മസ്കത്ത് ഇന്ത്യൻ എംബസിയിൽ പാസ്​പോർട്ട് സേവനം തടസ്സപ്പെടും

മസ്കത്ത്: മസ്കത്ത് ഇന്ത്യൻ എംബസിയിൽനിന്നുള്ള പാസ്​പോർട്ട് സേവനങ്ങൾ തിങ്കളാഴ്ച വൈകീട്ടുവരെ തടസ്സപ്പെടും.

പാസ്‌പോർട്ട് സേവാപോർട്ടിൽ സാ​ങ്കേതിക അറ്റകുറ്റപ്പണികൾ നടത്തുന്നതിനാലാണ് തടസ്സം. പാസ്‌പോര്‍ട്ട്, എമര്‍ജന്‍സി സര്‍ട്ടിഫിക്കറ്റ്,പൊലീസ് ക്ലിയറന്‍സ് സേവനങ്ങള്‍ എന്നിവയാണ് താത്കാലികമായി നിര്‍ത്തിവെച്ചിട്ടുള്ളത്.

ശനിയാഴ്ച ​വൈകീട്ട് 5.30 മുതൽ തിങ്കളാഴ്ച ഉച്ചകഴിഞ്ഞ് 4.30വരെ സേവനങ്ങള്‍ ലഭിക്കില്ല. എന്നാല്‍, ബി.എല്‍.എസ് സെന്ററിലെ കോണ്‍സുലാര്‍, വിസ സേവനങ്ങള്‍ക്ക് തടസമുണ്ടാകില്ലെന്നും മസ്‌കത്ത് ഇന്ത്യന്‍ എംബസി പ്രസ്താവനയില്‍ അറിയിച്ചു.