ഒ​മാ​ൻ ഇ​ൻ​റ​ർ​നാ​ഷ​നൽ ഡ്രി​ഫ്റ്റ് ചാ​മ്പ്യ​ൻ​ഷി​പ്പി​ന്​ തു​ട​ക്കം

മ​സ്ക​ത്ത്​: ഒ​മാ​ൻ ഓ​ട്ടോ​മൊ​ബൈ​ൽ അ​സോ​സി​യേ​ഷ​ന്‍റെ (ഒ.​എ.​എ) ആ​ഭി​മു​ഖ്യ​ത്തി​ൽ ന​ട​ത്തു​ന്ന ഒ​മാ​ൻ ഇ​ന്‍റ​ർ​നാ​ഷ​നൽ ഡ്രി​ഫ്റ്റ് ചാ​മ്പ്യ​ൻ​ഷി​പ്പി​ന്‍റെ ആ​റാ​മ​ത് പ​തി​പ്പി​ന് തു​ട​ക്ക​മാ​യി. ഒ​മാ​ൻ ഓ​ട്ടോ​മൊ​ബൈ​ൽ അ​സോ​സി​യേ​ഷ​ന്‍റെ മ​സ്‌​ക​ത്ത് ഡ്രി​ഫ്റ്റ് അ​രീ​ന​യി​ൽ ഫെ​ബ്രു​വ​രി 23 വ​രെ മൂ​ന്ന്​ റൗ​ണ്ട്​ മ​ത്സ​ര​ങ്ങ​ളാ​ണ്​ ന​ട​ക്കു​ക. ആ​ദ്യ റൗ​ണ്ട് ഫെ​ബ്രു​വ​രി എ​ട്ട്​ മു​ത​ൽ ഒ​മ്പ​തു​വ​രെ​യും, ര​ണ്ടാ​മ​ത്തേ​ത് ഫെ​ബ്രു​വ​രി 15, 16, ഫൈ​ന​ൽ 22, 23 തീ​യ​തി​ക​ളി​ലു​മാ​ണ്​ ന​ട​ക്കു​ക.

109,500 യു​റോ​യാ​ണ്​ സ​മ്മാ​ന​ത്തു​ക. 19 രാ​ജ്യ​ങ്ങ​ളി​ൽ നി​ന്നു​ള്ള 180 ഡ്രൈ​വ​ർ​മാ​രാ​ണ്​ മ​ത്സ​ര​ത്തി​ൽ മാ​റ്റു​ര​ക്കു​ന്ന​ത്. ചാ​മ്പ്യ​ൻ​ഷി​പ് ആ​ഗോ​ള​ത​ല​ത്തി​ൽ​ത​ന്നെ ​​​ശ്ര​ദ്ധ​യാ​ക​ർ​ഷി​ച്ച​താ​ണെ​ന്ന്​ ജ​ന​പ്രി​യ ഡ്രി​ഫ്റ്റ​റും ഒ.​എ.​എ അം​ഗ​വു​മാ​യ അ​ലി അ​ൽ ബ​ലൂ​ഷി പ​റ​ഞ്ഞു. ഈ ​വ​ർ​ഷം, യു.​എ.​ഇ, സൗ​ദി അ​റേ​ബ്യ, ഖ​ത്ത​ർ, കു​വൈ​ത്ത്, ജോ​ർ​ഡ​ൻ, ല​ബ​നാ​ൻ, ലി​ത്വേ​നി​യ, ലാത് വി, യു​ക്രെ​യ്ൻ, ബ്രി​ട്ട​ൻ, അ​യ​ർ​ല​ൻ​ഡ്, റ​ഷ്യ, യു.​എ​സ്.​എ എ​ന്നി​വി​ട​ങ്ങ​ളി​ൽ നി​ന്നു​ള്ള മ​ത്സ​രാ​ർ​ഥി​ക​ൾ ഉ​ണ്ടാ​കു​മെ​ന്നാ​ണ്​ ക​രു​തു​ന്ന​തെ​ന്നും ബ​ലൂ​ഷി പ​റ​ഞ്ഞു. മ​സ്‌​ക​ത്ത് ഡ്രി​ഫ്റ്റ് അ​രീ​ന​യി​ൽ നേ​രി​ട്ട്​ മ​ത്സ​രം കാ​ണാ​ൻ ക​ഴി​യാ​ത്ത ആ​രാ​ധ​ക​ർ​ക്കാ​യി, ഒ.​എ.​യു​ടെ യൂ​ട്യൂ​ബ്, ​ഫേ​സ്​​ബു​ക്ക്​ ചാ​ന​ലു​ക​ളി​ൽ അ​റ​ബി​ക്, ഇം​ഗ്ലീ​ഷ്, റ​ഷ്യ​ൻ ഭാ​ഷ​ക​ളി​ൽ പ​രി​പാ​ടി സം​പ്രേ​ക്ഷ​ണം ചെ​യ്യും.