ശേഖരിച്ചത്​ 6,600 ടണ്ണിലധികം ഖരമാലിന്യം

മ​സ്ക​ത്ത്​: പെ​രു​ന്നാ​ൾ അ​വ​ധി ദി​ന​ങ്ങ​ളി​ൽ വി​വി​ധ ഗ​വ​ർ​​ണ​റേ​റ്റു​ക​ളി​ലെ ന​ഗ​ര​ങ്ങ​ളി​ൽ​നി​ന്ന്​ ശേ​ഖ​രി​ച്ച​ത്​ 6,600 ട​ണ്ണി​ല​ധി​കം ഖ​ര​മാ​ലി​ന്യം. ഒ​മാ​ൻ എ​ൻ​വ​യോ​ൺ​മെ​ന്റ​ൽ സ​ർ​വി​സ​സ് ഹോ​ൾ​ഡി​ങ്​ ക​മ്പ​നി​യാ​യ (ബീ​ഹ്) ആ​ണ്​ ഇ​ക്കാ​ര്യം അ​റി​യി​ച്ച​ത്. മ​റ്റ് ദി​വ​സ​ങ്ങ​ളെ അ​പേ​ക്ഷി​ച്ച് ഏ​ക​ദേ​ശം 30 ശ​ത​മാ​നം വ​ർ​ധ​ന​വാ​ണ്​ ഈ ​ദി​ന​ങ്ങ​ളി​ൽ മാ​ലി​ന്യ​ത്തി​ൽ ഉ​ണ്ടാ​യി​രി​ക്കു​ന്ന​ത്.

ഏ​പ്രി​ൽ 30 മു​ത​ൽ മേ​യ്​ അ​ഞ്ചു​വ​രെ​യു​ള്ള ദി​വ​സ​ങ്ങ​ളി​ൽ ക​മ്പ​നി​ക്ക്​ അ​തി‍െൻറ ദൈ​നം​ദി​ന പ്ര​വ​ർ​ത്ത​ന​ങ്ങ​ൾ ഇ​ര​ട്ടി​യാ​ക്കേ​ണ്ടി വ​ന്നു. ഇ​തു​വ​ഴി ഇ​ക്കാ​ല​യ​ള​വി​ൽ 40,000 ട​ണ്ണി​ല​ധി​കം ന​ഗ​ര മാ​ലി​ന്യ​മാ​ണ്​ ശേ​ഖ​രി​ച്ച​ത്. പെ​രു​ന്നാ​ൾ സ​മ​യ​ത്ത്​ മാ​ലി​ന്യം വ​ർ​ധി​ക്കു​മെ​ന്ന്​ മു​ന്നി​ൽ ക​ണ്ട്​ ഓ​രോ ഗ​വ​ർ​ണ​റേ​റ്റി​ലും വേ​ണ്ട മു​ന്നൊ​രു​ക്ക​ങ്ങ​ൾ ന​ട​ത്തി​യി​രു​ന്നു. അ​തു​കൊ​ണ്ടു​ത​ന്നെ സേ​വ​നം ത​ട​സ്സ​മി​ല്ലാ​തെ ന​ട​ത്താ​നാ​യെ​ന്ന്​ ക​മ്പ​നി അ​ധി​കൃ​ത​ർ അ​റി​യി​ച്ചു. മാ​ലി​ന്യ​ങ്ങ​ൾ ശേ​ഖ​രി​ക്കാ​നും സം​സ്ക​രി​ക്കാ​നും പ്ര​ത്യേ​ക ടീ​മു​ക​ൾ രൂ​പ​വ​ത്​​ക​രി​ക്കു​ക​യും ചെ​യ്തി​രു​ന്നു. അ​വ​ധി​ക്കാ​ല​ത്ത് ക​മ്പ​നി​ക്ക് വ​ലി​യ വെ​ല്ലു​വി​ളി​ക​ൾ നേ​രി​ടേ​ണ്ടി​വ​രു​മെ​ന്ന് മ​ന​സ്സി​ലാ​ക്കി​യി​രു​ന്നു​വെ​ന്ന്​ മു​നി​സി​പ്പ​ൽ വേ​സ്റ്റ് സെ​ക്ട​റി​ലെ ഓ​പ​റേ​ഷ​ൻ​സ് വി​ഭാ​ഗം മേ​ധാ​വി ഖ​മീ​സ് ബി​ൻ മ​ർ​ഹൂ​ൺ അ​ൽ സി​യാ​ബി പ​റ​ഞ്ഞു.

മ​റ്റു ദി​വ​സ​ങ്ങ​ളി​ലേ​ക്കാ​ൾ അ​ധി​കം മാ​ലി​ന്യ​മാ​ണ്​ ഇ​ത്ത​രം ദി​വ​സ​ങ്ങ​ളി​ൽ ഉ​ണ്ടാ​വു​ക. പ​ല​പ്പോ​ഴും ക​ശാ​പ്പ് ചെ​യ്ത മൃ​ഗ​ങ്ങ​ളു​ടെ ശ​വ​ശ​രീ​ര​ങ്ങ​ൾ​പോ​ലും വേ​സ്റ്റ്​ ബി​ന്നു​ക​ളി​ൽ കാ​ണ​പ്പെ​ട്ടി​രു​ന്നു. ഇ​വ പെ​ട്ടെ​ന്ന്​ സം​സ്ക​രി​ച്ചി​ട്ടി​ല്ലെ​ങ്കി​ൽ മ​റ്റ്​ പ്ര​ശ്ന​ങ്ങ​ളി​ലേ​ക്ക്​ ന​യി​ച്ചേ​ക്കു​മെ​ന്നും ​അ​ദ്ദേ​ഹം പ​റ​ഞ്ഞു.

അ​തേ​സ​മ​യം, പെ​രു​ന്നാ​ൾ അ​വ​ധി ആ​ഘോ​ഷി​ക്കാ​നെ​ത്തി​യ​വ​ർ രാ​ജ്യ​ത്തെ പാ​ർ​ക്കു​ക​ളി​ലും ബീ​ച്ചു​ക​ളി​ലും മാ​ലി​ന്യം വ​ലി​ച്ചെ​റി​ഞ്ഞി​രു​ന്ന​ത്​ അ​ധി​കൃ​ത​ർ​ക്ക്​ ത​ല​വേ​ദ​ന​യാ​യി​രു​ന്നു. പ്ലാ​സ്റ്റി​ക്​ കു​പ്പി​ക​ൾ, ഡി​സ്പോ​സി​ബി​ൾ ബാ​ർ​ബി​ക്യു, ഭ​ക്ഷ​ണാ​വ​ശി​ഷ്ട​ങ്ങ​ൾ അ​ട​ങ്ങി​യ ക​വ​റു​ക​ൾ തു​ട​ങ്ങി​യ​വ​യാ​യി​രു​ന്നു അ​ല​ക്ഷ്യ​മാ​യി പ​ല​യി​ട​ത്തും വ​ലി​ച്ചെ​റി​ഞ്ഞി​രു​ന്ന​ത്​. മാ​ലി​ന്യം നി​ക്ഷേ​പി​ക്കു​ന്ന​വ​ർ​ക്കെ​തി​രെ ന​ട​പ​ടി​യെ​ടു​ക്കു​മെ​ന്ന്​ അ​ധി​കൃ​ത​ർ മു​ന്ന​റി​യി​പ്പ്​ ന​ൽ​കി​യി​രു​ന്നു.

ഇ​തി​നൊ​ന്നും ഒ​രു വി​ല​യും ക​ൽ​പി​ക്കാ​തെ​യാ​യി​രു​ന്നു സ​ന്ദ​ർ​ശ​ക​ർ മാ​ലി​ന്യം ത​ള്ളി​യി​രു​ന്ന​ത്​. സ​മു​ദ്ര ജീ​വി​ക​ളു​ടെ നി​ല​നി​ൽ​പി​ന്​ ഭീ​ഷ​ണി​യാ​കു​ന്ന പ്ലാ​സ്റ്റി​ക്​ അ​ട​ങ്ങി​യ വ​സ്തു​ക്ക​ളാ​ണ്​ പ​ല ബീ​ച്ചു​ക​ളി​ലും അ​ശ്ര​ദ്ധ​മാ​യി ഇ​ട്ടി​രി​ക്കു​ന്ന​ത്. പെ​രു​ന്നാ​ൾ ആ​ഘോ​ഷി​ക്കാ​നാ​യി ആ​യി​ര ക​ണ​ക്കി​ന്​ പേ​രാ​ണ് പാ​ർ​ക്കു​ക​ളി​ലും ബീ​ച്ചു​ക​ളി​ലു​മാ​യി എ​ത്തി​യി​രു​ന്ന​ത്.