പത്തനംതിട്ട സ്വദേശി  ഹൃദയാഘാതം മൂലം മരിച്ചു 

മസ്​കത്ത്​: പത്തനംതിട്ട സ്വദേശി മസ്​കത്തിൽ ഹൃദയാഘാതം മൂലം മരിച്ചു. കോന്നി തണ്ണിത്തോട്​ ആഞ്ഞിലിമൂട്ടിൽ തമ്പിയുടെ മകൻ ഷിബിൻ (35) ആണ്​ മരിച്ചത്​. മബേല അൽ സലാമ പോളിക്ലിനിക്കിലെ നഴ്​സിങ്​ ജീവനക്കാരനാണ്​.കഴിഞ്ഞ മൂന്ന്​ വർഷമായി ഒമാനിലുണ്ട്​. ബുധനാഴ്​ച രാവിലെ താമസ സ്​ഥലത്ത്​ വെച്ച്​ ഹൃദയാഘാതം ഉണ്ടായതിനെതുടർന്ന്​ പ്രാഥമിക ശുശ്രൂഷ നൽകിയ ശേഷം സുൽത്താൻ ഖാബൂസ്​ സർവകലാശാല ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

ഭാര്യ ഷീന മാത്യു നഖൽ ഹെൽത്ത്​ സ​െൻററിൽ നഴ്​സ്​ ആയി ജോലി ചെയ്യുന്നു. മകൻ: ഹാനോക്ക്​ (നാല്​ വയസ്​). മാതാവ്​: മോളി.  മൃതദേഹം നാട്ടിലെത്തിക്കാനുള്ള നടപടിക്രമങ്ങൾ നടന്നുവരുന്നു. ഷിബി​​െൻറ നിര്യാണത്തിൽ ഹോസ്​പിറ്റൽ ഡയറക്​ടർ ടി.ടി സിദ്ദീഖ്​, മെഡിക്കൽ ഡയറക്​ടർ ഡോ. റഷീദലി, മറ്റ്​ ജീവനക്കാർ എന്നിവർ അനുശോചിച്ചു.