​ട്ട സ​ർ​ക്കാ​ർ വ​കു​പ്പു​ക​ളു​ടെ സ​ഹ​ക​ര​ണ​ത്തോ​ടെ പ​രി​സ്ഥി​തി അ​തോ​റി​റ്റി ന​ട​പ്പാ​ക്കു​ന്ന പ​ദ്ധ​തി ഒ​ക്ടോ​ബ​ർ 31വ​രെ തു​ട​രും. റി​സ​ർ​വി​നു​ള്ളി​ലെ ജീ​വി​വ​ർ​ഗ​ങ്ങ​ളു​ടെ വി​ത​ര​ണ ചാ​ർ​ട്ടി​ന്‍റെ സ​മാ​ഹാ​രം ഉ​ൾ​പ്പെ​ടെ, മു​സ​ന്ദ​ത്തി​ലെ നാ​ഷ​നൽ നാ​ച്വ​ർ പാ​ർ​ക്കി​ൽ സ​മു​ദ്ര സ​സ്ത​നി​ക​ളു​ടെ സ​മ​ഗ്ര​മാ​യ ഡാ​റ്റാ ബേ​സ് വി​ക​സി​പ്പി​ക്കാ​നാ​ണ് ല​ക്ഷ്യ​മി​ടു​ന്ന​ത്.

മു​സ​ന്ദം നാ​ഷ​ണ​ൽ പാ​ർ​ക്ക് നേ​ച്ച​ർ റി​സ​ർ​വി​ൽ ഉ​ൾ​പ്പെ​ടു​ത്തി​യി​ട്ടു​ള്ള സ​ർ​വേ, മോ​ണി​റ്റ​റി​ങ് പ്രോ​ഗ്രാ​മു​ക​ളു​ടെ ഭാ​ഗ​മാ​ണ് ഈ ​പ​ദ്ധ​തി​യെ​ന്ന് പ​രി​സ്ഥി​തി അ​തോ​റി​റ്റി​യു​ടെ പ്രോ​ജ​ക്ട് ടീം ​മേ​ധാ​വി എ​ൻ​ജി​നീ​യ​ർ ഐ​ദ ബി​ൻ​ത് ഖ​ല​ഫ് അ​ൽ ജ​ബ്രി​യ പ​റ​ഞ്ഞു.

അ​റേ​ബ്യ​ൻ ഗ​ൾ​ഫു​ൾ​പ്പെ​ടു​ന്ന സു​ൽ​ത്താ​നേ​റ്റി​ന്റെ ഭൂ​മി​ശാ​സ്ത്ര​പ​ര​മാ​യ സ്ഥാ​നം കാ​ര​ണം നി​ര​വ​ധി ഇ​നം സ​മു​ദ്ര സ​സ്ത​നി​ക​ൾ ഇ​വി​ടെ​യു​​ണ്ടെ​ന്ന് ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് നാച്വർ ക​ൺ​സ​ർ​വേ​ഷ​നി​ലെ എ​ൻ​വ​യ​ൺ​മെ​ന്‍റ​ൽ സി​സ്റ്റം ടെ​ക്നീ​ഷ്യ​ൻ ഹ​മ​ദ് ബി​ൻ സ​ലേം അ​ൽ ഹു​സൈ​നി പ​റ​ഞ്ഞു.

ഒ​മാ​ൻ ക​ട​ലും അ​റ​ബി​ക്ക​ട​ലും സ​മു​ദ്ര സ​സ്ത​നി​ക​ൾ സ​മു​ദ്ര പ​രി​സ്ഥി​തി​യു​ടെ ആ​വാ​സ​വ്യ​വ​സ്ഥ​യു​ടെ ആ​രോ​ഗ്യം നി​ല​നി​ർ​ത്തു​ന്ന​തി​ന് സം​ഭാ​വ​ന ചെ​യ്യു​ന്നു. സ​മു​ദ്ര സ​സ്ത​നി​ക​ളു​ടെ സാ​ന്നി​ധ്യ​വും പു​ന​രു​ൽ​പാ​ദ​ന​വും അ​റി​യാ​ൻ സ​ഹാ​യി​ക്കു​ന്ന ഡേ​റ്റ പ​ഠി​ക്കാ​നും വി​ശ​ക​ല​നം ചെ​യ്യാ​നും ആ​വ​ശ്യ​മാ​യ എ​ല്ലാ ക​ഴി​വു​ക​ളും പ​രി​ശ്ര​മ​ങ്ങ​ളും ഉ​പ​യോ​ഗ​പ്പെ​ടു​ത്താ​ൻ പ​രി​സ്ഥി​തി അ​തോ​റി​റ്റി ഉ​​ദ്ദേ​ശി​ക്കു​ന്നു​ണ്ടെ​ന്ന് അ​ദ്ദേ​ഹം വി​ശ​ദീ​ക​രി​ച്ചു.