മ​ബേ​ല സൗ​ത്തി​ല്‍ ആ​ധു​നി​ക സൗ​ക​ര്യ​ങ്ങ​ളോടെ പാ​ർ​ക്ക്​ വ​രു​ന്നു

മ​സ്ക​ത്ത്​: നൂ​ത​ന സൗ​ക​ര്യ​ങ്ങ​ളൊ​ടെ​യു​ള്ള പാ​ർ​ക്ക്​ നി​ർ​മി​ക്കാ​ൻ മ​സ്ക​ത്ത്​ മു​നി​സി​പ്പാ​ലി​റ്റി ഒ​രു​ങ്ങു​ന്നു. മ​ബേ​ല സൗ​ത്തി​ലാ​ണ്​ പാ​ർ​ക്ക്​ ഒ​രു​ക്കു​ക. ഇ​തു സം​ബ​ന്ധി​ച്ച്​ സ​ഊ​ദ് ബി​ന്‍ ഹി​ലാ​ല്‍ അ​ല്‍ സ​ബ്‌​രി ക​മ്പ​നി​യു​മാ​യി ക​രാ​റി​ലെ​ത്തി. 20 വ​ര്‍ഷ​ത്തെ ക​രാ​റി​ലാ​ണ് പ​ദ്ധ​തി പ്ര​ദേ​ശം സ്വ​കാ​ര്യ ക​മ്പ​നി​ക്ക് വി​ട്ട് ന​ല്‍കി​യി​രി​ക്കു​ന്ന​ത്. മ​സ്ക​ത്ത്​ മു​നി​സി​പ്പാ​ലി​റ്റി ചെ​യ​ർ​മാ​ന്‍റെ കാ​ർ​മി​ക​ത്വ​ത്തി​ൽ ന​ട​ന്ന ച​ട​ങ്ങി​ലാ​യി​രു​ന്നു ക​രാ​ർ ഒ​പ്പി​ട്ട​ത്.

പാ​ര്‍ക്കി​നോ​ടു ചേ​ര്‍ന്ന് ഒ​രു​ക്കു​ന്ന പ​ബ്ലി​ക് സ്ട്രീ​റ്റി​ല്‍ ദി​വാ​നി​യ ഒ​മാ​നി സ്വീ​റ്റ്‌​സ് ഫാ​ക്ട​റി​യും സ്ഥാ​പി​ക്കും. സ​മൂ​ഹ​ത്തി​ന്‍റെ വി​വി​ധോ​ദ്ദേ​ശ്യ​ങ്ങ​ൾ പൂ​ർ​ത്തി​യാ​ക്കാ​ൻ സാ​ധി​ക്കും വി​ധ​മാ​ണ്​ പാ​ർ​ക്ക്​ രൂ​പ​ക​ൽ​പ​ന ചെ​യ്​​തി​രി​ക്കു​ന്ന​ത്.

31,182 ച​തു​ര​ശ്ര മീ​റ്റ​ര്‍ വി​സ്തൃ​തി​യി​ൽ ഒ​രു​ക്കു​ന്ന പാ​ർ​ക്കി​ൽ സ്‌​പോ​ര്‍ട്‌​സ് കോ​ര്‍ട്ടു​ക​ള്‍, ടേ​ബ്ള്‍ ടെ​ന്നീ​സ് സം​വി​ധാ​നം, ആം​ഫി തി​യ​റ്റ​ര്‍, ന​ട​പ്പാ​ത, സൈ​ക്കി​ള്‍ പാ​ത, കു​ട്ടി​ക​ളു​ടെ ക​ളി​സ്ഥ​ലം, പ​ച്ച​പ്പ് നി​റ​ഞ്ഞ സ്ഥ​ല​ങ്ങ​ള്‍, മ​റ്റു പ​രി​പാ​ടി​ക​ള്‍ ഒ​രു​ക്കാ​വു​ന്ന വേ​ദി​ക​ള്‍, കി​യോ​സ്‌​കു​ക​ള്‍, ക​ഫേ​ക​ള്‍, വി​ശ്ര​മ മു​റി​ക​ള്‍, കാ​ര്‍ പാ​ര്‍ക്കി​ങ്, പ്രാ​ര്‍ഥ​ന ഏ​രി​യ തു​ട​ങ്ങി​യ​വ​യും ഉ​ണ്ടാ​കും.