ആഘോഷങ്ങൾ അവസാനത്തിലേക്ക്; വാഹന അലങ്കാരം നീക്കി

മ​സ്ക​ത്ത്: 52ാം ദേ​ശീ​യ ദി​ന ആ​ഘോ​ഷ​ങ്ങ​ൾ അ​വ​സാ​ന​ത്തി​ലേ​ക്ക് നീ​ങ്ങു​ന്നു. ആ​ഘോ​ഷ​ത്തി​ന്‍റെ ഭാ​ഗ​മാ​യി വാ​ഹ​ന​ങ്ങ​ൾ അ​ല​ങ്ക​രി​ക്കാ​ൻ അ​ധി​കൃ​ത​ർ ന​ൽ​കി​യ സ​മ​യ​പ​രി​ധി ബു​ധ​നാ​ഴ്ച അ​വ​സാ​നി​ച്ചു. വ്യാ​ഴാ​ഴ്ച മു​ത​ൽ വാ​ഹ​ന​ങ്ങ​ളി​ൽ അ​ല​ങ്കാ​രം ഉ​ണ്ടാ​വു​ന്ന​ത് നി​യ​മ വി​രു​ദ്ധ​മാ​വും.

ഈ ​വ​ർ​ഷം ക​ഴി​ഞ്ഞ കൊ​ല്ല​ത്തേ​ക്കാ​ൾ കൂ​ടു​ത​ൽ പേ​ർ വാ​ഹ​നം അ​ല​ങ്ക​രി​ച്ചി​രു​ന്ന​താ​യി ഈ ​മേ​ഖ​ല​യു​മാ​യി ബ​ന്ധ​പ്പെ​ട്ട വ്യാ​പാ​രി​ക​ൾ പ​റ​യു​ന്നു. ക​ഴി​ഞ്ഞ വ​ർ​ഷം കോ​വി​ഡ് പ്ര​തി​സ​ന്ധി കാ​ര​ണം വാ​ഹ​നം അ​ല​ങ്ക​രി​ച്ച​വ​രു​ടെ എ​ണ്ണം തീ​രെ കു​റ​വാ​യി​രു​ന്നു. എ​ന്നാ​ൽ, ഈ ​വ​ർ​ഷം വാ​ഹ​നം അ​ല​ങ്ക​രി​ക്കു​ന്ന​വ​രു​ടെ എ​ണ്ണം താ​ര​ത​മ്യേ​ന വ​ർ​ധി​ച്ചി​ട്ടു​ണ്ട്. എ​ന്നാ​ൽ, വാ​ഹ​ന അ​ല​ങ്കാ​ര​ത്തി​ന്‍റെ ചെ​ല​വ് തീ​രെ കു​റ​ച്ചി​ട്ടും വേ​ണ്ട​ത്ര പ്ര​തി​ക​ര​ണ​മു​ണ്ടാ​യി​ട്ടി​ല്ലെ​ന്നാ​ണ് വ്യാ​പാ​രി​ക​ൾ പ​റ​യു​ന്ന​ത്. മു​ൻ വ​ർ​ഷ​ത്തെ അ​പേ​ക്ഷി​ച്ച് നാ​ലി​ൽ ഒ​ന്നും അ​ഞ്ചി​ൽ ഒ​ന്നും നി​ര​ക്കു​ക​ളാ​ണ് ഈ ​വ​ർ​ഷം ഈ​ടാ​ക്കി​യി​രു​ന്ന​ത്. എ​ന്നാ​ലും അ​ല​ങ്ക​രി​ക്കു​ന്ന​വ​ർ കു​റ​വാ​യ​താ​യി ഈ ​മേ​ഖ​ല​യി​ലു​ള്ള​വ​ർ പ​റ​യു​ന്നു. പൊ​തു​ജ​ന​ങ്ങ​ളു​ടെ പ​ണം ചെ​ല​വാ​ക്കു​ന്ന രീ​തി​യി​ൽ മാ​റ്റം വ​ന്നി​ട്ടു​​ണ്ടെ​ന്നാ​ണ്​​ ഇ​വ​ർ പ​റ​യു​ന്ന​ത്. വാ​ഹ​ന​ങ്ങ​ൾ അ​ല​ങ്ക​രി​ക്കു​ന്ന​തി​ൽ പൊ​തു​വെ വി​മു​ഖ​ത​യാ​ണു​ള്ള​ത്. അ​ല​ങ്ക​രി​ക്കു​ന്ന​വ​ർ ത​ന്നെ ല​ളി​ത​മാ​യ രീ​തി​യാ​ണ് ന​ട​ത്തു​ന്ന​ത്. വാ​ഹ​നം മു​ഴു​വ​ൻ പ​ല വ​ർ​ണ​ങ്ങ​ളി​ൽ അ​ല​ങ്ക​രി​ക്കു​ന്ന പ​ഴ​യ രീ​തി മാ​റി​യി​രി​ക്കു​ന്നു.

പ​ല​രും ഒ​മാ​ൻ പ​താ​ക മാ​ത്ര​മാ​ണ് കെ​ട്ടു​ന്ന​ത്. പ​ഴ​യ സു​ൽ​ത്താ​ന്‍റെ​യും പു​തി​യ സു​ൽ​ത്താ​ന്‍റെ​യും ഫോ​ട്ടോ​ക​ൾ ഒ​ട്ടി​ക്കു​ന്ന​വ​രു​മു​ണ്ട്. ല​ളി​ത​മാ​യ രീ​തി​യി​ൽ 52 എ​ന്ന എം​ബ്ലം മാ​ത്രം ഒ​ട്ടി​ക്കു​ന്ന​വ​രു​മു​ണ്ട്. മു​ൻ കാ​ല​ങ്ങ​ളി​ൽ ദേ​ശീ​യ​ദി​ന​ത്തി​ന്‍റെ ഭാ​ഗ​മാ​യി വാ​ഹ​നം അ​ല​ങ്ക​രി​ക്ക​ൽ വ്യാ​പ​ക​മാ​യി​രു​ന്നു. സ്വ​ദേ​ശി​ക​ളു​ടെ​യും വി​ദേ​ശി​ക​ളു​ടെ ഏ​താ​ണ്ടെ​ല്ലാ വാ​ഹ​ന​ങ്ങ​ളും അ​ല​ങ്ക​രി​ച്ചി​രു​ന്നു. അ​ല​ങ്ക​രി​ച്ച വാ​ഹ​ന​ങ്ങ​ൾ കൂ​ട്ട​മാ​യി റോ​ഡി​ലൂ​ടെ നീ​ങ്ങു​ന്ന കാ​ഴ്ച മ​നോ​ഹ​ര​മാ​യി​രു​ന്നു. വാ​ഹ​ന​ങ്ങ​ളി​ൽ അ​ല​ങ്കാ​രം ന​ട​ത്തു​ന്ന സ്ഥാ​പ​ന​ങ്ങ​ൾ ന​ട​ത്തി​യി​രു​ന്ന​വ​രി​ൽ അ​ധി​ക​വും മ​ല​യാ​ളി​ക​ളു​മാ​യി​രു​ന്നു. ഇ​ത്ത​ര​ക്കാ​ർ ന​ല്ല സാ​മ്പ​ത്തി​ക ലാ​ഭ​വും അ​ക്കാ​ല​ങ്ങ​ളി​ൽ ഉ​ണ്ടാ​ക്കി​യി​രു​ന്നു. എ​ന്നാ​ൽ ക​ഴി​ഞ്ഞ ഏ​താ​നും വ​ർ​ഷ​ങ്ങ​ളാ​യി വാ​ഹ​ന അ​ല​ങ്കാ​ര ക​മ്പം കു​റ​ഞ്ഞു വ​രു​ക​യാ​യി​രു​ന്നു. ഇ​തോ​ടെ ഈ ​മേ​ഖ​ല​യി​ൽ നി​ന്ന് കി​ട്ടു​ന്ന വ​രു​മാ​ന​വും തീ​രെ കു​റ​ഞ്ഞി​ട്ടു​ണ്ട്.