ദേശീയദിനാഘോഷം: വാഹനങ്ങള് അലങ്കരിക്കാന് അനുമതി
text_fieldsമസ്കത്ത്: രാജ്യത്തിെൻറ 52ാം ദേശീയദിനാഘോഷങ്ങളുടെ ഭാഗമായി വാഹനങ്ങള് അലങ്കരിക്കാന് റോയല് ഒമാന് പൊലീസ് അനുമതി നല്കി. പൊലീസ് പുറപ്പെടുവിച്ച മാര്ഗനിര്ദേശങ്ങള് പാലിച്ച് നവംബര് 30വരെ വാഹനങ്ങളില് സ്റ്റിക്കര് പതിച്ച് ഉപയോഗിക്കാം.
വിന്ഡോ ഗ്ലാസ്, നമ്പര് പ്ലേറ്റ്, ലൈറ്റുകള് എന്നിവിടങ്ങളിലേക്ക് സ്റ്റിക്കറുകള് വ്യാപിക്കരുത്. പിന്വശത്തെ ഗ്ലാസില് പതിക്കുന്ന സ്റ്റിക്കര് ഡ്രൈവര്ക്ക് പിന്വശത്തെ വിന്ഡോയിലെ ചിത്രങ്ങള് കാണാന് അനുവദിക്കുന്ന തരത്തിലുള്ളതായിരിക്കണം. ഗതാഗത സുരക്ഷ ലംഘിക്കുന്ന തരത്തിലുള്ളവ നിരോധിച്ചിട്ടുണ്ട്. ദേശീയ ചിഹ്നങ്ങൾ സ്റ്റിക്കറായി പതിക്കാൻ പാടില്ല. വിധ്വംസകമോ മൂല്യരഹിതവുമായ വാക്കുകൾ ഉയോഗിക്കരുത്. അതേസമയം, ഈ കാലയളവില് വാഹനത്തിന്റെ നിറം മാറ്റാന് അനുമതി ഇല്ലെന്നും റോയല് ഒമാന് പൊലീസ് അറിയിച്ചു. നിര്ദേശങ്ങള് ലംഘിക്കുന്നവര്ക്കെതിരെ നടപടിയുണ്ടാകും.
മുൻ ഭരണാധകാരി സുൽത്താൻ ഖാബൂസിന്റെ മരണം, കോവാഡ് നിയന്ത്രണം എന്നിവകാരണം കഴിഞ്ഞ രണ്ട് മൂന്ന് വർഷങ്ങളായി രാജ്യത്ത് വിപുലമായി രീതിയിൽ ദേശീയദിനാഘോഷ പരിപാടികൾ നടന്നിരുന്നില്ല. അതുകൊണ്ടുതന്നെ കാറുകളുടെ അലങ്കാരങ്ങളും മറ്റും കുറവായിരുന്നു. എന്നാൽ, കോവിഡ് നിയന്ത്രണങ്ങളിലാത്ത ദേശീയ ആഘോഷങ്ങൾക്കാണ് രാജ്യം ഒരുങ്ങുന്നത്. അതിനാൽ ഇത്തവണ വിദേശികളും സ്വദേശികളുമടക്കം നിരവധിപേർ കാർ അലങ്കരിക്കാനെത്തുമെന്നാണ് ഈ മേഖലയിലെ വ്യാപാരികൾ കണക്ക് കൂട്ടുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.