ചൈ​നീ​സ്​ ടൂ​റി​സ്റ്റു​ക​ളെ ആ​ക​ർ​ഷി​ക്കാ​ൻ പ​ദ്ധ​തി​യു​മാ​യി മ​​ന്ത്രാ​ല​യം

മ​സ്ക​ത്ത്​: ചൈ​ന​യി​​ലെ ജ​ന​ങ്ങ​ൾ​ക്ക്​ അ​വ​ധി​ക്കാ​ലം ആ​സ്വ​ദി​ക്കു​ന്ന​തി​നാ​യി ഒ​മാ​നെ തി​ര​ഞ്ഞെ​ടു​ക്കാ​ൻ പ്രോ​ത്സാ​ഹി​പ്പി​ക്കു​ന്ന​തി​ന് ഒ​രു സ്പെ​ഷ​ലി​സ്റ്റ് ടൂ​റി​സം മാ​ർ​ക്ക​റ്റി​ങ്​ ക​മ്പ​നി​യെ നി​യ​മി​ക്കാ​ൻ പൈ​തൃ​ക, ടൂ​റി​സ മ​ന്ത്രാ​ല​യം ഒ​രു​ങ്ങു​ന്നു. ടൂ​റി​സം മ​ന്ത്രാ​ല​യ​ത്തി​ന്റെ​യും ഒ​മാ​ൻ ഗ​വ​ൺ​മെ​ന്റി​ന്റെ ടൂ​റി​സം ഡെ​വ​ല​പ്‌​മെ​ന്റ് എ​ക്‌​സി​ക്യൂ​ട്ടീ​വ് വി​ഭാ​ഗ​മാ​യ ഒ​മ്രാ​ൻ ഗ്രൂ​പ്പി​ന്റെ​യും നി​ര​വ​ധി സം​രം​ഭ​ങ്ങ​ളെ അ​ടി​സ്ഥാ​ന​മാ​ക്കി​യാ​ണി​ത്. ഡെ​സ്റ്റി​നേ​ഷ​ൻ മാ​ർ​ക്ക​റ്റി​ങ്​ ത​ന്ത്ര​ങ്ങ​ളി​ൽ പ്രാ​വീ​ണ്യം തെ​ളി​യി​ച്ചി​ട്ടു​ള്ള അ​ന്താ​രാ​ഷ്ട്ര സ്ഥാ​പ​ന​ങ്ങ​ളി​ൽ​നി​ന്ന്​ ഇ​തി​നാ​യി മ​​ന്ത്രാ​ല​യം ക​രാ​ർ ക്ഷ​ണി​ച്ചു. കോ​വി​ഡ്​ മ​ഹാ​മാ​രി​ക്ക്​ മു​മ്പു​വ​രെ ചൈ​ന​യി​ൽ​നി​ന്ന്​ നി​ര​വ​ധി സ​ഞ്ചാ​രി​ക​ളാ​യി​രു​ന്നു സു​ൽ​ത്താ​നേ​റ്റി​ൽ​നി​ന്ന്​ എ​ത്തി​യി​രു​ന്ന​ത്. ഇ​ത്​ പു​ന​രു​ജ്ജീ​വി​പ്പി​ക്കു​ക എ​ന്ന​താ​ണ് പു​തി​യ മാ​ർ​ക്ക​റ്റി​ങ്ങി​ലൂ​ടെ ല​ക്ഷ്യ​മി​ടു​ന്ന​ത്.

2018ൽ 44,540 ​ആ​ളു​ക​ളാ​യി​രു​ന്നു ചൈ​ന​യി​ൽ​നി​ന്ന്​ സ​ന്ദ​ർ​ശ​ക​രാ​യി എ​ത്തി​യി​രു​ന്ന​തെ​ന്ന്​ മ​ന്ത്രാ​ല​യ​ത്തി​ന്‍റെ ക​ണ​ക്കു​ക​ൾ പ​റ​യു​ന്നു. എ​ന്നാ​ൽ, ഒ​രു വ​ർ​ഷ​ത്തി​നു​​ശേ​ഷം ഇ​ത്​ 107,446 ആ​യി ഉ​യ​ർ​ന്നു. 141 ശ​ത​മാ​ന​ത്തി​ന്‍റെ കു​തി​ച്ചു​ചാ​ട്ട​മാ​ണ്​ സ​ഞ്ചാ​രി​ക​ളു​ടെ എ​ണ്ണ​ത്തി​ൽ ഉ​ണ്ടാ​യി​രി​ക്കു​ന്ന​ത്. കോ​വി​ഡ്​ മ​ഹാ​മാ​രി​യെ തു​ട​ർ​ന്ന്​ മൂ​ന്ന്​ വ​ർ​ഷ​ത്തോ​ളം ചൈ​ന യാ​ത്ര​വി​ല​ക്ക്​ ഏ​ർ​പ്പെ​ടു​ത്തി​യി​രു​ന്നു. എ​ന്നാ​ൽ, ഈ ​വി​ല​ക്ക്​ ബെ​യ്ജി​ങ്​ ​ മു​മ്പ്​ പി​ൻ​വ​ലി​ക്കു​ക​യും ചെ​യ്തി​ട്ടു​ണ്ട്. അ​തു​കൊ​ണ്ടു​ത​ന്നെ ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ലേ​ക്ക്​ ചൈ​നീ​സ്​ സ​ഞ്ചാ​രി​ക​ൾ ഒ​ഴു​കി​ക്കൊ​ണ്ടി​രി​ക്കു​ക​യാ​ണ്. ഈ ​അ​നു​കൂ​ല സാ​ഹ​ച​ര്യം പ്ര​യോ​ജ​ന​പ്പെ​ടു​ത്താ​നാ​യി ഒ​മാ​ൻ ക​ഴി​ഞ്ഞ​വ​ർ​ഷം ചൈ​നീ​സ് ടൂ​റി​സം പ​ങ്കാ​ളി​ക​ളു​മാ​യി ചേ​ർ​ന്ന്​ നി​ര​വ​ധി കാ​ര്യ​ങ്ങ​ൾ ഒ​രു​ക്കി​യി​ട്ടു​ണ്ട്. അ​റേ​ബ്യ​ൻ ട്രാ​വ​ൽ മാ​ർ​ക്ക​റ്റ് (എ.​ടി.​എം) 2022ന്റെ ​ആ​ഭി​മു​ഖ്യ​ത്തി​ൽ ന​ട​ന്ന ഒ​മാ​ൻ ടൂ​റി​സം ഫോ​റ​ത്തി​ൽ, ഒ​മാ​ൻ-​ചൈ​നീ​സ് വ്യ​വ​സാ​യ പ്ര​തി​നി​ധി​ക​ൾ ഉ​ഭ​യ​ക​ക്ഷി സ​ഹ​ക​ര​ണ​ത്തെ പി​ന്തു​ണ​ക്കു​ന്ന​തി​നു​ള്ള ധാ​ര​ണ​പ​ത്രം ഒ​പ്പു​വെ​ക്കു​ക​യു​ണ്ടാ​യി. ഒ​മാ​നി​ലേ​ക്ക് സ​ഞ്ചാ​രി​ക​ളു​ടെ ഒ​ഴു​ക്ക്​ വ​ർ​ധി​പ്പി​ക്കു​ന്ന​തി​ന് ഒ​മാ​നി​ലെ നാ​ഷ​ന​ൽ ട്രാ​വ​ൽ ആ​ൻ​ഡ്​ ടൂ​റി​സം ഓ​പ​റേ​റ്റ​ർ ‘വി​സി​റ്റ് ഒ​മാ​ൻ’ പ്ര​മു​ഖ ചൈ​നീ​സ് ടൂ​റി​സം ഓ​പ​റേ​റ്റ​റു​മാ​യി ധാ​ര​ണ​യി​ലെ​ത്തു​ക​യും ചെ​യ്​​​തി​ട്ടു​ണ്ട്. ഒ​മാ​ന്റെ വൈ​വി​ധ്യ​മാ​ർ​ന്ന ടൂ​റി​സം ഓ​ഫ​റു​ക​ൾ സ​ന്ദ​ർ​ശ​ക​രെ പ​രി​ച​യ​പ്പെ​ടു​ത്തു​ന്ന​തി​നാ​യി ക​ഴി​ഞ്ഞ സെ​പ്​​റ്റം​ബ​റി​ൽ മ​ന്ത്രാ​ല​യം 12 ചൈ​നീ​സ് ടൂ​റി​സം ക​മ്പ​നി​ക​ൾ​ക്ക് ഒ​തു യാ​ത്ര ഒ​രു​ക്കു​ക​യും ചെ​യ്തി​രു​ന്നു.

ഈ ​ശ്ര​മ​ങ്ങ​ൾ​ക്ക് പു​തി​യ ആ​ക്കം​കൂ​ട്ടാ​ൻ ല​ക്ഷ്യ​മി​ട്ടാ​ണ്​ ചൈ​ന​യി​ൽ ഒ​മാ​നെ പ്ര​തി​നി​ധാ​നം​ചെ​യ്യാ​ൻ ഒ​രു ടൂ​റി​സം ക​മ്പ​നി​യെ നി​യ​മി​ക്കാ​ൻ മ​ന്ത്രാ​ല​യം ഇ​പ്പോ​ൾ പ​ദ്ധ​തി​യി​ടു​ന്ന​ത്. ബി​സി​ന​സ് വി​ക​സ​വും മീ​ഡി​യ റി​ലേ​ഷ​ൻ​സ് ത​ന്ത്ര​ങ്ങ​ളും പ്രോ​ഗ്രാ​മു​ക​ളും രൂ​പ​പ്പെ​ടു​ത്തു​ക​യും ന​ട​പ്പാ​ക്കു​ക​യും ചെ​യ്യു​ക എ​ന്ന​താ​ണ് തി​ര​ഞ്ഞെ​ടു​ത്ത ക​മ്പ​നി​യു​ടെ പ്ര​ഥ​മ ചു​മ​ത​ല എ​ന്ന്​ മ​ന്ത്രാ​ല​യം അ​റി​യി​ച്ചു.