സലാലയിൽ ബസപകടം; ഒരാൾ മരിച്ചു, നിരവധി പേർക്ക് പരിക്ക്

മസ്കത്ത്​: ദുബൈയിൽനിന്ന് സലാലയിലേക്ക് വരികയായിരുന്ന ജി.ടി.സിയുടെ ബസ്​ അപകടത്തിൽ​പ്പെട്ട്​ ഒമാൻ സ്വദേശി മരിച്ചു. നിരവധിപേർക്ക്​ പരിക്കേൽക്കുകയും ചെയ്തു.

തുംറൈത്തിന് സമീപം തോക്കയിൽ ചൊവ്വാഴ്ച​ പുലർച്ചെ അഞ്ചരക്കായിരുന്നു അപകടം. മുന്നിൽ പോവുകയായിരുന്ന ട്രൈയിലറിൽ ബസ്​ ഇടിക്കുകയായിരുന്നുവെന്നാണ് പ്രാഥമിക വിവരം.

ഗുരുതര പരിക്കേറ്റവരെ സലാല സുൽത്താൻ ഖാബൂസ് ആശുപത്രിയിലേക്ക് മാറ്റി. പരിക്കേറ്റവരിലധികവും യമൻ, ഒമാൻ പൗരന്മാരാണ്. ഇടിയുടെ ആഘാതത്തിൽ ബസിന്‍റെ മുൻവശം പൂർണമായും തകർന്നു.