തീപിടിച്ച വീട്ടിൽനിന്ന് കുടുംബാംഗങ്ങളെ രക്ഷിച്ച ഒമ്പതു വയസ്സുകാരന് പുരസ്കാരം
text_fieldsഒമ്പതു വയസ്സുകാരന് സിവിൽ ഡിഫൻസ് ഡയറക്ടർ ജനറൽ പുരസ്കാരം നൽകുന്നു
മസ്കത്ത്: തീപിടിച്ച വീട്ടിൽനിന്ന് സ്വന്തം കുടുംബാംഗങ്ങളെ രക്ഷിച്ച ഒമ്പതു വയസ്സുകാരന് സിവിൽ ഡിഫൻസിെൻറ പുരസ്കാരം.ബഹ്ലയിൽനിന്നുള്ള ഒമ്പതു വയസ്സുകാരനായ സ്വദേശി ബാലൻ മുഅ്തസിം അഹമ്മദ് സാലെഹ് അൽ ശഖ്സിക്കാണ് സിവിൽ ഡിഫൻസ് ഡയറക്ടർ ജനറൽ പുരസ്കാരം നൽകിയത്. കഴിഞ്ഞയാഴ്ചയിലാണ് ഇവരുെടെ വീട്ടിൽ തീപിടിത്തം നടന്നത്. ഇലക്ട്രിക്കൽ ചാർജറിൽനിന്ന് തീപടർന്നതിനെ തുടർന്ന് ആറു വയസ്സും നാലു വയസ്സുമുള്ള സഹോദരികളെയും 14 മാസം പ്രായമുള്ള സഹോദരനെയും വീടിന് പുറത്തെത്തിച്ചു.
അടുക്കളയിൽ ബോധരഹിതയായി കിടന്നിരുന്ന മാതാവിനെ കാലിൽ പിടിച്ചുവലിച്ച് തീയുടെ അപകടത്തിൽനിന്ന് മാറ്റുകയും തുടർന്ന് അയൽവാസികളെ സഹായത്തിന് വിളിക്കുകയുമായിരുന്നു. അയൽവാസികൾ അറിയിച്ചത് പ്രകാരം സിവിൽ ഡിഫൻസ് സ്ഥലത്തെത്തുകയും തീയണക്കുകയും ചെയ്തു. മുഅ്തസിമിെൻറ ധീരതയെ പ്രകീർത്തിച്ച സിവിൽ ഡിഫൻസ് ബ്രിഗേഡിയർ ഇത്തരം സംഭവങ്ങൾ ഒഴിവാക്കാൻ സമൂഹത്തിൽ ബോധവത്കരണം നടത്തേണ്ടത് അനിവാര്യമാണെന്നും പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.