ഒമാനിൽ തൊഴിൽ വിസ കാലാവധി കഴിഞ്ഞവർക്ക്​ നാട്ടിലേക്ക്​ മടങ്ങാനുള്ള അവസരം 15 മുതൽ

മസ്​കത്ത്​: വിസ/തൊഴിൽ കരാർ കാലാവധി കഴിഞ്ഞ വിദേശ തൊഴിലാളികൾക്ക്​ നാട്ടിലേക്ക്​ മടങ്ങാൻ അവസരമൊരുക്കുമെന്ന്​ തൊഴിൽ മന്ത്രാലയം അറിയിച്ചു. കോവിഡ്​ പശ്​ചാത്തലത്തിലുള്ള സുപ്രീം കമ്മിറ്റി തീരുമാനം നടപ്പിലാക്കുന്നതി​െൻറ ഭാഗമായാണ്​ പ്രഖ്യാപനം.

നവംബർ 15 മുതൽ ഇത്​ പ്രാബല്ല്യത്തിൽ വരും. ഡിസംബർ 31 വരെ തീരുമാനം പ്രാബല്ല്യത്തിലുണ്ടാകും. ഇൗ കാലയളവിനുള്ളിൽ നാട്ടിലേക്ക്​ മടങ്ങുന്ന വിദേശ തൊഴിലാളികൾക്ക്​ തൊഴിൽ പെർമിറ്റുമായി ബന്ധപ്പെട്ട ഫീസുകളും പിഴകളും ഒഴിവാക്കി നൽകും. പാസ്​പോർട്ട്​ കാലാവധി കഴിഞ്ഞവർ അതത്​ രാജ്യങ്ങളുടെ എംബസികളുമായി ബന്ധപ്പെട്ട്​ അവ പുതുക്കണം. തുടർന്ന്​ യാത്രാ രേഖകൾ, പി.സി.ആർ പരിശോധന തുടങ്ങിയ യാത്രാ നടപടിക്രമങ്ങൾ പൂർത്തീകരിക്കുന്നതിനായി മസ്​കത്ത്​ അന്താരാഷ്​ട്ര വിമാനത്താവളത്തിലെ തൊഴിൽ മന്ത്രാലയത്തി​െൻറ ഒാഫീസിൽ എത്തണം.

തൊഴിലുടമകൾ മന്ത്രാലയത്തി​െൻറ വെബ്​സൈറ്റിൽ അവരവരുടെ വിവരങ്ങൾ പുതുക്കണം. രാജ്യത്ത്​ നിന്ന്​ പുറത്തുപോകാൻ ആഗ്രഹിക്കുന്ന വിദേശ തൊഴിലാളികളുടെ വിവരങ്ങൾ മന്ത്രാലയത്തി​െൻറ വെബ്​സൈറ്റിൽ പ്രസിദ്ധീകരിക്കും. വിദേശ തൊഴിലാളികളുമായി ബന്ധപ്പെട്ട വിവരങ്ങൾ ബോധിപ്പിക്കാനായി ഉള്ളവർ ഇങ്ങനെ പേരുകൾ പ്രസിദ്ധീകരിച്ച്​ ഒരാഴ്​ചക്കുള്ളിൽ തെളിവുകൾ സഹിതം മന്ത്രാലയവുമായി ബന്ധപ്പെടണം. എന്നാൽ കോവിഡ്​ കാലത്തിന്​ മുമ്പ്​ തൊഴിൽ വിസ കാലാവധി കഴിഞ്ഞവർക്ക്​ ഇൗ ആനുകൂല്ല്യം ഉപയോഗിക്കാൻ സാധിക്കുമോയെന്ന കാര്യത്തിൽ വ്യക്​തത വന്നിട്ടില്ല. പാസ്‌പോര്‍ട്ട് കൈവശമില്ലാത്തവർക്കും സ്‌പോണ്‍സറില്‍ നിന്ന് ഒളിച്ചോടിയവർക്കും ഇൗ ആനുകൂല്ല്യം ലഭ്യമാകുമോയെന്ന വിവരം വരും ദിവസങ്ങളിൽ വ്യക്​തമാകുമെന്നാണ്​ കരുതുന്നത്​. നാട്ടിലേക്ക്​ മടക്കി അയക്കുന്ന വിദേശ തൊഴിലാളികൾക്ക്​ തൊഴിൽ പെർമിറ്റുമായി ബന്ധപ്പെട്ട പിഴകൾ ഒഴിവാക്കി നൽകുമെന്നത്​ കോവിഡ്​ പശ്​ചാത്തലത്തിൽ സ്വകാര്യ മേഖലക്കായി സുപ്രീം കമ്മിറ്റി പ്രഖ്യാപിച്ച ആനുകൂല്ല്യങ്ങളിൽ പ്രധാനപ്പെട്ടതായിരുന്നു​.