മസ്​കത്ത്​ കെ.എം.സി.സി എറണാകുളം ജില്ല കമ്മിറ്റി നിലവിൽ

മസ്​കത്ത്​: മസ്​കത്ത്​ കെ.എം.സി.സി കേന്ദ്രകമ്മിറ്റിയുടെ കീഴിൽ എറണാകുളം ജില്ല കമ്മിറ്റി നിലവിൽ വന്നു. പ്രഥമ പ്രസിഡൻറ്​ കേന്ദ്ര കമ്മിറ്റി സെക്രട്ടറികൂടിയായ ഷാനവാസ് മൂവാറ്റുപുഴയാണ്​. അബ്​ദുൽ അസീസ് തൃക്കാക്കര ജനറൽ സെക്രട്ടറിയും ബക്കർ എടത്തല ട്രഷററുമാണ്​. മറ്റു ഭാരവാഹികൾ: അബ്​ദുൽ റഹിം കക്കാടംകുളം, കെ.എം. സുലൈമാൻ കോതമംഗലം, ഷംസു എം.എ. ആലുവ, അഷീർ ബഷീർ എറണാകുളം (വൈസ്​. പ്രസി.), അൻസിൽ പുത്തൂക്കാടൻ കുന്നത്തുനാട്​, മുഹമ്മദ്‌ ഷാ കോതമംഗലം, മുഹമ്മദ്‌ സിദ്ദീഖ് കളമശ്ശേരി, മുഹമ്മദ്‌ സലാഹ് മുവാറ്റുപുഴ (ജോ. സെക്ര.), ബി. മുഹമ്മദ് മുറിയോടിയിൽ കോതമംഗലം (റിലീഫ് കമ്മിറ്റി ചെയർ.), എം.എസ്. മൊയ്തീൻ മരങ്ങാട്ട് കോതമംഗലം (റിലീഫ്​ കമ്മിറ്റി കൺവീനർ), മുഹമ്മദ് അനീസ് കുന്നത്തുനാട് (സ്പോർട്സ് കമ്മിറ്റി കൺവീനർ) എന്നിവർക്ക്​ പുറമെ 16 അംഗ പ്രവർത്തക സമിതി അംഗങ്ങളെയും തിരഞ്ഞെടുത്തു. മസ്​കത്ത്​ കെ.എം.സി.സി കേന്ദ്ര കമ്മിറ്റി സീനിയർ വൈസ് പ്രസിഡൻറ്​ എ.കെ.കെ. തങ്ങൾ, സെക്രട്ടറിമാരായ കെ.കെ. റഫീഖ് ചിറ്റാരിപ്പറമ്പ്, അഷ്റഫ് കിണവക്കൽ എന്നിവർ തെരഞ്ഞെടുപ്പ് നിരീക്ഷകരായി പങ്കെടുത്തു.

സ്ഥാനാരോഹണ ചടങ്ങിൽ ഹാഫിള് ഇ.കെ. അബൂബക്കർ സിദ്ദീഖ്​ പ്രാർഥന നിർവഹിച്ചു. ജനറൽ സെക്രട്ടറി അബ്​ദുൽ അസീസ്​ സ്വാഗത പ്രസംഗം നടത്തി. പ്രസിഡൻറ്​ ഷാനവാസ് മൂവാറ്റുപുഴ അധ്യക്ഷത വഹിച്ചു. മുസ്​ലിം ലീഗ്‌ എറണാകുളം ജില്ല കമ്മിറ്റി പ്രസിഡൻറ്​ കെ.എം. അബ്​ദുൽ മജീദ് ഉദ്​ഘാടനം നിർവഹിച്ചു. മസ്​കത്ത്​ കെ.എം.സി.സി കേന്ദ്ര കമ്മിറ്റി പ്രസിഡൻറ്​ അഹമ്മദ്​ റഇൗസ്​ ചടങ്ങിൽ മുഖ്യ പ്രഭാഷണം നടത്തി.