മൂ​ന്നു​ മാ​സ​ത്തി​നു​ള്ളി​ൽ പ്ലാ​സ്​​റ്റി​ക്​ നി​രോ​ധ​നം വ്യാ​പി​പ്പി​ക്കാ​ൻ നീ​ക്കം

മ​സ്ക​ത്ത്: അ​ടു​ത്ത മൂ​ന്നു മാ​സ​ത്തി​നു​ള്ളി​ൽ ഒ​മാ​നി​ൽ പ​ര​മാ​വ​ധി പ്ലാ​സ്​​റ്റി​ക്​ നി​രോ​ധ​നം ന​ട​പ്പാ​ക്കാ​ൻ നീ​ക്കം. ഇ​തിെൻറ ഭാ​ഗ​മാ​യി പ്ലാ​സ്​​റ്റി​ക്​ സ​ഞ്ചി​ക​ൾ​ക്ക് പ​ക​രം തു​ണി​യും ച​ണ​യും കൊ​ണ്ടു​ള്ള സ​ഞ്ചി​ക​ൾ ഉ​പ​യോ​ഗി​ക്ക​ണ​മെ​ന്ന് അ​ധി​കൃ​ത​ർ നി​ർ​ദേ​ശം ന​ൽ​കു​ന്നു. മൂ​ന്നു മാ​സ​ത്തി​നു​ള്ളി​ൽ പ​ര​മാ​വ​ധി പ്ലാ​സ്​​റ്റി​ക്​ നി​രോ​ധ​നം ന​ട​പ്പാ​ക്ക​ണ​മെ​ന്നാ​ണ് 'ബി​യ' അ​ധി​കൃ​ത​ർ വ്യാ​പാ​ര സ്ഥാ​പ​ന​ങ്ങ​ൾ​ക്ക് ന​ൽ​കു​ന്ന നി​ർ​ദേ​ശം. പ്ലാ​സ്​​റ്റി​ക്​ നി​രോ​ധ​നം ശ​ക്ത​മാ​യി ന​ട​പ്പാ​ക്കാ​നാ​ണ് അ​ധി​കൃ​ത​ർ ശ്ര​മി​ക്കു​ന്ന​ത്.

നി​ർ​ദേ​ശി​ച്ച നി​ല​വാ​ര​ത്തി​ൽ കു​റ​ഞ്ഞ പ്ലാ​സ്​​റ്റി​ക്​ സ​ഞ്ചി​ക​ൾ നി​ർ​മി​ക്കു​ന്ന ക​മ്പ​നി​ക​ൾ, സ്ഥാ​പ​ന​ങ്ങ​ൾ എ​ന്നി​വ 1000 റി​യാ​ൽ പി​ഴ ന​ൽ​കേ​ണ്ടി​വ​രു​മെ​ന്ന് വാ​ണി​ജ്യ വ്യ​വ​സാ​യ മ​ന്ത്രാ​ല​യം പു​റ​ത്തി​റ​ക്കി​യ ഉ​ത്ത​ര​വി​ൽ പ​റ​യു​ന്നു. 1643/2020ാം ന​മ്പ​ർ ഉ​ത്ത​ര​വ് പ്ര​കാ​രം ഒ​മാ​നി​ൽ പ്ലാ​സ്​​റ്റി​ക് ബാ​ഗു​ക​ൾ​ക്ക് നി​ല​വാ​രം നി​ശ്ച​യി​ച്ചി​ട്ടു​ണ്ടെ​ന്നും ഇ​ത് ലം​ഘി​ക്കു​ന്ന​വ​ർ 1000 റി​യാ​ൽ പി​ഴ ന​ൽ​കേ​ണ്ടി​വ​രു​മെ​ന്നും തെ​റ്റ് ആ​വ​ർ​ത്തി​ക്കുേ​മ്പാ​ൾ പി​ഴ ഇ​ര​ട്ടി​ക്കു​മെ​ന്നും ഉ​ത്ത​ര​വി​ൽ പ​റ​യു​ന്നു.

അ​ധി​കൃ​ത​ർ നി​യ​മം ക​ർ​ശ​ന​മാ​ക്കി​യ​തോ​ടെ പ്ലാ​സ്​​റ്റി​ക്​ സ​ഞ്ചി​ക​ൾ വ്യാ​പാ​ര സ്​​ഥാ​പ​ന​ങ്ങ​ളി​ൽ​നി​ന്ന്​ പി​ൻ​വ​ലി​ഞ്ഞു. പ്ലാ​സ്​​റ്റി​ക്​ ഉ​പ​യോ​ഗം നി​രു​ത്സാ​ഹ​പ്പെ​ടു​ത്തു​ന്ന​തിെൻറ ഭാ​ഗ​മാ​യി എ​ല്ലാ ഹൈ​പ്പ​ർ​മാ​ർ​ക്ക​റ്റു​ക​ളും പ്ലാ​സ്​​റ്റി​ക്​ സ​ഞ്ചി​ക​ൾ​ക്ക് വി​ല ഇൗ​ടാ​ക്കി​ത്തു​ട​ങ്ങി. ഉ​പ​ഭോ​ക്താ​ക്ക​ൾ​ക്ക് ഗു​ണ​നി​ല​വാ​ര​മു​ള്ള സ​ഞ്ചി​ക​ൾ ന​ൽ​ക​ണ​മെ​ന്നും സ​ഞ്ചി​ക​ൾ​ക്ക് ചു​രു​ങ്ങി​യ​ത് 50 ബൈ​സ​യെ​ങ്കി​ലും ഇൗ​ടാ​ക്ക​ണ​മെ​ന്നും മ​സ്ക​ത്ത് മു​നി​സി​പ്പാ​ലി​റ്റി ഹൈ​പ്പ​ർ​മാ​ർ​ക്ക​റ്റു​ക​ൾ​ക്ക്​ നി​ർ​ദേ​ശം ന​ൽ​കി​യ​താ​യി അ​റി​യു​ന്നു.

ഇ​തോ​ടെ ഉ​പ​ഭോ​ക്താ​ക്ക​ൾ​ക്ക് 50 മൈ​ക്രോ​ണി​ൽ കൂ​ടു​ത​ൽ തൂ​ക്ക​മു​ള്ള സ​ഞ്ചി​ക​ൾ സൗ​ജ​ന്യ​മാ​യി ന​ൽ​കി​യി​രു​ന്ന വ്യാ​പാ​ര സ്​​ഥാ​പ​ന​ങ്ങ​ൾ സ​ഞ്ചി​ക​ൾ പി​ൻ​വ​ലി​ച്ചു. നി​ല​വി​ൽ എ​ല്ലാ ഹൈ​പ്പ​ർ​മാ​ർ​ക്ക​റ്റു​ക​ളും വി​ല ഇൗ​ടാ​ക്കി​യാ​ണ് സ​ഞ്ചി​ക​ൾ ന​ൽ​കു​ന്ന​ത്. 50 ബൈ​സ​ക്ക് 70 മൈ​ക്രോ​ണു​ള്ള സ​ഞ്ചി​ക​ളാ​ണ് ചി​ല ഹൈ​പ്പ​ർ​മാ​ർ​ക്ക​റ്റു​ക​ൾ ന​ൽ​കു​ന്ന​ത്. 100, 150, 200 ബൈ​സ​ക്ക് കൂ​ടു​ത​ൽ ഗു​ണ​നി​ല​വാ​ര​വും വ​ലു​പ്പ​വു​മു​ള്ള സ​ഞ്ചി​ക​ളും ചി​ല ഹൈ​പ്പ​ർ​മാ​ർ​ക്ക​റ്റു​ക​ൾ മാ​ർ​ക്ക​റ്റി​ൽ ഇ​റ​ക്കു​ന്നു​ണ്ട്.

ചെ​റു​കി​ട സൂ​പ്പ​ർ മാ​ർ​ക്ക​റ്റു​ക​ളി​ൽ ചെ​റി​യ പ​ർ​ച്ചേ​സു​ക​ൾ​ക്ക്​ സ​ഞ്ചി​ക​ൾ ന​ൽ​കു​ന്നി​ല്ല. ഒ​ന്നു​കി​ൽ വീ​ട്ടി​ൽ​നി​ന്ന്​ സ​ഞ്ചി കൊ​ണ്ടു​വ​രു​ക​യോ അ​ല്ലെ​ങ്കി​ൽ കൈ​യി​ൽ പി​ടി​ച്ച്​ കൊ​ണ്ടു​പോ​വു​ക​യോ വേ​ണം. ക​ഫ​റ്റീ​രി​യ​ക​ൾ പ​ല​തും പേ​പ്പ​ർ ബാ​ഗു​ക​ളാ​ണ്​ ഉ​പ​യോ​ഗി​ക്കു​ന്ന​ത്. നി​ല​വി​ൽ ഒ​മാ​നി​ൽ പ്ലാ​സ്​​റ്റി​ക്​ മാ​ലി​ന്യം വ​ള​രെ കൂ​ടു​ത​ലാ​ണെ​ന്നും മൊ​ത്തം മാ​ലി​ന്യ​ത്തിെൻറ 28 ശ​ത​മാ​നം പ്ലാ​സ്​​റ്റി​ക്കാ​ണെ​ന്നു​മാ​ണ് ക​ണ​ക്കാ​ക്കു​ന്ന​ത്. പ്ലാ​സ്​​റ്റി​ക്​ മാ​ലി​ന്യ​ത്തിെൻറ ഇൗ ​കൂ​ടി​യ അ​ള​വ് മാ​ലി​ന്യ ശു​ദ്ധീ​ക​ര​ണ​ത്തി​ന് വ​ലി​യ പ്ര​ശ്ന​മു​ണ്ടാ​ക്കു​ന്നു​ണ്ട്. ക​ട്ടി​കു​റ​ഞ്ഞ പ്ലാ​സ്​​റ്റി​ക്കു​ക​ൾ പു​ന​രു​പ​യോ​ഗി​ക്കാ​ൻ സാ​ധി​ക്കാ​ത്ത​തും പ​രി​സ്ഥി​തി​ക്ക് ദോ​ഷം ചെ​യ്യു​ന്നു​ണ്ട്. ഇ​തൊ​ക്കെ ക​ണ​ക്കി​ലെ​ടു​ത്ത്​​ പ്ലാ​സ്​​റ്റി​ക് ഉ​പ​യോ​ഗം പ​ര​മാ​വ​ധി കു​റ​ക്കാ​നാ​ണ് അ​ധി​കൃ​ത​രു​ടെ പ​ദ്ധ​തി.

ഇ​തിെൻറ ഭാ​ഗ​മാ​യി ബേ​ക്ക​റി ഉ​ൽ​പ​ന്ന​ങ്ങ​ൾ, പ​ച്ച​ക്ക​റി, മീ​ൻ എ​ന്നി​വ​യി​ലും പ്ലാ​സ്​​റ്റി​ക്​ ഉ​പ​യോ​ഗം ഒ​ഴി​വാ​ക്കാ​നാ​ണ് നീ​ക്കം. ഇ​ത് പ്രാ​വ​ർ​ത്തി​ക​മാ​ക്കാ​ൻ പ്ര​തി​സ​ന്ധി​ക​ളു​ണ്ടെ​ന്ന് വ്യാ​പാ​ര മേ​ഖ​ല​യി​ലു​ള്ള​വ​ർ പ​റ​യു​ന്നു. പ്ലാ​സ്​​റ്റി​ക് നി​രോ​ധ​നം അ​ട​ക്ക​മു​ള്ള എ​ല്ലാ വി​ഷ​യ​ങ്ങ​ളി​ലും സ​ർ​ക്കാ​ർ തീ​രു​മാ​നം പൂ​ർ​ണ​മാ​യി ന​ട​പ്പാ​ക്കു​മെ​ന്നും അ​തി​ൽ വ​രു​ന്ന ന​ഷ്​​ട​ങ്ങ​ൾ സ​ഹി​ക്കാ​ൻ ത​യാ​റാ​ണെ​ന്നും നെ​സ്​​റ്റോ ഹൈ​പ്പ​ർ​മാ​ർ​ക്ക​റ്റ് മാ​നേ​ജി​ങ് ഡ​യ​റ​ക്ട​ർ ഹാ​രി​സ് പാ​ലോ​ള്ള​തി​ൽ പ​റ​ഞ്ഞു.

അ​ടു​ത്ത മൂ​ന്ന് മാ​സ​ക്കാ​ല​ത്ത് ത​ന്നെ പൂ​ർ​ണ പ്ലാ​സ്​​റ്റി​ക്​ നി​രോ​ധ​ന​ത്തി​നു​ള്ള അ​ധി​കൃ​ത​രു​ടെ നി​ർ​ദേ​ശ​വും ന​ട​പ്പാ​ക്കു​മെ​ന്നും അ​ദ്ദേ​ഹം പ​റ​ഞ്ഞു. ക​നം കു​റ​ഞ്ഞ​വ നി​രോ​ധി​ച്ച​തി​നാ​ൽ 50 മൈേ​ക്രാ​ണു​ള്ള സ​ഞ്ചി​ക​ളാ​ണ് ത​ങ്ങ​ൾ ഉ​പ​യോ​ഗി​ക്കു​ന്ന​തെ​ന്നും ഇ​ത് സാ​മ്പ​ത്തി​ക ന​ഷ്​​ട​മു​ണ്ടാ​ക്കു​ന്ന​താ​ണെ​ന്നും റൂ​വി​യി​ലെ ഫൈ​ലാ​ക് ഹോ​ട്ട​ൽ മാ​നേ​ജ​ർ കെ.​കെ. അ​ബ്​​ദു​റ​ഹീം പ​റ​ഞ്ഞു. സ​ഞ്ചി​ക​ൾ​ക്ക് വി​ല വ​ർ​ധി​ച്ച​തി​നാ​ൽ ചെ​റി​യ വി​ല​ക്കു​ള്ള ഭ​ക്ഷ്യ​വ​സ്തു​ക്ക​ൾ വാ​ങ്ങു​ന്ന​വ​ർ​ക്ക് സ​ഞ്ചി ന​ൽ​കാ​ൻ ക​ഴി​യി​ല്ലെ​ന്നും ക​ട​ലാ​സ് സ​ഞ്ചി​ക​ൾ ഉ​പ​യോ​ഗി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു.