മ​സ്ക​ത്ത്​ ഇ​ന്ത്യ​ൻ എം​ബ​സി യോ​ഗ ദി​നാ​ച​ര​ണം; പ​ങ്കാ​ളി​ക​ളാ​യ​ത്​ 2,000പേ​ർ

മ​സ്ക​ത്ത്​: പ​ത്താം അ​ന്താ​രാ​ഷ്ട്ര യോ​ഗ ദി​നാ​ച​ര​ണ​ത്തി​ന്‍റെ ഭാ​ഗ​മാ​യി മ​സ്ക​ത്ത്​ ഇ​ന്ത്യ​ൻ എം​ബ​സി ഇ​ന്ത്യ​ൻ സ്കൂ​ൾ മ​സ്ക​ത്തി​ന്‍റെ സ​ഹ​ക​ര​ണ​ത്തോ​ടെ മെ​ഗാ ആ​ഘോ​ഷം സം​ഘ​ടി​പ്പി​ച്ചു. മ​സ്ക​ത്ത്​ ഇ​ന്ത്യ​ൻ സ്കൂ​ൾ അ​ങ്ക​ണ​ത്തി​ൽ​ന​ട​ന്ന പ​രി​പാ​ടി​യി​ൽ ഒ​മാ​നി​ലെ ഇ​ന്ത്യ​ൻ ക​മ്യൂണി​റ്റി അം​ഗ​ങ്ങ​ൾ, ഒ​മാ​നി​ലെ റ​സി​ഡ​ന്‍റ് അം​ബാ​സ​ഡ​ർ​മാ​ർ, ന​യ​ത​ന്ത്ര സേ​നാം​ഗ​ങ്ങ​ൾ, ഒ​മാ​നി പൗ​ര​ന്മാ​ർ, ഇ​ന്ത്യ​ൻ സ്കൂ​ളു​ക​ളി​ൽ​നി​ന്നു​ള്ള വി​ദ്യാ​ർ​ഥി​ക​ൾ എ​ന്നി​വ​രു​ൾ​പ്പെ​ടെ വി​വി​ധ തു​റ​ക​ളി​ൽ​നി​ന്നു​ള്ള 2,000പേ​ർ പ​രി​പാ​ടി​യി​ൽ പ​ങ്കെ​ടു​ത്തു. ‘യോ​ഗ സ്വ​ന്ത​ത്തി​നും സ​മൂ​ഹ​ത്തി​നും’ എ​ന്ന ത​ല​ക്കെ​ട്ടി​ലാ​യി​രു​ന്നു ഈ ​വ​ർ​ഷ​ത്തെ അ​ന്താ​രാ​ഷ്ട്ര യോ​ഗ ദി​നാ​ച​ര​ണം ന​ട​ത്തി​യി​രു​ന്ന​ത്.

യോ​ഗ വ്യ​ക്തി​ഗ​ത ആ​രോ​ഗ്യ​വും ക്ഷേ​മ​വും വ​ർ​ധി​പ്പി​ക്കു​ക മാ​ത്ര​മ​ല്ല, ഐ​ക്യ​വും പ്രോ​ത്സാ​ഹി​പ്പി​ക്കു​ന്ന​തി​ലൂ​ടെ സാ​മൂ​ഹി​ക ഘ​ട​ന​യെ ശ​ക്തി​പ്പെ​ടു​ത്തു​ക​യും ചെ​യ്യു​ന്നു​​ണ്ടെ​ന്ന്​ ച​ട​ങ്ങി​ൽ സം​സാ​രി​ച്ച അം​ബാ​സ​ഡ​ർ അ​മി​ത്​ നാ​ര​ങ്​ പ​റ​ഞ്ഞു. പ​രി​പാ​ടി​യു​ടെ വി​ജ​യ​ത്തി​നാ​യി സ​ഹ​ക​രി​ച്ച എ​ല്ലാ പ​ങ്കാ​ളി​ക​ൾ​ക്കും യോ​ഗ സം​ഘ​ട​ന​ക​ൾ​ക്കും സ്പോ​ൺ​സ​ർ​മാ​ർ​ക്കും അം​ബാ​സ​ഡ​ർ ന​ന്ദി അ​റി​യി​ക്കു​ക​യും ചെ​യ്തു.

പ​ത്താം അ​ന്താ​രാ​ഷ്ട്ര യോ​ഗ ദി​ന​ത്തി​നു മു​ന്നോ​ടി​യാ​യി എം​ബ​സി ‘മ​ർ​ഹ​ബ​ൻ യോ​ഗ: ആ​രോ​ഗ്യം, ഐ​ക്യം, രോ​ഗ​ശാ​ന്തി’ എ​ന്ന പേ​രി​ൽ വി​വി​ധ പ​രി​പാ​ടി​ക​ൾ ന​ട​ത്തി​യി​രു​ന്നു. ഇ​തി​ന്‍റെ ഭാ​ഗ​മാ​യി 30 ല​ധി​കം യോ​ഗ പ​രി​പാ​ടി​ക​ൾ അ​ര​ങ്ങേ​റി. കു​ട്ടി​ക​ൾ മു​ത​ൽ പ്രാ​യ​മാ​യ​വ​ർ​വ​രെ ഈ ​പ​രി​പാ​ടി​ക​ളി​ൽ പ​ങ്കാ​ളി​യാ​യി.

മ​ർ​ഹ​ബ​ൻ യോ​ഗ​യു​ടെ സ​മാ​പ​ന പ​രി​പാ​ടി സ​ലാ​ല​യി​ലാ​യി​രു​ന്നു ന​ട​ന്ന​ത്. നി​ര​വ​ധി ഒ​മാ​നി പ്ര​മു​ഖ​രു​ൾ​പ്പെ​ടെ 300 ല​ധി​കം പേ​ർ പ​ങ്കെ​ടു​ത്തു. ഒ​മാ​ൻ നാ​ഷ​ന​ൽ മ്യൂ​സി​യം സെ​ക്ര​ട്ട​റി ജ​ന​റ​ൽ ജ​മാ​ൽ അ​ൽ മൂ​സാ​വി വി​ശി​ഷ്ടാ​തി​ഥി​യാ​യും പ​ങ്കെ​ടു​ത്തു. എം​ബ​സി​യു​ടെ ആ​ഭി​മു​ഖ്യ​ത്തി​ൽ​ന​ട​ന്ന 2022ലെ ‘​മ​സ്‌​ക​ത്ത്​ യോ​ഗ മ​ഹോ​ത്സ​വ്’, 2023ലെ ‘​ഒ​മാ​ൻ യോ​ഗ യാ​ത്ര’ എ​ന്നി​വ യോ​ഗ​യു​ടെ ആ​രോ​ഗ്യ ഗു​ണ​ങ്ങ​ൾ വി​ശ​ദീ​ക​രി​ക്കു​ന്ന​വ​യാ​യി​രു​ന്നു.