താ​മ​സ കെ​ട്ടി​ട​ങ്ങ​ളു​ടെ പാ​ര്‍ക്കി​ങ് ഷെ​ഡു​ക​ൾ; മാ​ന​ദ​ണ്ഡ​ങ്ങ​ൾ ഓ​ർ​മി​പ്പി​ച്ച് വീ​ണ്ടും മ​സ്ക​ത്ത് മു​നി​സി​പ്പാ​ലി​റ്റി

മ​സ്‌​ക​ത്ത്: താ​മ​സ കെ​ട്ടി​ട​ങ്ങ​ളു​ടെ കോ​മ്പൗ​ണ്ടി​നു പു​റ​ത്ത് പാ​ര്‍ക്കി​ങ് ഷെ​ഡു​ക​ള്‍ നി​ര്‍മി​ക്കു​ന്ന​വ​ര്‍ മാ​ന​ദ​ണ്ഡ​ങ്ങ​ൾ പാ​ലി​ക്ക​ണ​മെ​ന്ന് ഓ​ർ​മ​പ്പെ​ടു​ത്തി വീ​ണ്ടും മ​സ്ക​ത്ത് മു​നി​സി​പ്പാ​ലി​റ്റി. അ​നു​മ​തി​യി​ല്ലാ​തെ പാ​ര്‍പ്പി​ട കെ​ട്ടി​ട​ങ്ങ​ളു​ടെ വ​ള​പ്പി​നു പു​റ​ത്ത് പാ​ര്‍ക്കി​ങ് ഷെ​ഡു​ക​ള്‍ നി​ർ​മി​ക്ക​രു​ത്. ആ​വ​ശ്യ​ക​ത അ​നു​സ​രി​ച്ച് മാ​ത്ര​മേ ലൈ​സ​ന്‍സ് ല​ഭി​ച്ച​വ​ര്‍ ത​ന്നെ വാ​ഹ​ന ഷെ​ഡു​ക​ള്‍ നി​ര്‍മി​ക്കാ​വൂ.

ഷെ​ഡു​ക​ളു​ടെ മൂ​ല​ക​ളും സ്ട്രീ​റ്റും ത​മ്മി​ല്‍ ഒ​രു മീ​റ്റ​റി​ല്‍ കു​റ​യാ​ത്ത ദൂ​ര​മു​ണ്ടാ​ക​ണം. ലം​ബ​മാ​യി വാ​ഹ​നം പാ​ര്‍ക്ക് ചെ​യ്യു​മ്പോ​ള്‍ തൂ​ണ്‍ മു​ത​ല്‍ മേ​ലാ​പ്പി​ന്റെ ഒ​ഴി​ച്ചി​ട്ട ഭാ​ഗ​ത്തി​ന്റെ അ​റ്റം വ​രെ​യു​ള്ള മേ​ല്‍ക്കൂ​ര​യു​ടെ നീ​ളം അ​ഞ്ച് മീ​റ്റ​റി​ല്‍ ക​വി​യ​രു​ത്.

പ്ലോ​ട്ടി​ന്റെ അ​തി​ര്‍ത്തി​ക്കു​ള്ളി​ല്‍ ത​ന്നെ​യാ​യി​രി​ക്ക​ണം മേ​ലാ​പ്പി​ന്റെ തൂ​ണു​ക​ള്‍. പു​റ​ത്താ​ണെ​ങ്കി​ല്‍ മ​തി​ലി​ന്റെ വ​ശ​ത്തു​നി​ന്നു​മാ​യി​രി​ക്ക​ണം. അ​ര മീ​റ്റ​റി​നേ​ക്കാ​ള്‍ ദൂ​ര​ത്താ​ക​രു​ത്. മേ​ല്‍ക്കൂ​ര തെ​രു​വി​ലേ​ക്ക് നീ​ളു​ന്നു​വെ​ങ്കി​ല്‍ തൂ​ണു​ക​ളി​ല്ലാ​തെ തൂ​ക്കി​യി​ട​ണം.

മേ​ലാ​പ്പി​ന്റെ ഉ​യ​രം 2.4 മീ​റ്റ​റി​ല്‍ ക​വി​യ​രു​ത്. പാ​ര്‍ക്കി​ങ് ​​​ഫ്ലോ​ര്‍ മു​ത​ല്‍ മേ​ലാ​പ്പ് മേ​ല്‍ക്കൂ​ര​യു​ടെ ഉ​ള്ളി​ലെ ഏ​റ്റ​വും താ​ഴ്ന്ന ഭാ​ഗം വ​രെ​യു​ള്ള അ​ള​വ് പ്ര​കാ​ര​മാ​ണ് ഇ​ത് ക​ണ​ക്കാ​ക്കു​ക. പാ​ര്‍ക്കി​ങ് ​ഫ്ലോ​ര്‍ മു​ത​ല്‍ മേ​ലാ​പ്പി​ന്റെ മേ​ല്‍ക്കൂ​ര​യു​ടെ ഏ​റ്റ​വും ഉ​യ​രം കൂ​ടി​യ ഭാ​ഗം വ​രെ മൂ​ന്ന് മീ​റ്റ​ര്‍ ഉ​യ​ര​മാ​കാം. തൂ​ണി​ന്റെ ഉ​യ​രം മൂ​ന്ന് മീ​റ്റ​റി​ല്‍ ക​വി​യ​രു​ത്.

മേ​ല്‍ക്കൂ​ര​യാ​യി ഉ​യ​ര്‍ന്ന സാ​ന്ദ്ര​ത​യു​ള്ള പോ​ളി​ത്തീ​ന്‍ ഫാ​ബ്രി​ക്കോ സ​മാ​ന ഇ​ന​ങ്ങ​ളോ ഉ​പ​യോ​ഗി​ക്ക​ണം. വെ​ള്ള​യോ ഇ​ളം നി​റ​ങ്ങ​ളോ ഇ​ളം ചാ​ര​നി​റ​മോ ആ​ക​ണം. ത്രി​മാ​ന ഡി​സൈ​ന്‍ മു​നി​സി​പ്പാ​ലി​റ്റി​യി​ല്‍ സ​മ​ര്‍പ്പി​ച്ചാ​ല്‍ മ​ര​ത്തി​ന്റെ​യോ മ​ര​ത്തി​ന്റെ രൂ​പം ന​ല്‍കു​ന്ന മ​റ്റ് വ​സ്തു​ക്ക​ളോ ഉ​പ​യോ​ഗി​ച്ചു​ള്ള മേ​ലാ​പ്പു​ക​ള്‍ നി​ര്‍മി​ക്കാ​ന്‍ ലൈ​സ​ന്‍സ് ന​ല്‍കും.

പാ​ര്‍ക്കി​ങ് ഷെ​ഡു​ക​ളു​ടെ വീ​തി ആ​റു മീ​റ്റ​റി​ല്‍ കൂ​ട​രു​ത്. തൂ​ണു​ക​ളി​ലും എ​ടു​പ്പി​ലും തു​രു​മ്പ് പി​ടി​ക്കാ​ത്ത പെ​യി​ന്റ് അ​ടി​ക്ക​ണം. ഷെ​ഡ് തു​ണി​യു​ടെ​യും മ​തി​ലി​ന്റെ​യും നി​റ​വു​മാ​യി യോ​ജി​ച്ച​താ​ക​ണം. ഷെ​ഡ് നി​ര്‍മി​ക്കാ​ന്‍ കു​ഴി​ക്ക​ല്‍ പ്ര​വൃ​ത്തി ആ​വ​ശ്യ​മാ​ണെ​ങ്കി​ല്‍ യ​ന്ത്രം ഉ​പ​യോ​ഗി​ക്കാ​തെ മ​നു​ഷ്യ​രെ ഉ​പ​യോ​ഗി​ച്ച് ന​ട​ത്ത​ണം.