ഹൃദയാഘാതം; പത്തനംതിട്ട സ്വദേശി ഒമാനിൽ നിര്യാതനായി

മസ്കത്ത്: ഹൃദയാഘാതത്തെ തുടർന്ന് പത്തനംതിട്ട സ്വദേശി ഒമാനിൽ നിര്യാതനായി. തിരുവല്ല വള്ളംകുളത്തെ സണ്ണി പി. സക്കറിയ (59) ആണ് മസ്കത്തിൽ മരിച്ചത്. മസ്കത്ത് ഗ്രീൻ ലീവ്‌സ് കമ്പനിയുടെ ഉടമയാണ്.

പിതാവ്: തുണ്ടിയിൽ പരേതനായ പി.എസ്. ജോയ്ക്കുട്ടി. ഭാര്യ: പള്ളിക്കൽ ഈരിക്കൽപടിറ്റതിൽ സൂസൻ. മക്കൾ: സെൻ, സ്നേഹ. റോയൽ ഒമാൻ പൊലീസ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം പിന്നീട് മസ്കത്തിൽ സംസ്കരിക്കുമെന്ന് ബന്ധുക്കൾ അറിയിച്ചു.