പാർസ് എയർ മസ്കത്തിലേക്ക് സർവിസ് തുടങ്ങി

മസ്കത്ത്: ഇറാന്‍റെ പ്രാദേശിക എയർലൈൻ വിമാനമായ പാർസ് എയർ മസ്കത്തിലേക്ക് സർവിസ് തുടങ്ങി. ഇറാനിലെ ഷിറാസിൽനിന്ന് ആഴ്ചയിൽ രണ്ടു വീതം സർവിസായിരിക്കും നടത്തുക. ഷിറാസിൽനിന്ന് മസ്‌കത്തിലേക്ക് സർവിസ് നടത്താൻ പാർസ് എയറിന് സിവിൽ ഏവിയേഷൻ അതോറിറ്റി കഴിഞ്ഞമാസം അനുമതി നൽകിയിരുന്നു. മസ്കത്ത് എയർപോർട്ടിൽ എത്തിയ പാർസ് എയറിന്‍റെ ആദ്യ വിമാനത്തെ വാട്ടർ സല്യൂട്ട് നൽകി അധികൃതർ സ്വീകരിച്ചു.