ഒമാനിൽ മഴ കനത്തു, വെള്ളപ്പൊക്കം, ഗതാഗതം മുടങ്ങി; ശഹീൻ ചുഴലിക്കാറ്റ്​​ തീരത്തിന്​ തൊട്ടരികിൽ

മസ്​കത്ത്​: ശഹീൻ ചുഴലിക്കാറ്റ്​​ ഒമാൻ തീരത്തോട്​ അടുത്ത്​ കൊണ്ടിരിക്കുന്നു. ഞായറാഴ്​ച വൈകീട്ട്​ അഞ്ചിനും എട്ടിനുമിടയിൽ മുസന്നക്കും സഹത്തിനുമിടയിൽ കാറ്റ് തീരം തൊടുമെന്ന് കാലാവസ്ഥാ നീരിക്ഷണ കേന്ദ്രം അറിയിച്ചു.

ശനിയാഴ്​ച ​രാത്രി മുതൽ മസ്​കത്ത്​, ബാത്തിന ഗവർണറേറ്റുകളിൽ കനത്ത മഴ തുടരുകയാണ്​. വിവിധ പ്രദേശങ്ങൾ വെള്ളക്കെട്ടിലായി. വ്യാപക നാശനഷ്​ടങ്ങളാണ്​ പലയിടത്തും റിപ്പോർട്ട്​ ചെയ്യുന്നത്​. വരും മണിക്കൂറുകളിൽ രാജ്യത്തി​െൻറ വിവിധ ഭാഗങ്ങളിൽ മഴ കനക്കും. വെള്ളപ്പൊക്ക ഭീതി നിലനിൽക്കുന്ന പ്രദേശങ്ങളിൽനിന്ന്​ ജനങ്ങളെ മാറ്റി പാർപ്പിക്കുന്നുണ്ട്​.

അതിനിടെ, റോഡുകളിൽ വെള്ളം കയറി പലയിടത്തും ഗതാഗതം മുടങ്ങി. ശനിയാഴ്​ച രാത്രിയും ഞായറാഴ്​ച പുലർച്ചെയുമായി മസ്​കത്ത്​, മത്ര ഭാഗങ്ങളിൽ വീടുകളിലും വാഹനങ്ങളിലും കുടുങ്ങിയ 55 പേരെ രക്ഷിച്ചു. 30പേർ വീടുകളിലും 25പേർ വാഹനങ്ങളിലുമാണ്​ കുടുങ്ങിയിരുന്നത്​.

ഖുറം ബിസിനസ്​ ഡിസ്​ട്രിക്​ മേഖല പൂർണമായി ഒഴിപ്പിക്കാൻ നാഷനൽ എമർജൻസി സെൻറർ നിർദേശിച്ചു. 2007​​ൽ ഗോനു ചുഴലിക്കാറ്റ്​ വീശിയടിച്ചതിന്​ സമാനമായ സാഹര്യമാണ്​ മസ്​കത്ത്​ മേഖലയിലുള്ളത്​. ഖുറം മേഖല ഏതാണ്ട്​ പൂർണമായി വെള്ളക്കെട്ടിലമർന്നു.

അതേസമയം, ശഹീൻ ചുഴലികാറ്റി​െൻറ വേഗത മണിക്കൂറിൽ 139 കിലോമീറ്ററായി വർധിച്ചതായി ദേശീയ ദുരന്ത നിവാരണ മുന്നറിയിപ്പ്​ കേന്ദ്രം അറിയിച്ചു.