അറബ് വിദേശകാര്യ മന്ത്രിമാരുടെ യോഗത്തിൽ ഒമാൻ പങ്കെടുത്തു

മ​സ്ക​ത്ത്: കൈ​റോ​യി​ലെ അ​റ​ബ് ലീ​ഗ് ആ​സ്ഥാ​ന​ത്ത് ന​ട​ന്ന അ​റ​ബ് വി​ദേ​ശ​കാ​ര്യ മ​ന്ത്രി​മാ​രു​ടെ 162ാമ​ത് യോ​ഗ​ത്തി​ൽ ഒ​മാ​ൻ പ​ങ്കെ​ടു​ത്തു. വി​ദേ​ശ​കാ​ര്യ മ​ന്ത്രാ​ല​യം രാ​ഷ്ട്രീ​യ​കാ​ര്യ അ​ണ്ട​ർ​സെ​ക്ര​ട്ട​റി ശൈ​ഖ് ഖ​ലീ​ഫ അ​ലി അ​ൽ ഹ​ർ​ത്തി​യു​ടെ നേ​തൃ​ത്വ​ത്തി​ലാ​ണ് ഒ​മാ​ൻ സം​ബ​ന്ധി​ച്ച​ത്. ഗ​സ്സ​യി​ലും വെ​സ്റ്റ് ബാ​ങ്കി​ലും തു​ട​ർ​ച്ച​യാ​യി ഇ​സ്രാ​യേ​ൽ ന​ട​ത്തു​ന്ന ആ​ക്ര​മ​ണം അ​വ​സാ​നി​പ്പി​ക്കു​ന്ന​തി​നു​ള്ള മാ​ർ​ഗ​ങ്ങ​ൾ യോ​ഗം അ​വ​ലോ​ക​നം ചെ​യ്തു.

ഫ​ല​സ്തീ​ൻ ജ​ന​ത​ക്കെ​തി​രെ ഇ​സ്രാ​യേ​ൽ അ​ധി​നി​വേ​ശ സേ​ന (ഐ.​ഒ.​എ​ഫ്) ന​ട​ത്തി​യ വം​ശ​ഹ​ത്യ​യു​ടെ കു​റ്റ​കൃ​ത്യ​ങ്ങ​ളും യോ​ഗം എ​ടു​ത്തു​കാ​ണി​ച്ചു.

ഈ ​കു​റ്റ​കൃ​ത്യ​ങ്ങ​ൾ ഏ​ക​ദേ​ശം ഒ​രു​വ​ർ​ഷ​മാ​യി തു​ട​രു​ക​യും 1,45,000-ല​ധി​കം ഫ​ല​സ്തീ​ൻ സി​വി​ലി​യ​ന്മാ​രു​ടെ ര​ക്ത​സാ​ക്ഷി​ത്വ​ത്തി​നും പ​രി​ക്കി​നും തി​രോ​ധാ​ന​ത്തി​നും കാ​ര​ണ​മാ​കു​ക​യും ചെ​യ്തു.

ഇ​സ്രാ​യേ​ൽ അ​ധി​നി​വേ​ശ​സേ​ന എ​ല്ലാ അ​ന്താ​രാ​ഷ്ട്ര ഉ​ട​മ്പ​ടി​ക​ളും ലം​ഘി​ച്ച് സി​വി​ലി​യ​ന്മാ​ർ​ക്കെ​തി​രാ​യ കു​റ്റ​കൃ​ത്യ​ങ്ങ​ൾ ആ​വ​ർ​ത്തി​ക്കു​ക​യാ​ണെ​ന്നും ഗ​സ്സ​യി​ലെ സാ​ഹ​ച​ര്യ​ത്തി​നു​ള്ള ഏ​ക പ​രി​ഹാ​ര​മാ​യി വെ​ടി​നി​ർ​ത്ത​ൽ ആ​വ​ശ്യ​മാ​ണെ​ന്നും യോ​ഗം അ​ടി​വ​ര​യി​ട്ട് പ​റ​ഞ്ഞു. ഫ​ല​സ്തീ​ൻ പ്ര​ദേ​ശ​ങ്ങ​ളി​ൽ ഇ​സ്രാ​യേ​ൽ ന​ട​ത്തു​ന്ന അ​ക്ര​മ​ങ്ങ​ൾ അ​വ​സാ​നി​പ്പി​ക്കാ​ൻ അ​ന്താ​രാ​ഷ്ട്ര സ​മൂ​ഹം കൂ​ടു​ത​ൽ ക്രി​യാ​ത്മ​ക​മാ​യ നി​ല​പാ​ട് സ്വീ​ക​രി​ക്ക​ണം.

1967ലെ ​അ​തി​ർ​ത്തി​ക​ളു​ടെ അ​ടി​സ്ഥാ​ന​ത്തി​ൽ ദ്വി​രാ​ഷ്ട്ര പ​രി​ഹാ​ര​ത്തി​ന്റെ ആ​വ​ശ്യ​ക​ത​യും അ​ൽ ഖു​ദ്‌​സ് (കി​ഴ​ക്ക​ൻ ജ​റു​സ​ലേം) ത​ല​സ്ഥാ​ന​മാ​ക്കി ഫ​ല​സ്തീ​ൻ രാ​ഷ്ട്രം സ്ഥാ​പി​ക്കേ​ണ്ട​തി​ന്റെ ആ​വ​ശ്യ​ക​ത​യും യോ​ഗം അ​ടി​വ​ര​യി​ട്ട് പ​റ​ഞ്ഞു.