നി​സ്‌​വ​യി​ല്‍ പ​രീ​ക്ഷ​ണ​യോ​ട്ട​ത്തി​നൊ​രു​ങ്ങി മു​വാ​സ​ലാ​ത്ത്

മ​സ്ക​ത്ത്: നി​സ്‌​വ​യി​ല്‍ പ​രീ​ക്ഷ​ണ​യോ​ട്ട​ത്തി​നൊ​രു​ങ്ങി ദേ​ശീ​യ ഗ​താ​ഗ​ത ക​മ്പ​നി​യാ​യ മു​വാ​സ​ലാ​ത്ത്. പൊ​തു ഗ​താ​ഗ​ത സം​വി​ധാ​ന​ത്തി​ന്റെ ന​വീ​ക​ര​ണം ല​ക്ഷ്യ​മി​ട്ട് ദാ​ഖി​ലി​യ ഗ​വ​ര്‍ണ​റേ​റ്റു​മാ​യി സ​ഹ​ക​രി​ച്ചാ​ണ് പു​തി​യ നീ​ക്കം.

ജ​നു​വ​രി 11മു​ത​ല്‍ 31വ​രെ നീ​ണ്ടു​നി​ല്‍ക്കു​ന്ന പ​രീ​ക്ഷ​ണ​യോ​ട്ട​ത്തി​ല്‍ മു​ഴു​വ​ന്‍ പൗ​ര​ന്മാ​ര്‍ക്കും യാ​ത്ര സൗ​ജ​ന്യ​മാ​യി​രി​ക്കു​മെ​ന്നും അ​ധി​കൃ​ത​ർ വ്യ​ക്ത​മാ​ക്കി. പ​ത്തു​മി​നി​റ്റ് ഇ​ട​വേ​ള​യി​ട്ട് എ​ട്ട് മു​വാ​സ​ലാ​ത്ത് ബ​സു​ക​ളാ​ണ് ദി​നേ​ന സ​ർ​വി​സ് ന​ട​ത്തു​ക. 110 ട്രി​പ്പു​ക​ളാ​ണ് പ​രീ​ക്ഷ​ണ​യോ​ട്ട​ത്തി​ല്‍ ല​ക്ഷ്യം വെ​ക്കു​ന്ന​ത്. ഒ​രു ബ​സി​ൽ 6 പേ​ർ​ക്കാ​ണ് യാ​ത്ര ചെ​യ്യാ​നാ​വു​ക. നി​സ്‌​വ ഗ്രാ​ന്റ് മാ​ളി​ല്‍നി​ന്ന് ആ​രം​ഭി​ച്ച് നി​സ്‌​വ സൂ​ഖ് വ​രെ​യാ​ണ് ആ​ദ്യ സ​ര്‍വി​സ്. വാ​ദി ക​ല്‍ബൂ​ഹ് പ്ര​ദേ​ശ​ത്തു​നി​ന്നും നി​സ്‌​വ സൂ​ഖ് വ​രെ​യാ​ണ് ര​ണ്ടാ​മ​ത്തെ റൂ​ട്ട്. നി​സ്‌​വ​യി​ല്‍ പൊ​തു​ഗ​താ​ഗ​ത മേ​ഖ​ല​യെ സ​ജീ​വ​മാ​ക്കു​ന്ന​തി​നും ഇ​ന്റ​ര്‍സി​റ്റി സ​ര്‍വി​സു​ക​ള്‍ ആ​രം​ഭി​ക്കു​ന്ന​തി​നും ഗ​താ​ഗ​ത, ആ​ശ​യ​വി​നി​മ​യ, വി​വ​ര​സാ​ങ്കേ​തി​ക മ​ന്ത്രാ​ല​യം നേ​ര​ത്തെ ന​ട​പ​ടി​ക​ള്‍ ആ​രം​ഭി​ച്ചി​രു​ന്നു. ഇ​തി​ന്റെ ഭാ​ഗ​മാ​യി സ്വ​കാ​ര്യ​മേ​ഖ​ല​യു​മാ​യി സ​ഹ​ക​രി​ച്ച് ഒ​മാ​നി​ലെ ത​ന്നെ ആ​ദ്യ​ത്തെ ഇ​ന്റ​ഗ്രേ​റ്റ​ഡ് ബ​സ് സ്‌​റ്റേ​ഷ​ന്‍ നി​സ്‌​വ​യി​ല്‍ നി​ര്‍മി​ക്കു​ന്ന​തി​ന് ധാ​ര​ണ​യി​ലെ​ത്തി​യി​ട്ടു​ണ്ട്.

നി​സ്‌​വ​യി​ല്‍ നി​ര്‍മി​ക്കു​ന്ന ബ​സ് സ്‌​റ്റേ​ഷ​ന്‍ മു​വാ​സ​ലാ​ത്തു​മാ​യി സ​ഹ​ക​രി​ച്ചാ​ണ് ന​ട​പ്പി​ലാ​ക്കു​ന്ന​ത്. പ​ദ്ധ​തി​യു​ടെ നി​ക്ഷേ​പ ക​രാ​റി​ല്‍ നേ​ര​ത്തേ ഒ​പ്പു​വെ​ച്ചി​രു​ന്നു. പ​ര​സ്യ പ​ബ്ലി​സി​റ്റി മേ​ഖ​ല​യി​ല്‍ ദാ​ഖി​ലി​യ ഗ​വ​ര്‍ണ​റേ​റ്റും ക​രാ​റി​ല്‍ ഒ​പ്പി​ട്ടി​ട്ടു​ണ്ട്. 11,412 ച​തു​ര​ശ്ര മീ​റ്റ​ര്‍ വി​സ്തൃതി​യി​ലാ​യി​രി​ക്കും ബ​സ് സ്‌​റ്റേ​ഷ​ന്‍ നി​ര്‍മി​ക്കു​ക.