ദേ​ശീ​യ ചി​ഹ്ന​ങ്ങ​ളു​ടെ ദു​രുപ​യോ​ഗം; വാ​ണി​ജ്യ​സ്ഥാ​പ​ന​ങ്ങ​ളി​ൽ പ​രി​ശോ​ധ​ന​യു​മാ​യി മ​ന്ത്രാ​ല​യം

മ​സ്ക​ത്ത്: ഒ​മാ​ൻ ദേ​ശീ​യ​ദി​ന​ത്തോ​ട​നു​ബ​ന്ധി​ച്ച് ദേ​ശീ​യ ചി​ഹ്ന​ങ്ങ​ൾ അ​ന​ധി​കൃ​ത​മാ​യി ഉ​പ​യോ​ഗി​ക്കു​ന്ന​ത് ത​ട​യാ​ൻ പ​രി​ശോ​ധ​ന​യു​മാ​യി വാ​ണി​ജ്യ മ​ന്ത്രാ​ല​യം. വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രാ​ല​യ​ത്തി​ന്‍റെ തും​റൈ​ത്തി​ലെ ഡ​യ​റ​ക്ട​റേ​റ്റ് പ്രാ​ദേ​ശി​ക വി​പ​ണി​ക​ളി​ലും ക​ട​ക​ളി​ലും പ​രി​ശോ​ധ​ന​ക​ൾ ന​ട​ത്തി.

ഒ​മാ​ന്‍റെ ദേ​ശീ​യ ചി​ഹ്നം, പ​താ​ക, ഭൂ​പ​ടം എ​ന്നി​വ ഉ​ൾ​ക്കൊ​ള്ളു​ന്ന ഉ​ൽ​പ​ന്ന​ങ്ങ​ളു​ടെ വി​ൽ​പ്പ​ന​യെ നി​യ​ന്ത്രി​ക്കു​ന്ന നി​യ​മ​ങ്ങ​ളും ക​ർ​ശ​ന​മാ​യി പാ​ലി​ക്കു​ന്നു​​ണ്ടെ​ന്ന് ഉ​റ​പ്പാ​ക്കു​ക​യാ​യി​രു​ന്നു പ​രി​ശോ​ധ​ന​യു​ടെ ല​ക്ഷ്യം. ദേ​ശീ​യ ചി​ഹ്നം, പ​താ​ക, ഒ​മാ​ന്‍റെ ഭൂ​പ​ടം എ​ന്നി​വ ഉ​ൾ​ക്കൊ​ള്ളു​ന്ന ഉ​ൽ​പ്പ​ന്ന​ങ്ങ​ൾ വി​ൽ​ക്കു​ന്ന​തി​ന് ആ​വ​ശ്യ​മാ​യ ലൈ​സ​ൻ​സു​ക​ൾ നേ​ട​ണ​മെ​ന്ന് അ​ധി​കൃ​ത​ർ നേ​ര​ത്തെ​ത​ന്നെ മു​ന്ന​റി​യി​പ്പ് ന​ൽ​കി​യി​രു​ന്നു.

ഓ​ണ്‍ലൈ​ന്‍ വ​ഴി വി​ല്‍പ​ന ന​ട​ത്തു​ന്ന വ​സ്തു​ക്ക​ളി​ലും ദേ​ശീ​യ ചി​ഹ്ന​ങ്ങ​ൾ ഉ​പ​യോ​ഗി​ക്കു​ന്ന​തി​ന് അ​നു​മ​തി വേ​ണ​മെ​ന്ന് മ​ന്ത്രാ​ല​യം അ​റി​യി​ച്ചു. നി​യ​മം ലം​ഘി​ക്കു​ന്ന​വ​ര്‍ക്കെ​തി​രെ ക​ര്‍ശ​ന ന​ട​പ​ടി​യു​ണ്ടാ​കും.

ചി​ല ഓ​ണ്‍ലൈ​ന്‍ സ്‌​റ്റോ​റു​ക​ളും വെ​ബ്‌​സൈ​റ്റു​ക​ളും സാ​മൂ​ഹി​ക മാ​ധ്യ​മ​ങ്ങ​ളി​ലെ അ​ക്കൗ​ണ്ടു​ക​ളും ദേ​ശീ​യ ചി​ഹ്ന​ങ്ങ​ളും രാ​ജ​കീ​യ മു​ദ്ര​ക​ളും ഉ​പ​യോ​ഗി​ച്ചു​ള്ള ഉ​ത്പ​ന്ന​ങ്ങ​ള്‍ പ്ര​ച​രി​പ്പി​ക്കു​ക​യും വി​ല്‍പ​ന ന​ട​ത്തു​ക​യും ചെ​യ്യു​ന്ന​ത് ശ്ര​ദ്ധ​യി​ല്‍പ്പെ​ട്ട​തോ​ടെ​യാ​ണ് മ​ന്ത്രാ​ല​യം ഇ​ക്കാ​ര്യം അ​റി​യി​ച്ച​ത്.

സ്വ​കാ​ര്യ സ്ഥാ​പ​ന​ങ്ങ​ള്‍, വാ​ണി​ജ്യ ക​മ്പ​നി​ക​ള്‍, സോ​ഷ്യ​ല്‍ മീ​ഡി​യ അ​ക്കൗ​ണ്ടു​ക​ള്‍, വി​വി​ധ വാ​ണി​ജ്യ ഉ​ത്പ​ന്ന​ങ്ങ​ള്‍ എ​ന്നി​വ​യി​ല്‍ ലൈ​സ​ന്‍സ് ഇ​ല്ലാ​തെ രാ​ജ​കീ​യ മു​ദ്ര​ക​ള്‍ ഉ​പ​യോ​ഗി​ക്കു​ന്ന​ത് വി​ല​ക്കി​യി​ട്ടു​ണ്ട്. ഇ​വ ഉ​പ​യോ​ഗി​ക്കു​ന്ന​തി​ന് ലൈ​സ​ന്‍സ് നേ​ട​ണ​മെ​ന്ന് മ​ന്ത്രാ​ല​യം അ​റി​യി​ച്ചു. മ​ന്ത്രാ​ല​യ​ത്തി​ല്‍ അ​പേ​ക്ഷി​ച്ച് ലൈ​സ​ന്‍സ് നേ​ടാ​നാ​കും.