ഒ​മാ​ൻ ഫു​ട്ബാ​ൾ ടീ​മി​ന് സ്വ​ന്തം ആ​ശാ​ൻ

മ​സ്‌​ക​ത്ത്: ഒ​മാ​ൻ ഫു​ട്ബാ​ൾ ടീം ​പ​രി​ശീ​ല​ക​ൻ ജ​റോ​സ്ലാ​വ് സി​ൽ​ഹ​വി​യെ ഫു​ട്‌​ബാ​ൾ അ​സോ​സി​യേ​ഷ​ൻ പു​റ​ത്താ​ക്കി. പി​ന്നാ​ലെ പു​തി​യ കോ​ച്ചാ​യി ഒ​മാ​ന്റെ മു​ൻ പ​രി​ശീ​ല​ക​ൻ റ​ഷീ​ദ് ജാ​ബി​റി​നെ നി​യ​മി​ക്കു​ക​യും ചെ​യ്തു. നി​ല​വി​ൽ സീ​ബ് ക്ല​ബി​​ന്റെ പ​രി​ശീ​ല​ക​നാ​യി പ്ര​വ​ർ​ത്തി​ച്ച് വ​രി​ക​യാ​യി​രു​ന്നു.

ലോ​ക​ക​പ്പ് യോ​ഗ്യ​ത റൗ​ണ്ടി​ലെ റെ​ഡ്‍ വാ​രി​യേ​ഴ്സി​ന്റെ ഇ​നി​യു​ള്ള മ​ത്സ​ര​ങ്ങ​ൾക്ക് ത​ന്ത്ര​ങ്ങ​ൾ മെ​ന​യു​ക ഇ​ദ്ദേ​ഹം ആ​യി​രി​ക്കും. സു​ൽ​ത്താനേ​റ്റി​ലെ അ​റി​യ​പ്പെ​ടു​ന്ന മു​ഖ​മാ​യ ജാ​ബി​ർ മി​ക​ച്ച അ​നു​ഭ​വ​സ​മ്പ​ത്തു​മാ​യാ​ണ് ടീ​മി​നെ ന​യി​ക്കാ​നെ​ത്തു​ന്ന​ത്.

2022ൽ ​സീ​ബ് ക്ല​ബി​നെ എ.​എ​ഫ്‌.​സി ക​പ്പി​ൽ ജേ​താ​ക്ക​ളാ​ക്കി​യ​തി​ന് പി​ന്നി​ൽ ഇ​ദ്ദേ​ഹ​ത്തി​ന്റെ ത​ന്ത്ര​മാ​യി​രു​ന്നു. കോ​ണ്ടി​നെ​ന്റ​ൽ ത​ല​ത്തി​ൽ കി​രീ​ടം ചൂ​ടി​യ സു​ൽ​ത്താ​നേ​റ്റി​ൽ​നി​ന്നു​ള്ള ഏ​ക ക്ല​ബ് കൂ​ടി​യാ​ണ് സീ​ബ്. നേ​ര​ത്തെ 2002ൽ ​സൗ​ദി അ​റേ​ബ്യ​യി​ൽ ന​ട​ന്ന ഗ​ൾ​ഫ് ക​പ്പി​ൽ ഒ​മാ​നെ ന​യി​ച്ച ജാ​ബി​ർ, ദോ​ഫാ​ർ, അ​ൽ നാ​സ​ർ ക്ല​ബു​ക​ൾ​ക്കൊ​പ്പ​വും പ്ര​വ​ർ​ത്തി​ച്ചി​ട്ടു​ണ്ട്.

അ​ടു​ത്ത​മാ​സം പ​ത്തി​ന് സ്വ​ന്തം ത​ട്ട​ക​ത്തി​ൽ ക​ുവൈ​ത്തി​നെ​തി​രെ ന​ട​ക്കു​ന്ന​ ലോ​ക​ക​പ്പ് യോ​ഗ്യ​ത മ​ത്സ​ര​ത്തി​നാ​യി ടീ​മി​നെ അ​ണി​യി​ച്ചൊ​രു​ക്കു​ക​യാ​ണ് പു​തി​യ കോ​ച്ചി​ന് മു​ന്നി​ലെ പ്ര​ധാ​ന വെ​ല്ലു​വി​ളി.

നി​ർ​ണാ​യ​ക മ​ത്സ​ര​ത്തി​ന് മു​ന്നോ​ടി​യാ​യി ടീ​മി​നെ പു​നഃ​ക്ര​മീ​ക​രി​ക്കാ​നും അ​സി​സ്റ്റ​ന്റ് ടെ​ക്‌​നി​ക്ക​ൽ സ്റ്റാ​ഫി​നെ നി​യ​മി​ക്കു​ക​യും വേ​ണം. ടീ​മി​ൽ ചി​ല മാ​റ്റ​ങ്ങ​ൾ വ​രു​ത്താ​നും സാ​ധ്യ​ത​യു​ണ്ട്. മു​ൻ കോ​ച്ച് ഒ​ഴി​വാ​ക്കി​യ ക​ളി​ക്കാ​രെ തി​രി​ച്ച് കൊ​ണ്ടു​വ​രു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.

അ​തേ​സ​മ​യം, തി​ക​ച്ചും അ​പ്ര​തീ​ക്ഷി​ത​മാ​യി​രു​ന്നു ജ​റോ​സ്ലാ​വ് സി​ൽ​ഹ​വി​യ​യു​ടെ പു​റ​ത്താ​ക്ക​ൽ ന​ട​പ​ടി. മു​ഖ്യ പ​രി​ശീ​ല​ക സ്ഥാ​നം ഏ​റ്റെ​ടു​ത്തി​ട്ട് ഏ​ഴു മാ​സം തി​ക​യു​ന്ന​തി​നി​ട​ക്കാ​ണ് കോ​ച്ചി​ന്റെ പ​ടി​യി​റ​ക്ക​മെ​ന്ന​തും ശ്ര​ദ്ധേ​യ​മാ​ണ്. പ​ര​സ്പ​ര സ​മ്മ​ത​ത്തോ​ടെ​യാ​ണ് ക​രാ​ർ അ​വ​സാ​നി​പ്പി​ച്ച​തെ​ന്നാ​ണ് ഫു​ട്ബാ​ൾ അ​സോ​സി​യേ​ഷ​ൻ എ​ക്സി​ൽ അ​റി​യി​ച്ച​ത്.

ലോ​ക​ക​പ്പ് യോ​ഗ്യ​ത മൂ​ന്നാം റൗ​ണ്ടി​ലെ നി​ർ​ണാ​യ​ക​മാ​യ ആ​ദ്യ ര​ണ്ട് മ​ത്സ​ര​ങ്ങ​ളി​ൽ റെ​ഡ് വാ​രി​യേ​ഴ്സ് തോ​റ്റി​രു​ന്നു. ഇ​താ​ണ് കോ​ച്ചി​ന്റെ പു​റ​ത്താ​ക്ക​ലി​ലേ​ക്ക് ന​യി​ച്ച​ത്. ചു​മ​ത​​ല​യേ​റ്റെ​ടു​ത്തി​നു​ശേ​ഷം ടീ​മി​ന്റെ സാ​​ങ്കേ​തി​ക-​കാ​യി​ക​ക്ഷ​മ​ത ഉ​യ​ർ​ത്താ​നു​ള്ള പ​രി​ശീ​ല​ന​മാ​ണ് പ്ര​ധാ​ന​മാ​യും ന​ൽ​കി​യി​രു​ന്ന​ത്.

ഇ​തി​നാ​യി സ്വ​ദേ​ശ​ത്തും വി​ദേ​ശ​ത്തും നി​ര​വ​ധി ക്യാ​മ്പു​ക​ൾ ഒ​രു​ക്കു​ക​യും ചെ​യ്തി​രു​ന്നു. മോ​ശ​മ​ല്ലാ​ത്ത പ്ര​ക​ട​ന​മാ​യി​രു​ന്നു കോ​ച്ചി​ന് കീ​ഴി​ൽ റെ​ഡ് വാ​രി​യേ​ഴ്സ് ന​ട​ത്തി​യി​രു​ന്ന​ത്. ടീ​മി​ന്റെ പ്ര​ക​ട​ന​ത്തി​ൽ ആ​രാ​ധ​ക​ർ തൃ​പ്ത​ര​ല്ലാ​യി​രു​ന്നു​വെ​ങ്കി​ലും കോ​ച്ചി​നെ പു​റ​ത്താ​ക്ക​ണ​മെ​ന്നാ​വ​ശ്യം താ​ര​ത​മ്യേ​​നെ കു​റ​വാ​യി​രു​ന്നു.

ഖ​ത്ത​റി​ൽ ന​ട​ന്ന ഏ​ഷ്യ​ൻ ക​പ്പി​ലെ ഒ​മാ​ന്‍റെ മോ​ശം പ്ര​ക​ട​ന​ത്തെ തു​ട​ർ​ന്ന്​ പു​റ​ത്താ​ക്കി​യ കോ​ച്ച്​ ക്രൊ​യേ​ഷ്യ​ൻ താ​രം ബ്രാ​ങ്കോ ഇ​വാ​ൻ​കോ​വി​ച്ചി​ന് പ​ക​ര​ക്കാ​ര​നാ​യാ​ണ് ഈ ​വ​ർ​ഷ​ത്തി​ന്റെ തു​ട​ക്ക​ത്തി​ൽ ചെ​ക്ക്​ റി​പ്പ​ബ്ലി​ക്കി​ന്‍റെ കോ​ച്ചാ​യി​രു​ന്ന ജ​റോ​സ്ലാ​വ് സി​ൽ​ഹ​വി​യെ നി​യ​മി​ച്ച​ത്.

2026 വ​രെ​യാ​യി​രു​ന്നു ​ക​രാ​ർ. 62കാ​ര​നാ​യ ജ​റോ​സ്ലാ​വ് സി​ൽ​ഹ​വി ചെ​ക്ക്​ ദേ​ശീ​യ ടീ​മി​നെ​യും നി​ര​വ​ധി ചെ​ക്ക് ക്ല​ബു​ക​ളെ​യും പ​രി​ശീ​ലി​പ്പി​ച്ച അ​നു​ഭ​വ​സ​മ്പ​ത്തു​മാ​യാ​ണ്​ റെ​ഡ്​ വാ​രി​യേ​​ഴ്​​സി​ന്​ ത​ന്ത്രം മെ​ന​യാ​ൻ എ​ത്തി​യി​രു​ന്ന​ത്. അ​തേ​സ​മ​യം, കോ​ച്ചി​നെ മാ​ത്രം മാ​റ്റി​യ​തു​കൊ​ണ്ട് കാ​ര്യ​മി​ല്ലെ​ന്നും ടീ​മി​ൽ അ​ടി​മു​ടി മാ​റ്റം വേ​ണ​മെ​ന്നു​മാ​ണ് ആ​രാ​ധ​ക​ർ ആ​വ​ശ്യ​​പ്പെ​ടു​ന്ന​ത്.