ഇനി ആത്​മ സമർപ്പണത്തിന്‍റെ ദിനരാത്രങ്ങൾ

മ​സ്ക​ത്ത്: ഒ​മാ​നി​ൽ ഇ​ന്ന് റ​മ​ദാ​ൻ ഒ​ന്ന്. വി​ശ്വാ​സി​ക​ൾ​ക്കി​നി ആ​ത്മ​വി​ശു​ദ്ധി​യു​ടെ​യും പാ​പ​വി​മ​ലീ​ക​ര​ണ​ത്തി​ന്റെ​യും നാ​ളു​ക​ൾ. പ​ക​ല​ന്തി​യോ​ള​മെ​ത്തു​ന്ന വ്ര​ത​ശു​ദ്ധീ​ക​ര​ണ​ത്തി​ലൂ​ടെ​യും രാ​വേ​റെ നീ​ളു​ന്ന പ്രാ​ർ​ഥ​ന​യി​ലൂ​ടെ​യും, ആ​ത്മാ​വി​ൽ പ​റ്റി​പ്പി​ടി​ച്ച ക്ലാ​വു​ക​ൾ ക​ഴു​കി വെ​ളു​പ്പി​ക്കാ​ൻ ക​രു​ത്തു​പ​ക​രു​ന്ന ദി​ന​രാ​ത്ര​ങ്ങ​ൾ. ദൈ​വ​ത്തി​ന് വേ​ണ്ടി പ​ക​ൽ മു​ഴു​വ​ൻ പ​ട്ടി​ണി സ​ഹി​ച്ച് മ​ന​സ്സും ശ​രീ​ര​വും പാ​ക​പ്പെ​ടു​ത്താ​നും ദാ​ന​ധ​ർ​മ​ത്തി​ലൂ​ടെ​യും പ​ര​സ​ഹാ​യ​ത്തി​ലൂ​ടെ​യും സ​ഹാ​നു​ഭൂ​തി​യു​ടെ ജീ​വി​ത മാ​തൃ​ക​ക​ൾ പ​ടു​ക്കാ​നും ക​ഴി​യു​ന്ന പു​ണ്യ​കാ​ലം.

ജി​ബ്രീ​ൽ മാ​ലാ​ഖ​യും മ​ല​ക്കാ​യി​ര​ങ്ങ​ളും മ​ണ്ണി​ലി​റ​ങ്ങു​ക​യും വി​ശ്വാ​സി​ക​ൾ​ക്ക് സ​മാ​ധാ​നം നേ​രു​ക​യും ചെ​യ്യു​ന്ന ലൈ​ല​ത്തു​ൽ ഖ​ദ്റും പു​ണ്യ​മു​ഹൂ​ർ​ത്ത​ങ്ങ​ളും അ​നു​ഗൃ​ഹീ​ത​മാ​ക്കി​യ പു​ണ്യ​രാ​വു​ക​ൾ. അ​ങ്ങ​നെ അ​ള​വ​റ്റ അ​നു​ഗ്ര​ഹ​വു​മാ​യി പു​ണ്യ​ങ്ങ​ളു​ടെ പൂ​ക്കാ​ലം വ​ര​വാ​യി. ര​ണ്ട് കോ​വി​ഡ് വ​ർ​ഷ​ത്തെ ഇ​ട​വേ​ള​ക്കു​ശേ​ഷം ത​നി​മ​യോ​ടെ വ്ര​ത​മ​നു​ഷ്ഠി​ക്കാ​ൻ ക​ഴി​യു​മെ​ന്ന നി​ർ​വൃ​തി​യി​ലാ​ണ്​ ഈ ​വ​ർ​ഷം വി​ശ്വാ​സി​ക​ൾ. ന​ഷ്ട​ങ്ങ​ളു​ടെ​യും വ്യാ​കു​ല​ത​ക​ളു​ടെ​യും മ​ഹാ​മാ​രി​യി​ൽ ക​വ​ചം സൃ​ഷ്ടി​ച്ച് പു​ണ്യ റ​മ​ദാ​ന് സാ​ക്ഷ്യ​യാ​വാ​ൻ ക​നി​വു​ന​ൽ​കി​യ ദൈ​വ​ത്തി​ന് ന​ന്ദി പ​റ​യു​ക​യാ​ണ​വ​ർ.

മ​ഹാ​മാ​രി​ക്കാ​ല​ത്ത് കാ​ലി​ട​റി​യ​വ​രും ലോ​കം​ത​ന്നെ വെ​ടി​ഞ്ഞ​വ​രും നി​ര​വ​ധി​യാ​ണ്. ഇ​വ​രെ പ്രാ​ർ​ഥ​ന നി​റ​ഞ്ഞ മ​ന​സ്സോ​ടെ ഓ​ർ​ത്തെ​ടു​ക്കു​ക​യാ​ണ് നോ​മ്പു​കാ​ർ. കോ​വി​ഡി​ന്‍റെ ച​ങ്ങ​ല​ക​ളും ച​ര​ടു​ക​ളു​മി​ല്ലാ​ത്ത റ​മ​ദാ​നി​ൽ എ​ത്തി​ച്ചേ​രാ​ൻ ക​ഴി​ഞ്ഞ​തി​ന്റെ തൂ​മ​ന്ദ​ഹാ​സ​വും വി​ശ്വാ​സി​ക​ളു​ടെ മു​ഖ​ങ്ങ​ളി​ലു​ണ്ട്. ക​ഴി​ഞ്ഞ ര​ണ്ട് റ​മ​ദാ​നു​ക​ളും കോ​വി​ഡ് പ്ര​ള​യ​ത്തി​ലാ​യി​രു​ന്നു. നോ​മ്പി​ന്‍റെ ആ​ചാ​ര വ​ട്ട​ങ്ങ​ളും മ​ഹി​മ​യും പൊ​ലി​ഞ്ഞു​പോ​യ നാ​ളു​ക​ൾ. മ​സ്ജി​ദു​ക​ളി​ലെ​ത്താ​നും പ്രാ​ർ​ഥ​ന ന​ട​ത്താ​നും ക​ഴി​യാ​തെ വീ​ട​ക​ങ്ങ​ളി​ൽ അ​ട​ച്ചി​ട്ടു​പോ​യ ര​ണ്ട് നോ​മ്പു​ക​ൾ.

റ​മ​ദാ​​ന്‍റെ സ​ത്ത മു​ഴു​വ​ൻ കോ​വി​ഡ് കൊ​ത്തി​ക്കൊ​ണ്ടു​പോ​യ​താ​യി​രു​ന്നു ക​ഴി​ഞ്ഞ ര​ണ്ട് നോ​മ്പു​ക​ളും. തൊ​ഴി​ലി​ല്ലാ​യ്മ​യും ഭ​ക്ഷ​ണ​മി​ല്ലാ​യ്മ​യു​മ​ട​ക്കം ഏ​റെ പ​രീ​ക്ഷ​ണ​ങ്ങ​ൾ ഏ​റ്റു​വാ​ങ്ങി​യ​താ​യി​രു​ന്നു കോ​വി​ഡ് നോ​മ്പു​ക​ൾ.

കോ​വി​ഡ് ച​ങ്ങ​ല​ക​ൾ മു​ഴു​വ​ൻ അ​റ്റി​ല്ലെ​ങ്കി​ലും നോ​മ്പി​ന്‍റെ ചു​റ്റു​വ​ട്ട​ങ്ങ​ളു​ള്ള​താ​ണ് ഈ ​റ​മ​ദാ​ൻ. പൊ​തു നോ​മ്പു​തു​റ​ക​ൾ​ക്കും മ​സ്ജി​ദ് ഇ​ഫ്താ​റു​ക​ൾ​ക്കും നി​രോ​ധ​മു​ണ്ടെ​ങ്കി​ലും പ്രാ​ർ​ഥ​ന​ക​ൾ​ക്കും ത​റാ​വീ​ഹി​നും മ​സ്ജി​ദു​ക​ളി​ൽ അ​നു​വാ​ദം ല​ഭി​ച്ചി​രി​ക്കു​ന്നു. നി​യ​ന്ത്ര​ണ​ങ്ങ​ളും നി​യ​മ​ങ്ങ​ളും പാ​ലി​ച്ച് ദൈ​വ​സാ​മീ​പ്യം നേ​ടാ​നും അ​തി​ലൂ​ടെ വി​ശ്വാ​സ​ത്തി​ന് ക​രു​ത്തു​കൂ​ട്ടാ​നും സ​ജ്ജ​രാ​യി​രി​ക്കു​ക​യാ​ണ് വി​ശ്വാ​സി​ക​ൾ.