സ്വദേശി സ്കൂ​ളു​ക​ള്‍ തു​റ​ക്കാ​ന്‍ ഇ​നി ദി​വ​സ​ങ്ങ​ള്‍ മാ​ത്രം; ച​ല​ന​മ​റ്റ് സ്കൂൾ വി​പ​ണി

മ​ത്ര: സ്വ​ദേ​ശി സ്കൂ​ളു​ക​ള്‍ തു​റ​ക്കാ​ന്‍ ഇ​നി ദി​വ​സ​ങ്ങ​ള്‍ മാ​ത്ര​മാ​ണ് അ​വ​ശേ​ഷി​ക്കു​ന്ന​തെ​ങ്കി​ലും വി​പ​ണി​ക​ൾ സ​ജീ​വ​മാ​യി തു​ട​ങ്ങി​യി​ട്ടി​ല്ല. സ്കൂ​ൾ യൂ​നി​ഫോ​മും ബാ​ഗു​ക​ളും ചെ​രി​പ്പു​ക​ളു​മൊ​ക്കെ ശേ​ഖ​രി​ച്ച് വെ​ച്ച് സീ​സ​ണി​നെ വ​ര​വേ​ല്‍ക്കാ​ന്‍ ഒ​രു​ങ്ങി​യ വ്യാ​പാ​രി​ക​ളി​ല്‍ ക​ടു​ത്ത നി​രാ​ശ​യാ​ണ് നി​ഴ​ലി​ക്കു​ന്ന​ത്. സാ​ധാ​ര​ണ ബ​ലി​പെ​രു​ന്നാ​ള്‍ ക​ഴി​ഞ്ഞ് തൊ​ട്ട​ടു​ത്ത ഒ​രു മാ​സം വ്യാ​പാ​ര മാ​ന്ദ്യം പ​തി​വു​ള്ള​താ​ണ്.

എ​ന്നാ​ല്‍, ഇ​പ്രാ​വ​ശ്യം മൂ​ന്ന്‌ മാ​സ​ത്തോ​ള​മാ​യി മാ​ർ​ക്ക​റ്റു​ക​ള്‍ നി​ർജീവ​മാ​ണ്. ഇ​തു​മൂ​ലം വ്യാ​പാ​ര മേ​ഖ​ല ക​ടു​ത്ത പ്ര​തി​സ​ന്ധി​യി​ലൂ​ടെ​യാ​ണ് ക​ട​ന്നു​പോ​യി​ക്കൊ​ണ്ടി​രി​ക്കു​ന്ന​ത്.

ഇ​ത്ത​വ​ണ​ത്തെ ക​ന​ത്ത ചൂ​ട് കാ​ര​ണം സ്വ​ദേ​ശി​ക​ളി​ല്‍ ന​ല്ലൊ​രു ശ​ത​മാ​നം പേ​രും ത​ണു​പ്പ് അ​നു​ഭ​വ​പ്പെ​ടു​ന്ന വി​ദേ​ശ രാ​ജ്യ​ങ്ങ​ളി​ലേ​ക്കും സ​ലാ​ല പോ​ലു​ള്ള പ്ര​ദേ​ശ​ങ്ങ​ളി​ലേ​ക്കു​മൊ​ക്കെ ടൂ​ര്‍ പോ​യ​തും മാ​ര്‍ക്ക​റ്റി​നെ കാ​ര്യ​മാ​യി ബാ​ധി​ച്ചി​രി​ക്കു​ക​യാ​ണ്‌. വി​വി​ധ രാ​ജ്യ​ങ്ങ​ളി​ലേ​ക്ക് യാ​ത്ര പോ​യ സ്വ​ദേ​ശി കു​ടും​ബ​ങ്ങ​ള്‍ തി​രി​ച്ചെ​ത്തു​ന്ന​തോ​ടെ വി​പ​ണി സ​ജീ​വ​മാ​കു​മെ​ന്ന പ്ര​തീ​ക്ഷ​യി​ലാ​ണ് വ്യാ​പാ​രി​ക​ൾ.

മ​സ്ക​ത്തി​ലെ ഇ​ന്ത്യ​ന്‍ സ്കൂ​ളു​ക​ള്‍ വേ​ന​ല​വ​ധി​ക്ക് ശേ​ഷം ഈ ​മാ​സ​മാ​ദ്യം തു​റ​ന്നു പ്ര​വ​ര്‍ത്തി​ച്ചി​രു​ന്നു. അ​വ​ധി​ക്ക് നാ​ട്ടി​ല്‍ പോ​യി​രു​ന്ന കു​ടും​ബ​ങ്ങ​ളൊ​ക്കെ തി​രി​കെ എ​ത്തി​യി​ട്ടും സ്കൂ​ള്‍ വി​പ​ണി​യി​ൽ കാ​ര്യ​മാ​യ മാ​റ്റ​മൊ​ന്നും ദൃ​ശ്യ​മാ​യി​ല്ല.

മാ​സ​ങ്ങ​ളാ​യി വി​പ​ണി മ​ന്ദ​ഗ​തി​യി​ലാ​യ​തി​നാ​ല്‍ ചെ​റു​കി​ട ക​ച്ച​വ​ട​ക്കാ​രൊ​ക്കെ വ​ലി​യ തോ​തി​ലു​ള്ള പ്ര​തി​സ​ന്ധി നേ​രി​ടു​ക​യാ​ണ്. ആ​ഗ​സ്റ്റ് മാ​സ​ത്തെ ശ​മ്പ​ളം വ​ന്നാ​ല്‍ സ്കൂ​ൾ സീ​സ​ണും മാ​ർ​ക്ക​റ്റും പൂ​ര്‍വ സ്ഥി​തി​യി​ലേ​ക്ക് തി​രി​ച്ചെ​ത്തു​മെ​ന്ന പ്ര​തീ​ക്ഷ​യി​ലാ​ണ് വ്യാ​പാ​ര മേ​ഖ​ല​യി​ലു​ള്ള​വ​ര്‍.