മാർക്ക്​ ആൻഡ്​ സേവ്​ ഒമാനിലും: പുതിയ ഷോറൂം തുറന്നു

ദുബൈ: വെസ്​റ്റേൺ ഇന്‍റർനാഷനൽ ഗ്രൂപ്പിന് കീഴിലുള്ള ഡിസ്കൗണ്ട്​ സെന്‍റർ ആയ മാർക്ക്​ ആൻഡ്​ സേവ്​ സൗദിക്ക്​ പിന്നാലെ ഒമാനിൽ രണ്ടാമത്തെ ഷോറൂം തുറന്നു. മറ്റേത്​​​ സ്ഥാപനങ്ങൾ നൽകുന്നതിനേക്കാലും മികച്ച ഷോപ്പിങ്​ അനുഭവമാണ്​ ഉപഭോക്​താക്കൾക്ക്​ മാർക്ക്​ സേവ്​ വാഗ്​ദാനം ചെയ്യുന്നത്​. സന്ദർശകർക്ക്​ ഗുണമേൻമയും മുടക്കുന്ന പണത്തിനുള്ള മൂല്യവും മാർക്ക്​ സേവ്​ ഉറപ്പു നൽകുന്നു.

ജി.സി.സി രാജ്യങ്ങളിൽ ഗ്രൂപ്പിന്‍റെ ആറാമത്തെ ഷോറൂമാണ്​ മസ്കത്തിലേത്​​. സൗദി, യു.എ.ഇ, കൂവൈത്ത്​ എന്നീ രാജ്യങ്ങളിലും മാർക്ക്​ സേവിന്‍റെ ഷോറൂമുകൾ പ്രവർത്തിക്കുന്നുണ്ട്​. ജൂൺ 19ന്​ ഒമാനിലെ ബർക്കയിൽ നടന്ന ഉദ്​ഘാടന ചടങ്ങിൽ വെസ്​റ്റേൺ ഇന്‍റർനാഷനൽ ഗ്രൂപ്പ്​ ചെയർമാൻ കെ.പി ബഷീർ, വെസ്​റ്റേൺ ഇന്‍റർനാഷനൽ ഗ്രൂപ്പ്​ സി.ഇ.ഒ നവാസ്​ ബഷീർ, ഡയറക്ടർമാരായ ഫായിസ്​ ബഷീർ, കെ. പി നൗഫൽ, അബ്​ദുള്ള അംറി (പി.ആർ.ഒ, എം ആൻഡ്​ എസ്​), സയ്യിദ്​ ഖാലിദ്​ അൽ ബുസൈദി (സ്​പോൺസർ), അൽ ശൈഖ്​ അലി സലാഹ്​ മുഹമ്മദ്​ അൽ ബലുഷി (എക്സ്​. ബ്രിഗേഡിയർ, റോയൽ ഒമാൻ) എന്നിവർ സംബന്ധിച്ചു.