നാട്ടിലേക്ക്​ മടങ്ങവേ ആലപ്പുഴ സ്വദേശി ഒമാനിൽ മരിച്ചു

മസ്കത്ത്​: നാട്ടിലേക്ക്​ മടങ്ങാനായി മസ്കത്ത്​ അന്താരാഷ്ട്ര വിമാനത്താവളത്തിൽ എത്തിയ ആലപ്പുഴ സ്വദേശി മരിച്ചു. വള്ളിക്കുന്നം തുറയസ്സേരില്‍ കന്നിമേല്‍ നസീര്‍ മുഹമ്മദ് (58) ആണ് മരിച്ചത്. വിമാനത്താവള ലോഞ്ചില്‍വെച്ച്​ ഹൃദയാഘാതം അനുഭവപ്പെട്ട ഇദ്ദേഹത്തെ റൂവിയിലെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.

പിതാവ്: അഹമ്മദ് സാലിം. മാതാവ്: സൈനബ കുഞ്ഞു. ഭാര്യ: സോഫിയ. മക്കള്‍: അലിഫ് (ഒമാന്‍), ആലിയ. സഹോദരന്‍: നിസാര്‍.

മോര്‍ച്ചറിയില്‍ സൂക്ഷിച്ച മൃതദേഹം നാട്ടിലെത്തിക്കുന്നതിനുള്ള നടപടികള്‍ പുരോഗമിക്കുകയാണെന്ന് ബന്ധപ്പെട്ടവര്‍ അറിയിച്ചു.