ഒ​മാ​ൻ ഡൊ​മ​സ്റ്റി​ക് ലീ​ഗ് ട്വ​ന്റി20​യി​ൽ സെ​ഞ്ച്വ​റി​യു​മാ​യി മ​ല​യാ​ളി

മ​സ്ക​ത്ത്: ഒ​മാ​നി​ൽ ട്വ​ന്റി20 മ​ത്സ​ര​ങ്ങ​ളി​ൽ അ​പൂ​ർ​വ​മാ​യി കാ​ണാ​റു​ള്ള സെ​ഞ്ച്വ​റി​ക്ക് അ​മീ​റാ​ത്തി​ലെ മു​നി​സി​പ്പാ​ലി​റ്റി ഗ്രൗ​ണ്ട് ക​ഴി​ഞ്ഞ വാ​രാ​ന്ത്യം സാ​ക്ഷ്യം വ​ഹി​ച്ചു. അ​തും ഒ​രു മ​ല​യാ​ളി​യി​ലൂ​ടെ.

അ​ൽ നൂ​ഹ ബൗ​ഷ​ർ സ്പോ​ർ​ട്സ് ക്ല​ബ് ടീ​മി​ന്റെ ക്യാ​പ്റ്റ​നും ടോ​പ് ഓ​ർ​ഡ​ർ ബാ​റ്റ​റു​മാ​യ തൃ​ശൂ​ർ​കാ​ര​ൻ ജെ​ബി​ൻ ജെ​യിം​സ് ആ​ണ് 60 ബാ​ളി​ൽ 111 റ​ൺ​സെ​ടു​ത്ത് ച​രി​ത്രം സൃ​ഷ്ടി​ച്ച​ത്. 14 ഫോ​റും ര​ണ്ട് സി​ക്സും അ​ട​ങ്ങി​യ​താ​യി​രു​ന്നു ജെ​ബി​ന്റെ അ​പ​രാ​ജി​ത ഇ​ന്നി​ങ്‌​സ്.

ഒ​മാ​ൻ ലീ​ഗി​ലെ ഐ ​ഡി​വി​ഷ​ൻ ട്വ​ന്റി20 മ​ത്സ​ര​ത്തി​ൽ അ​ൽ നൂ​ഹ ബോ​ഷ​ർ സ്പോ​ർ​ട്സ് ക്ല​ബ് ജെ​ബി​ന്റെ സെ​ഞ്ച്വ​റി​യു​ടെ ബ​ല​ത്തി​ൽ ശ​ക്ത​രാ​യ സ്പാ​ർ​ഷ് പേ​ൾ നൈ​റ്റി​നെ 17 റ​ൺ​സി​ന് തോ​ൽ​പി​ച്ചു. ടോ​സ് നേ​ടി ബാ​റ്റി​ങ് തി​ര​ഞ്ഞെ​ടു​ത്ത അ​ൽ നു​ഹ നി​ശ്ചി​ത 20 ഓ​വ​റി​ൽ നാ​ല് വി​ക്ക​റ്റ് ന​ഷ്ട​ത്തി​ൽ 211 റ​ൺ​സ് എ​ടു​ത്തു.

ഗു​ര​ൺ​ഷ് സി​ങ് (56 റ​ൺ​സ്), സ​ഞ്ജ​യ് (28 റ​ൺ​സ്) എ​ന്നി​വ​ർ ജെ​ബി​ന് മി​ക​ച്ച പി​ന്തു​ണ ന​ൽ​കി. 212 റ​ൺ​സ് ല​ക്ഷ്യം വെ​ച്ചി​റ​ങ്ങി​യ സ്പാ​ർ​ഷ് പേ​ൾ നൈ​റ്റ് ബാ​റ്റ​ർ​മാ​ർ​ക്ക് 194 റ​ൺ​സ് എ​ടു​ക്കാ​നെ ക​ഴി​ഞ്ഞു​ള്ളൂ.