ആ​വേ​ശ​മാ​യി മ​സ്ക​ത്ത്​ ക്ലാ​സി​ക്​; ടൂ​ർ ഓ​ഫ്​ ഒ​മാ​ന്​ ഇ​ന്ന്​ തു​ട​ക്കം

മ​സ്ക​ത്ത്​: ടൂ​ർ ഓ​ഫ്​ ഒ​മാ​ന്​ മു​ന്നോ​ടി​യാ​യി ന​ട​ന്ന മ​സ്‌​ക​ത്ത്​ ക്ലാ​സി​ക് ദീ​ർ​ഘ​ദൂ​ര സൈ​ക്ലി​ങ്​ മ​ത്സ​രം ആ​വേ​ശം വി​ത​റി.​ യു.​എ.​ഇ ടീം ​എ​മി​റേ​റ്റ്​​സി​ലെ ന്യൂ​സി​ല​ൻ​ഡു​കാ​ര​നാ​യ ഫി​ഷ​ർ ബ്ലാ​ക്ക്​ ഫി​ൻ മ​സ്‌​ക​ത്ത്​ ക്ലാ​സി​ക്കി​ന്‍റെ കി​രീ​ടം ചൂ​ടി. 174.3 കി​ലോ​മീ​റ്റ​ർ നാ​ല്​ മ​ണി​ക്കൂ​റും 27മി​നി​റ്റും 43 സെ​ക്ക​ൻഡുമെ​ടു​ത്താ​ണ്​ ഇ​ദ്ദേ​ഹം ഫി​നി​ഷ്​ ചെ​യ്​​ത​ത്.

സൗ​ദ​ൽ ക്വി​ക്ക്​ സ്​​റ്റെ​പ്പി​ന്‍റെ അ​മേ​രി​ക്ക​ൻ സൈ​ക്ലി​സ്റ്റ് ലാ​​മ്പേ​ർ​ട്ടി ലൂ​ക്ക ര​ണ്ടാം സ്ഥാ​ന​വും എ​റി​ക്ക ബി.​എ​ൻ.​ബി ടീ​മി​ൽ നി​ന്നു​ള്ള ബെ​ൽ​ജി​യ​ൻ സൈ​ക്ലി​സ്റ്റ് അ​മ​രെ കാ​ബെ​ല്ലോ മൂ​ന്നാം സ്ഥാ​ന​വും ക​ര​സ്ഥ​മാ​ക്കി

രാ​വി​ലെ 11 മ​ണി​ക്ക് അ​ൽ മൗ​ജ് മ​സ്‌​ക​ത്തി​ൽ​നി​ന്ന് ആ​രം​ഭി​ച്ച മ​ത്സ​രം സീ​ബി​ലെ ക​ട​ൽപാ​ത, മ​​ബേ​ല ബ്രി​ഡ്ജ്, റു​സൈ​ൽ നി​സ്​​വ റോ​ഡ്, അ​മീ​റാ​ത്ത് എ​ന്നി​വ​യു​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ലൂ​ടെ ക​ട​ന്ന്​ സ്​​റ്റേ​റ്റ്​ കൗ​ൺ​സി​ലി​ൽ ആ​ണ്​ സ​മാ​പി​ച്ച​ത്. മ​ത്സ​രാ​ർ​ഥി​ക​ൾ ക​ട​ന്നു​പോ​യ വ​ഴി​ക​ളി​ലൂ​ടെ റോ​യ​ൽ ഒ​മാ​ൻ പൊ​ലീ​സ്​ ​ഗ​താ​ഗ​ത നി​യ​ന്ത്ര​ണ​വും ഏ​ർ​പ്പെ​ടു​ത്തി​യി​രു​ന്നു.

റൈ​ഡ​ർ​മാ​ർ​ക്ക്​ ആ​വേ​ശം പ​ക​രാ​ൻ റോ​ഡി​ന്‍റെ വ​ശ​ങ്ങ​ളി​ൽ നി​ര​വ​ധി ആ​ളു​ക​ൾ ത​ടി​ച്ചു കൂ​ടി​യി​രു​ന്നു. ഒ​മാ​ൻ സൈ​ക്ലി​ങ്​ അ​സോ​സി​യേ​ഷ​ന്‍റെ​യും നി​ര​വ​ധി സ​ർ​ക്കാ​ർ, സ്വ​കാ​ര്യ സ്ഥാ​പ​ന​ങ്ങ​ളു​ടെ​യും ഏ​കോ​പ​ന​ത്തോ​ടെ സാം​സ്കാ​രി​ക, കാ​യി​ക, യു​വ​ജ​ന മ​ന്ത്രാ​ല​യ​മാ​ണ്​ മ​സ്‌​ക​ത്ത്​ ക്ലാ​സി​ക് ര​ണ്ടാം പ​തി​പ്പ്​ സം​ഘ​ടി​പ്പി​ച്ച​ത്​.

അ​തേ​സ​മ​യം, 13ാമ​ത് ടൂ​ർ ഓ​ഫ് ഒ​മാ​ൻ ദീ​ർ​ഘ​ദൂ​ര സൈ​ക്കി​ളോ​ട്ട മ​ത്സ​രം ശ​നി​യാ​ഴ്ച ആ​രം​ഭി​ക്കും. ലോ​ക പ്ര​ശ​സ്ത സൈ​ക്കി​ളോ​ട്ട വി​ദ​ഗ്ധ​ർ അ​ട​ങ്ങു​ന്ന 17 ടീ​മു​ക​ളാ​ണ് ഈ ​വ​ർ​ഷം മ​ത്സ​ര​ത്തി​ൽ പ​ങ്കെ​ടു​ക്കു​ന്ന​ത്. ബു​ധ​നാ​ഴ്ച​യാ​ണ് മ​ത്സ​രം സ​മാ​പി​ക്കു​ക. അ​ഞ്ച് ദി​വ​സ​ങ്ങ​ളി​ലാ​യി 867 കി​ലോ മീ​റ്റ​റാ​ണ് സൈ​ക്കി​ളോ​ട്ട​ക്കാ​ർ പി​ന്നി​ടു​ക. ഒ​മാ​ൻ ടീ​മും മ​ത്സ​ര​ത്തി​ൽ പ​ങ്കെ​ടു​ക്കു​ന്നു​ണ്ട്. വ​ലീ​ദ് അ​ൽ സ​മ്മി​യാ​ണ് ഒ​മാ​ൻ ടീ​മി​നെ ന​യി​ക്കു​ക.

അ​ബ്ദു​റ​ഹ്മാ​ൻ അ​ൽ യാ​ഖൂ​ബി, മാ​സി​ൻ അ​ൽ റി​യാ​മി, മു​ഹ​മ്മ​ദ് അ​ൽ വ​ഹൈ​ബി, അ​ബ്ദു​ല്ല അ​ൽ ഗൈ​ലാ​നി, മു​ന്ദ​ർ അ​ൽ ഹ​സ​നി, സൈ​ദ് അ​ൽ റ​ബ്ഹി, സൈ​ഫ് അ​ൽ അം​റി എ​ന്നി​വ​രാ​ണ് ഒ​മാ​ൻ ടീ​മി​ലു​ള്ള​ത്. ടൂ​ർ ഒ​ാഫ്​ എ ​ഒ​മാ​ൻ ശ​നി​യാ​ഴ്ച മ​ന​യി​ലെ ഒ​മാ​ൻ എ​ക്രോ​സ് ഏ​ജ​സ് മ്യൂ​സി​യ​ത്തി​ൽ നി​ന്നാ​ണ് ഒ​ന്നാം ഘ​ട്ടം ആ​രം​ഭി​ക്കു​ക.

181.5 കി​ലോ​മീ​റ്റ​ർ പി​ന്നി​ട്ട ശേ​ഷം ഒ​മാ​ൻ ക​ൺ​വെ​ൻ​ഷ​ൻ ആ​ൻ​ഡ്​ എ​ക്സി​ബി​ഷ​ൻ സെ​ന്ററിലാ​ണ് ഒ​ന്നാം ദി​വ​സ​ത്തെ മ​ത്സ​രം അ​വ​സാ​നി​ക്കു​ക. ര​ണ്ടാം ദി​വ​സ​മാ​യ ഞാ​യ​റാ​ഴ്ച മ​സ്ക​ത്തി​ലെ അ​ല സി​ഫി​ൽ​നി​ന്നാ​ണ് മ​ത്സ​രം ആ​രം​ഭി​ക്കു​ക. 170 .5 കി​ലോമീ​റ്റ​ർ പി​ന്നി​ട്ട് മ​സ്ക​ത്തി​ലെ വി​വി​ധ ഭാ​ഗ​ങ്ങ​ളി​ലൂ​ടെ ഖു​റി​യാ​ത്തി​ൽ സ​മാ​പി​ക്കും.