ഇ​ന്ത്യ​ൻ ഇ​സ്‌​ലാ​മി​ക നാ​ഗ​രി​ക​ത​യു​ടെ സൗ​ന്ദ​ര്യ​വു​മാ​യി നാ​ഷ​ന​ൽ മ്യൂ​സി​യ​ത്തി​ൽ പ്ര​ദ​ർ​ശ​നം

മ​സ്ക​ത്ത്​: ഇ​ന്ത്യ​ൻ ഇ​സ്‌​ലാ​മി​ക നാ​ഗ​രി​ക​ത​യു​ടെ സൗ​ന്ദ​ര്യാ​ത്മ​ക​ത തു​റ​ന്നു​കാ​ണി​ക്കു​ന്ന പ്ര​ദ​ർ​ശ​ന​ത്തി​ന്​ ​ദേ​ശീ​യ മ്യൂ​സി​യ​ത്തി​ൽ തു​ട​ക്ക​മാ​യി. കു​വൈ​ത്തി​ലെ ഹൗ​സ് ഓ​ഫ് ഇ​സ്​​ലാ​മി​ക് ആ​ന്‍റി​ക്വി​റ്റീ​സു​മാ​യി സ​ഹ​ക​രി​ച്ചാ​ണ്​ നാ​ഷ​ന​ൽ മ്യൂ​സി​യം ‘ഓ​ർ​ണ​മെ​ന്‍റ്: ദി ​സ്‌​പ്ലെ​ൻ​ഡ​ർ ഓ​ഫ് ദി ​സു​ൽ​ത്താ​ൻ​സ് ഓ​ഫ് ഇ​ന്ത്യ’ എ​ന്ന പേ​രി​ൽ ഒ​രു പ്ര​ദ​ർ​ശ​നം ന​ട​ത്തു​ന്ന​ത്.

സ​യ്യി​ദ മി​യാ​ൻ ബി​ൻ​ത് ഷി​ഹാ​ബ് അ​ൽ സ​ഈ​ദി​ന്‍റ ര​ക്ഷാ​ക​ർ​തൃ​ത്വ​ത്തി​ലാ​യി​രു​ന്നു ഉ​ദ്​​ഘാ​ട​ന പ​രി​പാ​ടി​ക​ൾ. ദേ​ശീ​യ മ്യൂ​സി​യം സെ​ക്ര​ട്ട​റി ജ​ന​റ​ൽ ജ​മാ​ൽ ബി​ൻ ഹ​സ​ൻ അ​ൽ മൗ​സാ​വി ഉ​ദ്ഘാ​ട​നം ചെ​യ്തു. അ​ന്ത​രി​ച്ച ശൈ​ഖ്​ നാ​സ​ർ സ​ബാ​ഹ് അ​ൽ അ​ഹ​മ്മ​ദ് അ​ൽ സ​ബാ​ഹ്, ശൈ​ഖ ഹെ​സ്സ സ​ബാ​ഹ് അ​ൽ സ​ലേം അ​ൽ സ​ബാ​ഹ് എ​ന്നി​വ​രു​ടെ ശേ​ഖ​ര​ത്തി​ൽ നി​ന്നു​ള്ള 130ല​ധി​കം അ​തു​ല്യ​വും വി​ശി​ഷ്ട​വു​മാ​യ ക​ലാ​രൂ​പ​ങ്ങ​ളാ​ണ് പ്ര​ദ​ർ​ശ​ന​ത്തി​ലു​ള്ള​ത്.

കൊ​ത്തി​യെ​ടു​ത്ത ര​ത്ന​ങ്ങ​ൾ, ആ​യു​ധ​ങ്ങ​ൾ, 1970ക​ളു​ടെ പ​കു​തി മു​ത​ൽ ശേ​ഖ​രി​ച്ച ആ​ഡം​ബ​ര ആ​ഭ​ര​ണ​ങ്ങ​ൾ എ​ന്നി​വ ഇ​തി​ലു​ൾ​പ്പെ​ടു​ന്നു. പ്ര​ത്യേ​കി​ച്ച് 16ഉം 18​ഉം നൂ​റ്റാ​ണ്ടു​ക​ളി​ൽ ഇ​വ ഉ​ണ്ടാ​ക്കി​യ ഇ​ന്ത്യ​ൻ ജ്വ​ല്ല​റി​ക​ളു​ടെ ക​ഴി​വു​ക​ൾ പ്ര​തി​ഫ​ലി​പ്പി​ക്കു​ന്ന ഈ ​ശേ​ഖ​രം ലോ​ക​ത്തി​ലെ പു​രാ​ത​ന​വും ഇ​സ്​​ലാ​മി​ക​വു​മാ​യ ക​ല​ക​ളു​ടെ ഏ​റ്റ​വും വി​ശി​ഷ്ട​മാ​യ ശേ​ഖ​ര​ങ്ങ​ളി​ലൊ ന്നാ​ണ്. എ​ക്സി​ബി​ഷ​ൻ സെ​പ്റ്റം​ബ​ർ 12വ​രെ തു​ട​രും.

പ്ര​ദ​ർ​ശ​ന​ത്തി​ലു​ള്ള വ​സ്തു​ക്ക​ൾ

പൊ​തു​ജ​ന​ങ്ങ​ൾ​ക്കും പ്ര​വേ​ശ​നം അ​നു​വ​ദി​ക്കും. എ.​ഡി 1449 മു​ത​ൽ തി​മൂ​റി​ഡ് ഭ​ര​ണാ​ധി​കാ​രി​യാ​യി​രു​ന്ന ഉ​ലു​ഗ് ബേ​ഗി​ന്‍റെ പേ​ര് ആ​ലേ​ഖ​നം ചെ​യ്ത വി​ല​യേ​റി​യ ക​ല്ല്, എ​.ഡി 1637-1638 കാ​ല​ഘ​ട്ട​ത്തി​ൽ ഷാ​ജ​ഹാ​ൻ ച​ക്ര​വ​ർ​ത്തി​യു​ടെ ജേ​ഡ് പെ​ൻ​ഡ​ന്‍റ് (സ്വ​ർ​ണ​ത്തേ​ക്കാ​ൾ വി​ല​യു​ള്ള ഒ​രു​ത​രം ക​ല്ല്), എ.​ഡി 1651-1652 കാ​ല​ത്തെ അ​മ്പെ​ത്ത്​ മോ​തി​രം എ​ന്നി​വ​യും പ്ര​ദ​ർ​ശ​ന​ത്തി​ലു​ണ്ട്.

കൂ​ടാ​തെ, ഇ​ന്ത്യ​ൻ ഇ​സ്​​ല​ാമി​ക ക​ര​കൗ​ശ​ല​ത്തി​​ന്‍റെ മ​ഹ​ത്വം പ്ര​തി​ഫ​ലി​പ്പി​ക്കു​ന്ന വി​ല​യേ​റി​യ ആ​ഭ​ര​ണ​ങ്ങ​ളാ​ൽ അ​ല​ങ്ക​രി​ച്ച ക​ഠാ​ര​ക​ൾ, ക​ത്തി​ക​ൾ, വാ​ളു​ക​ൾ എ​ന്നി​വ​യു​ടെ ഒ​രു നി​ര​യും ഇ​വി​ടെ കാ​ണാ​നാ​കും.

ഇ​സ്‌​ലാ​മി​ക പൈ​തൃ​കം സം​ര​ക്ഷി​ക്കു​ന്ന​തി​നും പ്രോ​ത്സാ​ഹി​പ്പി​ക്കു​ന്ന​തി​നു​മാ​യി ഒ​മാ​നും കു​വൈ​ത്തും ത​മ്മി​ലു​ള്ള സ​ഹ​ക​ര​ണ ശ്ര​മ​ങ്ങ​ളെ അ​ഭി​ന​ന്ദി​ച്ച അ​ൽ മൗ​സാ​വി, ഒ​മാ​നി​ലെ ഇ​ത്ത​ര​ത്തി​ലു​ള്ള ആ​ദ്യ പ്ര​ദ​ർ​ശ​ന​മാ​ണി​തെ​ന്നും ചൂ​ണ്ടി​ക്കാ​ട്ടി.