മൂവർണ തിളക്കത്തിൽ ഒമാൻ ദേശീയദിനം ആഘോഷിച്ചു

മസ്​കത്ത്​: അമ്പതാം ദേശീയദിനം ഒമാൻ അത്യാഹ്ലാദത്തോടെ ആഘോഷിച്ചു. കോവിഡ്​ നിഴലിൽ കാര്യമായ പൊലിമകളില്ലാതെയായിരുന്നു ആഘോഷം. മുൻകാലങ്ങളിൽ വലിയ രീതിയിലുള്ള ആഘോഷങ്ങൾ നടന്നിരുന്ന സ്​കൂളുകളിൽ ഇക്കുറി ഒരു പരിപാടികളും ഉണ്ടായിരുന്നില്ല. സ്വദേശികൾ ജോലി ചെയ്യുന്ന ഒാഫിസുകളിൽ ചെറിയ രീതിയിലുള്ള ആഘോഷ പരിപാടികൾ മാത്രമാണ്​ സംഘടിപ്പിച്ചത്​. മുൻകാലങ്ങളെ അപേക്ഷിച്ച്​ കുറഞ്ഞ എണ്ണം ഒാഫിസുകളിലും സ്​ഥാപനങ്ങളിലുമാണ്​ ദേശീയ ദിനത്തി​െൻറ ഭാഗമായുള്ള അലങ്കാര വിളക്കുകളും മറ്റും ഒരുക്കിയിരുന്നതും​. ദേശീയദിനത്തി​െൻറ പ്രധാന ആകർഷണമായ സൈനിക പരേഡ്​ ഉണ്ടായിരുന്നില്ല. രാത്രി എട്ടു മുതൽ അമിറാത്ത്​, സീബ്​, ദോഫാറിൽ മുനിസിപ്പാലിറ്റി എൻറർടെയിൻമെൻറ്​ സെൻറർ എന്നിവിടങ്ങളിൽ നടന്ന കരിമരുന്ന്​ പ്രയോഗം വീക്ഷിക്കാൻ നിരവധി പേരാണ്​ എത്തിയത്​.

കോവിഡ്​ മുൻകരുതൽ നടപടികൾ പാലിച്ച്​ വാഹനങ്ങളിലിരുന്നാണ്​ ആളുകൾ വെടിക്കെട്ട്​ വീക്ഷിച്ചത്​. രാജ്യത്തെ ആദ്യ ധനവിനിമയ ഇടപാട് സ്ഥാപനമായ പുരുഷോത്തം കാഞ്ചി എക്സ്ചേഞ്ചിൽ ദേശീയ ദിനാഘോഷം നടന്നു. കോവിഡ് പ്രോട്ടോകോൾ പാലിച്ച്​ നടന്ന ലളിതമായ ചടങ്ങിൽ സ്ഥാപനത്തിലെ സ്വദേശി ജീവനക്കാരാണ്​ കേക്ക് മുറിച്ചത്. മറ്റു ആഘോഷങ്ങൾ ഒന്നും തന്നെ ഉണ്ടായില്ല. കോവിഡ് മഹാമാരിക്ക് എതിരെ രാജ്യം നടത്തുന്ന പോരാട്ടത്തിന് പിന്തുണ നൽകുന്നതായും പുരുഷോത്തം കാഞ്ചി എക്സ്ചേഞ്ചിന് രാജ്യത്തെ ഭരണാധികാരികളും ജനങ്ങളും ധനകാര്യ മന്ത്രാലയവും സെൻട്രൽ ബാങ്കും നൽകിവരുന്ന സഹകരണത്തിന്​ എന്നും നന്ദിയുണ്ടായിരിക്കുമെന്നും ജനറൽ മാനേജർ സുബിൻ ജെയിംസും ഓപറേഷൻസ്​ മാനേജർ ബിനോയ് സൈമൺ വർഗീസും പറഞ്ഞു.

ബാബിൽ ഗ്രൂപ്​​ ഒാഫ്​ കമ്പനീസി​െൻറ നേതൃത്വത്തിൽ ദേശീയ ദിനാഘോഷം നടന്നു. ബാബിൽ ഗ്രൂപ്​​ ഒാഫ്​ കമ്പനീസ്​ എം.ഡി എസ്​.എം ബഷീർ, ജനറൽ മാനേജർ കെ. സലീഫ്​, റീ​െട്ടയിൽ വിഭാഗം ജി.എം. സലിൽ മുഹമ്മദ്​, അഹമ്മദ്​ അൽ അലവി, റാഷിദ്​ അൽ തൂബി, താഹിറ അൽ ബലൂഷിയ, സാലെഹ്​ അൽ ബലൂഷി, തലാൽ അൽ മഅ്​മരി, മറ്റ്​ ഡിവിഷൻ മാനേജർമാർ, ജീവനക്കാർ തുടങ്ങിയവർ സംബന്ധിച്ചു.