മ​ഴ​യു​ടെ സ​മ്മാ​ന​മാ​യി സു​ഹാ​റി​ൽ പു​തി​യ ത​ടാ​കം

സു​ഹാ​ർ: സ​ന്ദ​ർ​ശ​ക​ർ​ക്ക് ഉ​ല്ല​സി​ക്കാ​ൻ പാ​ർ​ക്കു​ക​ളും ബീ​ച്ചു​ക​ളും പൂ​ന്തോ​ട്ട​ങ്ങ​ളും മ​നു​ഷ്യ നി​ർ​മി​തി​യാ​ൽ പ​ടു​ത്ത​യ​ർ​ത്തു​മ്പോ​ൾ ഒ​രു മ​ഴ​ക്ക് ശേ​ഷം നീ​ല ജ​ലാ​ശ​യ​മാ​യി രൂ​പ​പ്പെ​ട്ട ത​ടാ​കം കൗ​തു​ക​ക്കാ​ഴ്ച​യാ​കു​ന്നു.

സു​ഹാ​റി​ലെ അ​മ്പ​ർ ഭാ​ഗ​ത്തെ കോ​ർ​ണീ​ഷി​ലേ​ക്ക് പോ​കു​ന്ന വ​ഴി​യാ​ണ് പു​തി​യ ത​ടാ​കം രൂ​പ​പ്പെ​ട്ട​ത്. സു​വൈ​റ റൗ​ണ്ട് എ​ബൗ​ട്ടി​ൽ​നി​ന്ന് ഷാ​ത്തി റോ​ഡി​ലേ​ക്ക് തി​രി​ഞ്ഞ് പാ​ല​സി​ന്റെ പി​ന്നി​ലൂ​ടെ ബീ​ച്ച് ഭാ​ഗ​ത്തേ​ക്ക്‌ പോ​കു​ന്ന സ്ഥ​ല​ത്തു​ള്ള ത​ടാ​കം ഇ​പ്പോ​ൾ നി​ര​വ​ധി ആ​ളു​ക​ളെ​യാ​ണ്​ ആ​ക​ർ​ഷി​ക്കു​ന്ന​ത്. മ​ഴ വെ​ള്ള​പ്പാ​ച്ചി​ലി​ൽ നി​ല​വി​ൽ ഉ​ണ്ടാ​യി​രു​ന്ന ടാ​ർ റോ​ഡ് ഒ​ലി​ച്ചു​പോ​യ ഭാ​ഗ​ത്താ​ണ് വെ​ള്ളം നി​റ​ഞ്ഞ് അ​രു​വി​യാ​യി രൂ​പാ​ന്ത​ര​പ്പെ​ട്ട​ത്. തെ​ളി​മ​യു​ള്ള വെ​ള്ള​ത്തി​ൽ നീ​ന്തി​ക്കു​ളി​ക്കാ​ൻ ദി​ന​വും കു​ട്ടി​ക​ളു​ടെ തി​ര​ക്കാ​ണ്. ക​ര​യി​ൽ വ​ന്നു പു​തി​യ കാ​ഴ്ച​ക​ൾ ആ​സ്വ​ദി​ക്കാ​നും നി​ര​വ​ധി പേ​ർ എ​ത്തു​ന്നു​ണ്ട്. റോ​ഡി​ന് താ​ഴെ വെ​ള്ളം ഒ​ഴു​കി​പ്പോ​കാ​ൻ ഓ​വു​ക​ൾ നി​ർ​മി​ച്ചി​ട്ടു​ണ്ടെ​ങ്കി​ലും ശ​ക്ത​മാ​യ വെ​ള്ള​പ്പാ​ച്ചി​ലി​ൽ റോ​ഡും ഓ​വും എ​ല്ലാം ഒ​ഴു​കി​പ്പോ​കു​ക​യാ​യി​രു​ന്നു.റോ​ഡ് ഒ​ഴു​കി​പ്പോ​യ​തി​ന്റെ അ​വ​ശി​ഷ്ട​ങ്ങ​ൾ ഇ​വി​ടെ കാ​ണാം. ആ ​സ്ഥ​ല​ത്താ​ണ് പു​തി​യ ജ​ലാ​ശ​യം ഉ​ട​ലെ​ടു​ത്ത​ത്.

ന്യൂ​ന​മ​ർ​ദ​ത്തി​ന്‍റെ ഭാ​ഗ​മാ​യു​ള്ള മ​ഴ​യി​ൽ വി​വി​ധ പ്ര​ദേ​ശ​ങ്ങ​ളി​ൽ വെ​ള്ളം ക​യ​റി​യി​രു​ന്നെ​ങ്കി​ലും വ​റ്റാ​തെ നി​ന്ന​ത് ചി​ല​യി​ട​ങ്ങ​ളി​ലാ​ണ്. മ​ഴ​ക്കു ശേ​ഷം പ്ര​കൃ​തി വ​ലി​യ മാ​റ്റ​ങ്ങ​ൾ വ​രു​ത്തി. പ്ര​ദേ​ശം മു​ഴു​വ​ൻ പ​ച്ച​പു​ത​ച്ചി​രി​ക്കു​ക​യാ​ണ്. ത​രി​ശ്ഭൂ​മി​യി​ൽ ത​ളി​രി​ട്ട പു​ല്ലും ചെ​ടി​യും വൃ​ക്ഷ​ങ്ങ​ളും ന​യ​ന മ​നോ​ഹ​ര കാ​ഴ്ച​യാ​ണ് സ​മ്മാ​നി​ക്കു​ന്ന​ത്​.