അപകടം: ചികിത്സയിലിരുന്ന തിരുവനന്തപുരം സ്വദേശി ഒമാനിൽ മരിച്ചു

സുഹാർ: അപകടത്തെതുർന്ന്​ ചികിത്സയിൽ കഴിഞ്ഞിരുന്ന തിരുവനന്തപുരം സ്വദേശി ഒമാനിൽ നി​ര്യാതനായി. കടത്തുരുത്തി കടവൂർ തോന്നാക്കൽ സ്വദേശി വെട്ടുവിള പുതിയാൽ പുത്തൻവീട് ഗോപകുമാർ ( 41) ആണ്​ റുസ്താഖിൽ മരിച്ചത്​.

കെട്ടിട നിർമ്മാണ തൊഴിലാളിയായ ഇദ്ദേഹം അപകടത്തെ തുടർന്ന് റുസ്​താക്ക് ഗവ. ആശുപത്രിയിൽ ചികിത്സയിലായിരുന്നു. തുടർചികിത്സയ്ക്ക് നാട്ടിലേക്ക് കൊണ്ടുപോകാനുള്ള ശ്രമം നടക്കുന്നതിനിടെയാണ്​ മരണം. പത്തു വർഷമായി ഒമാനിലുണ്ട്.

പിതാവ്​: സദാശിവൻ നായർ. മാതാവ്​: സീത ലക്ഷമി അമ്മ. ഭാര്യ: ആതിര. മക്കൾ: ഗൗതം, ഗൗതമി. മൃതദേഹം നാട്ടിലേക്ക് കൊണ്ടുപോകുമെന്ന്​ ബന്ധപ്പെട്ടവർ അറിയിച്ചു.