ഓ​ണം: വ​സ്ത്ര വി​പ​ണി​യി​ൽ തി​ര​ക്കേ​റി

സു​ഹാ​ർ: ഓ​ണം പ​ടി​വാ​തി​ലി​ൽ എ​ത്തി​നി​ൽ​ക്കെ ഒ​രു​ക്ക​ങ്ങ​ൾ പൂ​ർ​ത്തി​യാ​ക്കാ​ൻ പ്ര​വാ​സി​ക​ൾ മാ​ർ​ക്ക​റ്റി​ലേ​ക്ക് ഇ​റ​ങ്ങി​ക്ക​ഴി​ഞ്ഞു. ഇ​പ്പോ​ൾ കൂ​ടു​ത​ൽ തി​ര​ക്ക് അ​നു​ഭ​പ്പെ​ടു​ന്ന​ത് ഓ​ണ​ക്കോ​ടി വാ​ങ്ങാ​നാ​ണ്. ര​ണ്ടു​വ​ർ​ഷ​ത്തെ നി​യ​ന്ത്ര​ണ​ത്തി​ന് ശേ​ഷം സ​ജീ​വ​മാ​യ ഓ​ണാ​ഘോ​ഷ കാ​ഴ്ച​യു​ടെ പൊ​ലി​മ​യാ​ണ് എ​ങ്ങും. അ​തു​കൊ​ണ്ടു​ത​ന്നെ വി​പ​ണി സ​ജീ​വ​മാ​ണ്. മാ​ളു​ക​ളി​ൽ ഒ​രു​ക്കി​യ ഓ​ണം വ​സ്ത്ര പ്ര​ദ​ർ​ശ​ന വി​ൽ​പ​ന കൗ​ണ്ട​റു​ക​ളി​ൽ ന​ല്ല തി​ര​ക്കാ​ണ്. സെ​റ്റ് സാ​രി, സെ​റ്റ് മു​ണ്ട്, പ​ട്ടു​പാ​വാ​ട, ദാ​വ​ണി എ​ന്നി​വ​ക്കാ​ണ് ആ​വ​ശ്യ​ക്കാ​രേ​റെ. ജു​ബ്ബ, കു​ർ​ത്ത, പൈ​ജാ​മ, ഷ​ർ​ട്ട്, മു​ണ്ട്, ദോ​ത്തി എ​ന്നി​ങ്ങ​നെ പോ​കു​ന്നു ആ​ണു​ങ്ങ​ളു​ടെ​യും കു​ട്ടി​ക​ളു​ടെ​യും ഇ​ഷ്ട വ​സ്ത്ര​ങ്ങ​ൾ.

പു​തു​താ​യി വി​പ​ണി​യി​ലെ​ത്തി​യ സെ​റ്റ് ചു​രി​ദാ​റി​ന് ന​ല്ല വി​ൽ​പ​ന​യാ​ണെ​ന്ന്​ ആ​ല​പ്പു​ഴ സ്വ​ദേ​ശി ഗാ​യ​ത്രി പ​റ​ഞ്ഞു. വ​സ്ത്ര​ങ്ങ​ൾ ഓ​ണ​ത്തി​ന് നാ​ട്ടി​ൽ​നി​ന്ന് കൊ​ണ്ടു​വ​രു​ന്ന പ്ര​വ​ണ​ത മു​മ്പു​​ണ്ടാ​യി​രു​ന്നെ​ങ്കി​ലും ഇ​പ്പോ​ൾ എ​ല്ലാ പു​ത്ത​ൻ ഡി​സൈ​നും മാ​ർ​ക്ക​റ്റി​ൽ ല​ഭ്യ​മാ​ണെ​ന്നു ഗാ​യ​ത്രി​യു​ടെ കൂ​ട്ടു​കാ​രി പാ​ല​ക്കാ​ട്‌ സ്വ​ദേ​ശി സ​ജ്‌​ന പ​റ​യു​ന്നു. സെ​റ്റ് സാ​രി​യി​ൽ ആ​ലി​ല​യു​ടെ​യും പീ​ലി​യു​ടെ​യും കൃ​ഷ്ണ​ന്റെ​യും പ​ട​ങ്ങ​ൾ അ​ലേ​ഖ​നം ചെ​യ്ത സാ​രി​യും വി​പ​ണി​യി​ൽ ല​ഭ്യ​മാ​ണ്. പ​ട്ടു​പാ​വാ​ട​യു​ടെ വ്യ​ത്യ​സ്ത ക​ള​റു​ക​ളി​ൽ കൗ​മാ​ര​ക്കാ​ർ​ക്ക് ഇ​ണ​ങ്ങും​വി​ധം ഡി​സൈ​ൻ വ​ർ​ക്ക് ചെ​യ്തും വ​ർ​ക്ക് ഇ​ല്ലാ​തെ​യും വി​റ്റു​പോ​കു​ന്നു​ണ്ടെ​ന്ന് മാ​ളി​ലെ സെ​ക്ഷ​ൻ സ്റ്റാ​ഫ്‌ പ​റ​യു​ന്നു. ഓ​ണ ദി​വ​സ​ത്തെ ഉ​പ​യോ​ഗ​ത്തി​ന് മാ​ത്രം ഉ​പ​യോ​ഗി​ക്കു​ന്ന മു​ണ്ടി​ന് വ​ലി​യ വി​ല​യി​ല്ല എ​ന്ന​താ​ണ് ആ​ശ്വാ​സ​മെ​ന്ന്​ മാ​ളി​ലെ​ത്തി​യ ഫാ​ർ​മ​സി സെ​യി​ൽ​സ്മാ​ൻ ശി​വ​ൻ പ​റ​ഞ്ഞു.

ഫാ​ൻ​സി സെ​ക്ഷ​നു​ക​ളി​ലും ന​ല്ല തി​ര​ക്ക​നു​ഭ​വ​പ്പെ​ടു​ന്നു​ണ്ട്. മാ​ല, വ​ള, ക​മ്മ​ൽ, സൗ​ന്ദ​ര്യ​വ​ർ​ധ​ക വ​സ്തു​ക്ക​ൾ എ​ന്നി​വ​ക്കാ​ണ് കൂ​ടു​ത​ൽ ആ​വ​ശ്യ​ക്കാ​രെ​ന്ന് ഷോ​പ്പി​ങ്ങി​നി​റ​ങ്ങി​യ കൊ​ല്ലം ക​രി​ക്കോ​ട് സ്വ​ദേ​ശി​നി അ​നു പ​റ​ഞ്ഞു. പു​തു​വ​സ്ത്ര​ത്തി​ൽ അ​വ​സാ​നി​ക്കു​ന്ന​ത​ല്ല പ്ര​വാ​സി​ക​ളു​ടെ ഓ​ണാ​ഘോ​ഷം. മാ​സ​ങ്ങ​ളോ​ളം വി​വി​ധ പ​രി​പാ​ടി​ക​ളു​മാ​യി സ​ജീ​വ​മാ​യി​രി​ക്കും ഗ​ൾ​ഫ് നാ​ടു​ക​ൾ.