തിരുവനന്തപുരം കിംസ്​ ഹെൽത്തിൽ പുതിയ ടവർ 'കിംസ്​ ഹെൽത്ത് ഈസ്​റ്റ്​' ഒരുങ്ങി

തിരുവനന്തപുരം: കേരളത്തിലെ ആരോഗ്യ പരിരക്ഷാമേഖലയിൽ ലോകോത്തര ചികിത്സാ സംവിധാനങ്ങളും സജ്ജീകരണങ്ങളുമായി തിരുവനന്തപുരം കിംസ്​ഹെൽത്തിൽ പുതിയ ടവർ 'കിംസ്​ഹെൽത്ത് ഈസ്​റ്റ്​' ഒരുങ്ങി. 4.6 ലക്ഷം ചതുരശ്രയടിയിലാണ് 10 നിലയിലുള്ള പുതിയ ബ്ലോക്ക് നിർമ്മിച്ചിരിക്കുന്നത്. കിംസ് ​ഹെൽത്തി​െൻറ മൂന്നാം ഘട്ട വികസനത്തി​െൻറ ഭാഗമായി മുന്നൂറുകോടി രൂപ ചെലവഴിച്ചാണ് സമ്പൂർണമായും പരിസ്​ഥിതിസൗഹൃദമായ ഈ പുതിയ പദ്ധതി യാഥാർത്ഥ്യമാക്കിയത്. അത്യാധുനിക ഓപറേഷൻ തിയേറ്ററുകൾ, കേന്ദ്രീകൃത നിരീക്ഷണമുള്ള 75 കിടക്കകളുള്ള ​െഎ.സി.യു, റോബോട്ടിക് സർജറി യൂണിറ്റ്്്, ഹൈപ്പർബാറിക് ഓക്സിജൻ സൗകര്യം, വിശാലമായ ബെർത്തിങ്​ സ്യൂട്ടുകൾ, ഡെലിവറി റൂമുകൾ, 170 എസി മുറികൾ, വെൽനെസ്​ സെൻറർ, ഫാർമസി, കഫെറ്റീരിയ തുടങ്ങിയവയാണ് പുതിയ കെട്ടിടത്തിൽ സജ്ജീകരിച്ചിരിക്കുന്നത്. വൃക്ക, കരൾ, ഹൃദയം, ശ്വാസകോശം എന്നിവ മാറ്റിവയ്ക്കുന്ന ശസ്​ത്രക്രിയകൾക്കുള്ള വിഭാഗവും പ്രത്യേക മാതൃശിശു വിഭാഗവും ഇവിടെ പ്രവർത്തിക്കും. ഫീറ്റൽ മെഡിസിൻ, പെരിനാറ്റോളജി, അഡ്വാൻസ്​ഡ് കാർഡിയാക് ആൻഡ് ന്യൂറോസർജറി, പീഡിയാട്രിക് കാർഡിയാക് സർജറി, 30 കിടക്കകളുള്ള അത്യാധുനിക നവജാതശിശു ചികിഝാ വിഭാഗവും ഐസിയുവും അനുബന്ധ സേവനങ്ങളും പുതിയ ബ്ലോക്കിലുണ്ട്.

മഹാമാരി നിരവധി പാഠങ്ങൾ പഠിപ്പിച്ചതായി കിംസ്​ഹെൽത്ത് ഗ്രൂപ്പ് ചെയർമാനും മാനേജിംഗ് ഡയറക്ടറുമായ ഡോ. എം ഐ സഹദുള്ള വാർത്താസമ്മേളനത്തിൽ പറഞ്ഞു. നൂതന ആരോഗ്യപരിരക്ഷ പ്രദാനം ചെയ്യുന്നതിലൂടെ കിംസ്​ഹെൽത്തി​െൻറ മൂല്യങ്ങൾ ഉയർത്തിപ്പിടിക്കുന്ന പ്രതീകമായിരിക്കും പുതിയ ബ്ലോക്ക്​. പരിസ്​ഥിതി സൗഹാർദമായാണ് നിർമ്മാണം. കെട്ടിടത്തിനാവശ്യമായ ഈർജ ലഭ്യതക്ക്​ സൗരോർജ്ജ പാനലുകളും വെള്ളത്തിന് മഴവെള്ള സംഭരണിയും സജ്ജമാക്കിയിട്ടുണ്ടെന്നും അദ്ദേഹം പറഞ്ഞു.

പുതിയ ബ്ലോക്കിലൂടെ കേരളത്തിലെ ജനങ്ങൾക്കായി ചികിത്സാരംഗത്ത് അത്യാധുനിക വികാസങ്ങൾ കൂട്ടിച്ചേർക്കുകയാണ്​ കിംസെന്ന്​ വൈസ്​ ചെയർമാൻ ഡോ.ജി വിജയരാഘവൻ പറഞ്ഞു. അത്യാധുനിക സാങ്കേതിക സൗകര്യങ്ങളൊരുക്കുന്നതിനും ലോകോത്തര ചികിത്സാ മാനദണ്ഡങ്ങൾ ഉറപ്പുവരുത്തുന്നതിനുമാണ്​ കിംസ്​ ശ്രമിക്കുന്നതെന്ന് കിംസ്​ഹെൽത്ത് ഗ്രൂപ്പ് ചീഫ് എക്സിക്യുട്ടീവ് ഓഫീസർ ഡോ. ഷെറീഫ് സഹദുള്ള പറഞ്ഞു. കിംസ്​ഹെൽത്ത് രണ്ട് ദശാബ്​ദം പൂർത്തീകരിച്ചതായി എക്സിക്യുട്ടീവ് ഡയറക്ടർ ഇ.എം നജീബ് അറിയിച്ചു. 900 ൽപരം ഡോക്ടർമാരും 6000 ആരോഗ്യപരിരക്ഷാ െപ്രാഫഷണലുകളുമായി ആറ് രാജ്യങ്ങളിൽ ഗ്രൂപ്പി​െൻറ സാന്നിധ്യമുണ്ട്. ഇന്ത്യയിലും ഗൾഫ് രാജ്യങ്ങളിലുമുൾപ്പെടെയുള്ള ആകെ കിടക്കളുടെ ശേഷി 2,000 ഉയർന്നതായും അദ്ദേഹം പറഞ്ഞു.