കസബിൽ വാഹനാപകടത്തിൽ പൊന്നാനി സ്വദേശി മരിച്ചു

മസ്കത്ത്​: ഒമാനിലെ കസബിലുണ്ടായ വാഹനാപകടത്തിൽ മലയാളി യുവാവ്​ മരിച്ചു. പൊന്നാനി കടവനാട്​ കക്കാട്ട്​ ബാലകൃഷ്ണന്‍റെയും (മോഹനൻ) ജയശ്രീയുടെയും മകൻ ഷിജിൽ (32) ആണ്​ മരിച്ചത്​. ഈമാസം ഒമ്പതിനായിരുന്നു അപകടം. ഏറെ നാളായി ഒമാനിലെ ഒരു കമ്പനിയിൽ ഡ്രൈവറായി ജോലി ചെയ്യുകയായിരുന്ന​ ഷിജിൽ ഓടിച്ചിരുന്ന ചെറിയ ട്രക്ക്​ മറിഞ്ഞാണ്​ അപകടമുണ്ടായത്​. ഭാര്യ: അമൃത, മകൾ: ശിവാത്മിക. നടപടിക്രമങ്ങൾ പൂർത്തിയാക്കി മൃതദേഹം നാട്ടിലേക്ക്​ കൊണ്ടുപോകുമെന്ന്​ ബന്ധപ്പെട്ടവർ അറിയിച്ചു.