ഫലസ്​തീൻ പ്രധാനമന്ത്രി ഒമാനിൽ

മസ്​കത്ത്​: ഫലസ്​തീൻ പ്രധാനമന്ത്രി ഡോ. മുഹമ്മദ്​ ഇബ്രാഹീം ഇഷ്​തയ്യ മൂന്നു ദിവസത്തെ ഔദ്യോഗിക സന്ദർശനത്തിനായി ഒമാനിലെത്തി. വിമാനത്താവളത്തിൽ ഒമാൻ ഉന്നത ഉദ്യോഗസ്​ഥർ പ്രധാനമന്ത്രിക്കും സംഘത്തിനും സ്വീകരണം നൽകി.

ദിവസങ്ങൾക്ക്​ മുമ്പ് ഫലസ്​തീൻ ജനതക്കെതിരെ ഇസ്രായേൽ ആക്രമണം അഴിച്ചുവിട്ട സന്ദർഭത്തിൽ ഒമാൻ ഐക്യദാർഢ്യവും പിന്തുണയും അറിയിച്ചിരുന്നു. ലോകവേദികളിൽ ഫലസ്​തീനെ പിന്തുണക്കുകയും വെടിനിർത്തലിന്​ സമ്മർദം ചെലുത്തുകയും ചെയ്യുകയുമുണ്ടായി. പ്രധാനമന്ത്രി ഒമാൻ ഉന്നത നേതൃത്വവുമായി കൂടിക്കാഴ്​ച നടത്തുമെന്ന്​ ഔദ്യോഗിക വൃത്തങ്ങൾ അറിയിച്ചു. ​