ഒ​ലീ​വ് പൂ​ക്കു​ന്ന പെ​രു​ന്നാ​ൾ

എ​ന്റെ അ​റി​വി​ല്ലാ​യ്മ കാ​ര​ണം ഞാ​ന്‍ നി​ന്നെ ജ​ന്മ​ദേ​ശ​മെ​ന്ന് വി​ളി​ച്ചു, ജ​ന്മ​ദേ​ശ​വും കീ​ഴ​ട​ക്ക​പ്പെ​ട്ടു എ​ന്ന് ഞാ​ന്‍ മ​റ​ന്നു​പോ​യി

ഫല​സ്തീ​ന്‍ ദേ​ശീ​യ​ത​യു​ടെ ക​വി മ​ഹ്മൂ​ദ് ദ​ര്‍വേ​ശ് 1992ല്‍ ​എ​ഴു​തി​യ ‘റീ​ത്താ​സ് വി​ന്റ​ര്‍’ എ​ന്ന ക​വി​ത അ​വ​സാ​നി​ക്കു​ന്ന​ത് ഇ​ങ്ങ​നെ​യാ​ണ്. ലോ​ക​ത്തെ ഒ​ട്ടു​മി​ക്ക രാ​ജ്യ​ങ്ങ​ളി​ലും ജ​ന്മ​ദേ​ശം വി​ട്ട് പ​ലാ​യ​നം ചെ​യ്യ​പ്പെ​ട്ട ഫ​ല​സ്തീ​നി​ക​ളെ കാ​ണാ​ൻ സാ​ധി​ക്കും. ചു​റ്റും ആ​ഘോ​ഷ​ങ്ങ​ളും ആ​ര​വ​ങ്ങ​ളും മാ​റി​മാ​റി വ​രു​മ്പോ​ഴും മ​ന​സ്സ്​ ഫ​ല​സ്തീ​നി​ന്റെ തെ​രു​വോ​ര​ങ്ങ​ളി​ൽ, ടെ​ന്റു​ക​ളി​ൽ, ഹോ​സ്പി​റ്റ​ലു​ക​ളി​ലൊ​ക്കെ ഉ​റ്റ​വ​രെ തേ​ടി​യ​ല​യു​ന്ന​വ​രാ​യി​രി​ക്കും അ​വ​ർ.

ഇ​ങ്ങ് ഒ​മാ​നി​ലെ പെ​രു​ന്നാ​ൾ ഒ​രു​ക്ക​ത്തി​നി​ട​യി​ലും യു​ദ്ധം വി​ത​ച്ച ദു​രി​ത​ഭൂ​മി​യി​ലേ​ക്ക് മ​ന​സ്സും അ​വ​ർ​ക്കു​വേ​ണ്ടി​യു​ള്ള പ്രാ​ർ​ഥ​ന​യു​മാ​യി ക​ഴി​യു​ക​യാ​ണ് ന​ദാ ഖാ​സിം ഫ​രീ​ദ് എ​ന്ന ഫ​ല​സ്തീ​ൻ യു​വ​തി. കു​ടും​ബ​വു​മൊ​ത്തു​ള്ള ഓ​ർ​മ​ക​ളും ത​ന്റെ കു​ട്ടി​ക്കാ​ല​ത്ത് മു​ത്ത​ശ്ശി​യി​ൽ​നി​ന്ന് കേ​ട്ട പെ​രു​ന്നാ​ൾ ക​ഥ​ക​ളു​മൊ​ക്കെ​യാ​ണ് ന​ദ​യു​ടെ ജീ​വി​ത​ത്തി​ലെ ക​ള​റു​ള്ള ദി​ന​ങ്ങ​ൾ.

വ​ർ​ഷ​ങ്ങ​ളാ​യി ഗ​സ്സ​യി​ലെ ആ​ളു​ക​ൾ​ക്ക് ന​ഷ്ട​പ്പെ​ട​ലു​ക​ളു​ടെ​യും ചെ​റു​ത്തു​നി​ൽ​പ്പി​ന്റെ​യും പെ​രു​ന്നാ​ളു​ക​ളാ​ണു​ള്ള​ത്. അ​തി​നൊ​ക്കെ മു​മ്പു​ണ്ടാ​യ ത​ന്റെ മു​ത്ത​ശ്ശി​യു​ടെ പെ​രു​ന്നാ​ൾ ഓ​ർ​മ​ക​ൾ പ​ങ്കു​വെ​ക്കു​ക​യാ​ണ് ന​ദ.

അ​വ​രു​ടെ പെ​രു​ന്നാ​ളു​ക​ൾ

ഫ​ല​സ്തീ​നി​ലെ ഈ​ദ് മ​നോ​ഹ​ര​വും വ​ള​രെ ല​ളി​ത​വു​മാ​ണെ​ന്ന് മു​ത്ത​ശ്ശി പ​റ​യു​മാ​യി​രു​ന്നു. ഇ​റാ​ഖി​ലെ ഞ​ങ്ങ​ളു​ടെ എ​ല്ലാ പെ​രു​ന്നാ​ൾ രാ​വു​ക​ളി​ലും കൈ​യി​ൽ മെ​ഹ​ന്തി​യി​ടു​ന്ന സ​മ​യ​ങ്ങ​ളി​ൽ മു​ത്ത​ശ്ശി​യു​ടെ പെ​രു​ന്നാ​ൾ ഓ​ർ​മ​ക​ളു​ടെ കെ​ട്ട​ഴി​ക്ക​ൽ കൂ​ടി​യാ​യി​രു​ന്നു. അ​ന്ന് സ്ത്രീ​ക​ൾ ഒ​ത്തു​കൂ​ടി ഫ​ല​സ്തീ​നി​യ​ൻ കേ​ക്കു​ക​ളും മ​ധു​ര​പ​ല​ഹാ​ര​ങ്ങ​ളും ഉ​ണ്ടാ​ക്കു​മാ​യി​രു​ന്ന​ത്രേ.

രാ​ത്രി പു​രു​ഷ​ന്മാ​ർ പു​റ​ത്ത് പ​ര​മ്പ​രാ​ഗ​ത ഫ​ല​സ്തീ​ൻ ഗാ​ന​ങ്ങ​ൾ ആ​ല​പി​ക്കു​ക​യും സ്ത്രീ​ക​ൾ അ​വ​രോ​ടൊ​പ്പം കൂ​ടു​ക​യും ചെ​യ്തി​രു​ന്നു. രാ​വി​ലെ അ​വ​ർ പോ​യി പെ​രു​ന്നാ​ൾ പ്രാ​ർ​ഥ​ന ന​ട​ത്തു​ക​യും തു​ട​ർ​ന്ന് കു​ടും​ബ​ങ്ങ​ളി​ലേ​ക്കും സു​ഹൃ​ത്തു​ക്ക​ളി​ലേ​ക്കും സ​ന്ദ​ർ​ശ​ന​ത്തി​നാ​യി പോ​വു​ക​യും ചെ​യ്യും. ആ ​പ​ഴ​യ​കാ​ലം ഓ​ർ​ത്തെ​ടു​ക്കു​മ്പോ​ൾ മു​ത്ത​ശ്ശി​യു​ടെ മു​ഖ​ത്ത് പെ​രു​ന്നാ​ൾ പ്ര​കാ​ശ​മു​ണ്ടാ​വാ​റു​ണ്ടാ​യി​രു​ന്നു.

അ​ൽ ന​ഖ്​​ബ: കു​ടി​യി​റ​ക്ക​പ്പെ​ട്ട ജ​ന​ത​യു​ടെ ക​ഥ

ഇ​ന്നും ഇ​ന്ന​ലെ​യു​മ​ല്ല, വ​ർ​ഷ​ങ്ങ​ൾ​ക്കും മു​മ്പേ ജ​നി​ച്ചു​വ​ള​ർ​ന്ന നാ​ടും വീ​ടും വി​ട്ട് മ​റ്റു രാ​ജ്യ​ങ്ങ​ളി​ലേ​ക്ക് കു​ടി​യേ​റി​പ്പാ​ർ​ക്കാ​ൻ നി​ർ​ബ​ന്ധി​ത​രാ​യ​വ​രാ​ണ് പ​കു​തി​യി​ല​ധി​കം ഫ​ല​സ്തീ​നി​ക​ളും. 1948 മേ​യ് 14 അ​ർ​ധ​രാ​ത്രി ഇ​സ്രാ​യേ​ൽ എ​ന്ന രാ​ജ്യം പി​റ​വി​കൊ​ണ്ട​ത് ജൂ​ത​ർ​ക്കും അ​റ​ബി​ക​ൾ​ക്കു​മാ​യി ഫ​ല​സ്തീ​നെ വി​ഭ​ജി​ക്കാ​നു​ള്ള യു.​എ​ൻ ജ​ന​റ​ൽ അ​സം​ബ്ലി തീ​രു​മാ​നം അ​നു​സ​രി​ച്ചാ​യി​രു​ന്നു. യു.​എ​ന്‍ തീ​രു​മാ​നം ജൂ​ത​ർ സ്വീ​ക​രി​ച്ചു. എ​ന്നാ​ല്‍, അ​റ​ബ് ലീ​ഗ് രാ​ജ്യ​ങ്ങ​ൾ തി​ര​സ്ക​രി​ച്ചു. ഇ​സ്രാ​യേ​ൽ സ്വാ​ത​ന്ത്ര്യ​ദി​ന​ത്തി​ന്റെ പി​റ്റേ​ന്ന്, മേ​യ് 15 അ​റ​ബ് വം​ശ​ജ​ര്‍ ദു​ര​ന്ത​ദി​ന​മാ​യി ക​ണ​ക്കാ​ക്കി. ദു​ര​ന്ത​ദി​നം എ​ന്ന് അ​ര്‍ത്ഥം വ​രു​ന്ന ‘ന​ഖ്​​ബ’ എ​ന്ന പ്ര​യോ​ഗ​മാ​യി​രു​ന്നു അ​റ​ബ് വം​ശ​ജ​ര്‍ ഈ ​ദി​വ​സ​ത്തെ വി​ശേ​ഷി​പ്പി​ക്കാ​ന്‍ ഉ​പ​യോ​ഗി​ച്ച​ത്. 1948ലെ ​ഇ​സ്രാ​യേ​ൽ പ്ര​ഖ്യാ​പ​ന​ത്തി​നു പി​ന്നാ​ലെ ഫ​ല​സ്തീ​ൻ ജ​ന​ത​ക്ക്​ ന​ട​ത്തേ​ണ്ടി​വ​ന്ന പ​ലാ​യ​ന​ത്തെ അ​നു​സ്മ​രി​പ്പി​ക്കു​ന്ന​താ​ണ് ന​ഖ്​​ബ. ഏ​ഴ​ര ല​ക്ഷ​ത്തോ​ളം വ​രു​ന്ന ജ​ന​ങ്ങ​ളാ​ണ് 1948ലെ ​യു​ദ്ധ​ത്തെ​ത്തു​ട​ർ​ന്ന് ഫ​ല​സ്തീ​ന്‍ ഗ്രാ​മ​ങ്ങ​ളി​ല്‍നി​ന്ന് പു​റ​ത്താ​ക്ക​പ്പെ​ട്ട​ത്.

ന​ദ​യു​ടെ മു​ത്ത​ച്ഛ​നും മു​ത്ത​ശ്ശി​യും

1948ൽ ​ന​ട​ന്ന കൂ​ട്ട പ​ലാ​യ​ന​ത്തി​ലാ​ണ് ന​ദാ ഖാ​സിം ഫ​രീ​ദി​ന്റെ മു​ത്ത​ശ്ശി​യും മു​ത്ത​ശ്ശ​നും ഇ​റാ​ഖി​ലേ​ക്ക് പോ​കാ​ൻ നി​ർ​ബ​ന്ധി​ത​രാ​കു​ന്ന​ത്. ‘76 വ​ർ​ഷം മു​മ്പ്, എ​ന്‍റെ മു​ത്ത​ശ്ശി​യും മു​ത്ത​ശ്ശ​നും ഹൈ​ഫ​യു​ടെ പ​ടി​ഞ്ഞാ​റ​ൻ തീ​ര​ത്തു​ള്ള ഇ​ങ്ക​സാ​ൽ ഗ്രാ​മം വി​ട്ടു​പോ​കാ​ൻ നി​ർ​ബ​ന്ധി​ത​രാ​യി. അ​വ​ർ ഗ​സ്സ മു​ന​മ്പി​ൽ അ​ഭ​യാ​ർ​ഥി​ക​ളാ​വു​ക​യും ഇ​റാ​ഖി​ലേ​ക്ക് പ​ലാ​യ​നം ചെ​യ്യ​പ്പെ​ടു​ക​യും ചെ​യ്തു.

ഗ്രാ​മം ഉ​പേ​ക്ഷി​ച്ച​തി​ന്റെ വേ​ദ​ന​യെ​ക്കു​റി​ച്ചും ആ ​വ​ർ​ഷം ഗ​സ്സ മു​ന​മ്പി​ൽ അ​വ​ർ അ​നു​ഭ​വി​ച്ച ക​ഠി​ന​മാ​യ ശൈ​ത്യ​കാ​ല​ത്തെ​ക്കു​റി​ച്ചും മു​ത്ത​ശ്ശി എ​ന്നോ​ട് പ​റ​ഞ്ഞി​ട്ടു​ണ്ട്. എ​ന്നെ​ങ്കി​ലു​മൊ​രി​ക്ക​ൽ പി​റ​ന്ന നാ​ട്ടി​ലേ​ക്ക് തി​രി​ച്ചു വ​രാം എ​ന്ന പ്ര​ത്യാ​ശ​യി​ൽ കൈ​യി​ൽ കി​ട്ടി​യ​തെ​ടു​ത്ത് അ​ന്ന് നാ​ടു​വി​ടു​മ്പോ​ൾ മ​ന​സ്സി​ൽ ഒ​രു വി​ങ്ങ​ലാ​യി​രു​ന്നു​വെ​ന്ന് മു​ത്ത​ശ്ശി ഇ​ട​ക്കൊ​ക്കെ പ​റ​യാ​റു​ണ്ട്. മ​രി​ക്കു​ന്ന​തി​ന് തൊ​ട്ടു​മു​മ്പും ജ​ന്മ​ദേ​ശ​ത്തേ​ക്കു​ള്ള തി​രി​ച്ചു​പോ​ക്കി​നെ​ക്കു​റി​ച്ചാ​യി​രു​ന്നു സം​സാ​രി​ച്ചി​രു​ന്ന​ത്. ഫ​ല​സ്തീ​ൻ ഒ​രു വി​കാ​ര​മാ​ക്കി അ​വ​ർ മ​ക്ക​ളെ​യും പി​ന്നീ​ട് ഞ​ങ്ങ​ളെ​യും പ​ഠി​പ്പി​ച്ചു.

ഫ​ല​സ്തീ​നി​ലെ ന​ദ​യു​ടെ മു​ത്ത​ച്ഛ​നും മു​ത്ത​ശ്ശി​യും താ​മ​സി​ച്ചി​രു​ന്ന ​​ഗ്രാ​മം

ഫ​ല​സ്തീ​ൻ തി​രി​കെ വി​ളി​ക്കു​ന്നു

2006ലാ​ണ് ന​ദാ ഖാ​സിം ഫ​രീ​ദ് വി​വാ​ഹി​ത​യാ​യി ഒ​മാ​നി​ലെ​ത്തു​ന്ന​ത്. ന​ദ​യു​ടെ പൂ​ർ​വി​ക​രു​ടെ നാ​ടാ​ണ് ഫ​ല​സ്തീ​ൻ. 1948ലെ ​കൂ​ട്ട​പ്പ​ലാ​യ​ന​ത്തി​നു ശേ​ഷം ഇ​റാ​ഖി​ലെ ബ​ഗ്ദാ​ദി​ലേ​ക്ക് പ​റി​ച്ചു​ന​ട​പ്പെ​ട്ട കു​ടും​ബ​മാ​ണ് ഇ​വ​രു​ടേ​ത്. ഇ​ന്നും ആ ​യു​ദ്ധ​ത്തി​ന്റെ ന​ടു​ക്ക​വും ഓ​ർ​മ​ക​ളും മൂ​ന്നാം ത​ല​മു​റ​യെ​യും വേ​ട്ട​യാ​ട​പ്പെ​ടു​ന്ന​ത് ഒ​രു​പ​ക്ഷേ ഇ​വ​രു​ടെ ജീ​വി​ത​ത്തി​ലേ​ക്ക് നോ​ക്കി​യാ​ൽ വ്യ​ക്ത​മാ​ണ്. ന​ദ ജ​നി​ച്ച​തും വ​ള​ർ​ന്ന​തും ഇ​റാ​ഖി​ൽ ആ​ണെ​ങ്കി​ലും മ​ന​സ്സി​ൽ സ്വ​ന്തം നാ​ട് ഫ​ല​സ്തീ​ൻ ത​ന്നെ​യാ​ണ്. അ​വി​ട​ത്തെ ജ​ന​ത​ക്കു​വേ​ണ്ടി സ​മൂ​ഹ മാ​ധ്യ​മം വ​ഴി നി​ര​ന്ത​രം ശ​ബ്ദ​മു​യ​ർ​ത്തു​ന്ന ന​ദ​യു​ടെ വ​ലി​യ സ്വ​പ്ന​ങ്ങ​ളി​ലൊ​ന്ന് ഫ​ല​സ്തീ​ൻ ജ​ന​ത​യു​ടെ മോ​ച​ന​വും ത​ന്റെ​യും കു​ടും​ബ​ത്തി​ന്റെ​യും ഫ​ല​സ്തീ​നി​ലേ​ക്കു​ള്ള തി​രി​ച്ചു​പോ​ക്കു​മാ​ണ്.

‘‘ഗ​സ്സ ഞ​ങ്ങ​ളെ തി​രി​കെ വി​ളി​ക്കു​ന്ന സ്വ​പ്ന​മാ​ണ്. ചെ​റു​പ്പം മു​ത​ൽ കേ​ട്ടു വ​ള​ർ​ന്ന​ത​ത്ര​യും ഫ​ല​സ്തീ​നി​നെ​ക്കു​റി​ച്ചു​ള്ള ക​ഥ​ക​ളാ​ണ്. ക​ല്ലും ക​വ​ണ​ക​ളു​മാ​യി ആ​യു​ധ​ങ്ങ​ളേ​ന്തി​യ പ​ട്ടാ​ള​ക്കാ​രെ ഭ​യ​ലേ​ശ​മെ​ന്യേ നേ​രി​ടു​ന്ന ഫ​ല​സ്തീ​നി​യ​ൻ ജ​ന​ത​യെ​ക്കു​റി​ച്ച്, ക്രൂ​ര​മ​ർ​ദ​ന​ങ്ങ​ൾ ഏ​റ്റു​വാ​ങ്ങി​യാ​ലും വെ​ടി​യു​ണ്ട നെ​ഞ്ചി​ൻ​കൂ​ട് തു​ള​ഞ്ഞു​ക​യ​റി​യാ​ലും ‘നി​ന്നെ തോ​ൽ​പി​ക്കു​ന്ന ഒ​രു ദി​വ​സം വ​രാ​നു​ണ്ടെ​ടാ’ എ​ന്ന് പ​റ​ഞ്ഞു​കൊ​ണ്ട് പു​ഞ്ചി​രി​യോ​ടെ മ​ര​ണ​ത്തെ പു​ൽ​കു​ന്ന അ​വി​ട​ത്തെ ജ​ന​ങ്ങ​ളു​ടെ പോ​രാ​ട്ട​വീ​ര്യ​ത്തെ​ക്കു​റി​ച്ച് ഇ​ന്ന് ഞ​ങ്ങ​ൾ ഞ​ങ്ങ​ളു​ടെ മ​ക്ക​ൾ​ക്ക് പ​റ​ഞ്ഞു​കൊ​ടു​ക്കു​ന്ന​തും അ​ന്ന് ഞ​ങ്ങ​ൾ​ക്ക് ഞ​ങ്ങ​ളു​ടെ മു​ത്ത​ശ്ശി​യും മു​ത്ത​ശ്ശ​നും പ​റ​ഞ്ഞു​ത​ന്ന അ​തേ ക​ഥ​ക​ൾ ത​ന്നെ​യാ​ണ്.

അ​തെ, ഗ​സ്സ​ക്ക് മാ​റ്റ​മൊ​ന്നും സം​ഭ​വി​ച്ചി​ട്ടി​ല്ല. അ​വി​ടെ ആ​ളു​ക​ൾ വ​ർ​ഷ​ങ്ങ​ളാ​യി പീ​ഡ​നം ഏ​റ്റു​വാ​ങ്ങി​ക്കൊ​ണ്ടി​രി​ക്കു​ക​യാ​ണ്, അ​തി​ജീ​വ​ന​ത്തി​​ന്‍റെ മ​ന്ത്രം മാ​ത്രം നെ​ഞ്ചേ​റ്റി ഇ​തു​പോ​ലെ പ്ര​തി​രോ​ധി​ക്കു​ന്ന ജ​ന​ത​യെ നി​ങ്ങ​ൾ​ക്ക്​ ലോ​ക​ത്ത് മ​റ്റെ​വി​ടെ കാ​ണാ​നാ​കും, ഞ​ങ്ങ​ളു​ടെ നാ​ട്ടി​ല​ല്ലാ​തെ’’.

പ്രി​യ​പ്പെ​ട്ട ന​ദാ... ഖു​ദ്സി​ന്റെ മ​ക്ക​ൾ ചി​രി​ക്കാ​തെ ലോ​കം ഒ​രി​ക്ക​ലും അ​വ​സാ​നി​ക്കി​ല്ല എ​ന്ന​ത് ലോ​കം നി​ര​ന്ത​രം പ​റ​യു​ന്ന കാ​ര്യ​മാ​ണ്. ഒ​ലി​വ് പൂ​ക്കു​ന്ന നി​ന്റെ മ​ണ്ണ് നി​ന​ക്ക് തി​രി​കെ ല​ഭി​ക്ക​ട്ടെ. അ​ന്തി​മ വി​ജ​യം നി​ങ്ങ​ൾ​ക്കു​ള്ള​താ​ണ്.