ഒമാനിൽ ഈദുൽ ഫിത്​ർ വ്യാഴാഴ്​ച​

മസ്​കത്ത്​: മാസപ്പിറവി ദർശിച്ചതി​െൻറ അടിസ്​ഥാനത്തിൽ ഈദുൽ ഫിത്​ർ വ്യാഴാഴ്​ചയായിരിക്കുമെന്ന് ഒമാൻ ​മാസപ്പിറവി നിർണയ കമ്മിറ്റി അറിയിച്ചു. മറ്റു ഗൾഫ്​രാജ്യങ്ങൾക്കും കേരളത്തിനും ഒപ്പമാണ്​ ഇത്തവണ ഒമാൻ ചെറിയ പെരുന്നാൾ ആഘോഷിക്കുന്നത്​. റമദാൻ 29 ബുധനാഴ്​ച വൈകീട്ട്​ ഔഖാഫ്​-മതകാര്യ മന്ത്രി ശൈഖ്​ അബ്​ദുല്ല ബിൻ മുഹമ്മദ്​ ബിൻ അബ്​ദുല്ല അൽ സൽമിയുടെ അധ്യക്ഷതയിൽ ചേർന്ന യോഗമാണ്​ ശവ്വാൽ മാസപ്പിറവി പ്രഖ്യാപിച്ചത്​.

കോവിഡ്​ വ്യാപനത്തി​െൻറ പശ്​ചാത്തലത്തിൽ ഒമാനിൽ പെരുന്നാളിന്​ എല്ലാ കൂടിച്ചേരലുകളും നിരോധിച്ചിട്ടുണ്ട്​. പള്ളികളിലും ഈദ്​ ഗാഹുകളിലും ഈദ്​ നമസ്​കാരങ്ങളും ഇത്തവണയുണ്ടാവില്ല. വിശ്വാസികൾ വീടുകളിലും താമസസ്​ഥലങ്ങളിലും തന്നെയാണ്​ ഇത്തവണ ആഘോഷിക്കുക.