പൊ​തു​ഗ​താ​ഗ​ത​ത്തോ​ട്​ പ്രി​യ​മേ​റു​ന്നു

മ​സ്ക​ത്ത്​: രാ​ജ്യ​ത്തെ പൊ​തു​ഗ​താ​ഗ​ത സം​വി​ധാ​നം ഉ​പ​യോ​ഗി​ക്കു​ന്ന​വ​രു​ടെ എ​ണ്ണം ദി​വ​സേ​ന വ​ർ​ധി​ക്കു​ന്നു. ദേ​ശീ​യ ഗ​താ​ഗ​ത ക​മ്പ​നി​യാ​യ മു​വാ​സ​ലാ​ത്തി​ന്‍റെ ബ​സ്​ വ​ഴി ഈ ​വ​ർ​ഷ​ത്തി​ന്‍റെ മൂ​ന്നാം​പാ​ദ​ത്തി​ൽ 3145,545 ആ​ളു​ക​ളാ​ണ്​ യാ​ത്ര​ചെ​യ്ത​ത്. ക​ഴി​ഞ്ഞ വ​ർ​ഷ​മി​ത്​ ഇ​ക്കാ​ല​യ​ള​വി​ൽ 2.1 ദ​ശ​ല​ക്ഷം യാ​ത്ര​ക്കാ​രാ​യി​രു​ന്നു. പ്ര​തി​ദി​നം 11,500ല​ധി​കം യാ​ത്ര​ക്കാ​ർ ബ​സു​ക​ളെ ആ​ശ്ര​യി​ക്കു​ന്നു​ണ്ടെ​ന്നാ​ണ്​ ക​ണ​ക്കാ​ക്കു​ന്ന​ത്. പ്ര​തി​ദി​നം 652 യാ​ത്ര​ക്കാ​ർ എ​ന്ന​തോ​തി​ൽ ഈ ​വ​ർ​ഷ​ത്തി​ന്‍റെ മൂ​ന്നാം​പാ​ദ​ത്തി​ൽ 1,77,973 പേ​ർ ഫെ​റി സ​ർ​വി​സു​ക​ളും ഉ​പ​യോ​ഗി​ച്ചു. 2022ൽ ​ഇ​ത് 1,63,700 ആ​യി​രു​ന്നു.

ബ​സു​ക​ൾ​വ​ഴി ക​യ​റ്റു​മ​തി ചെ​യ്ത ച​ര​ക്കു​ക​ളു​ടെ എ​ണ്ണം 18,000 ട​ണ്ണാ​ണ്. 45,600 വാ​ഹ​ന​ങ്ങ​ൾ ഫെ​റി​ക​ളി​ലൂ​ടെ​യും ക​യ​റ്റി​യ​യ​ച്ചു. ബ​സു​ക​ളി​ൽ യാ​ത്ര ചെ​യ്യു​ന്ന ഒ​മാ​നി​ക​ൾ 34.98 ശ​ത​മാ​ന​വും ഫെ​റി​ക​ളി​ൽ 80.68 ശ​ത​മാ​ന​വു​മാ​ണ്. മു​വാ​സ​ല​ക​ത്ത്​ ക​മ്പ​നി​യു​ടെ സ്വ​ദേ​ശി​വ​ത്​​ക​ര​ണ നി​ര​ക്ക്​ 93 ശ​ത​മാ​ന​മാ​ണെ​ന്ന്​ ക​മ്പ​നി അ​റി​യി​ച്ചു. ബ​സു​ക​ളി​ലെ ആ​കെ യാ​ത്ര​ക്കാ​രി​ൽ 12.73 ശ​ത​മാ​ന​വും ഫെ​റി​ക​ളി​ൽ 21.34 ശ​ത​മാ​ന​വും സ്ത്രീ​ക​ളാ​ണ്.

മു​വാ​സ​ലാ​ത്ത്​ ന​ട​പ്പാ​ക്കി​യ ചി​ല പ​ദ്ധ​തി​ക​ളും പ​രി​ഷ്കാ​ര​ങ്ങ​ളു​മാ​ണ്​ യാ​ത്ര​ക്കാ​രെ ആ​ർ​ഷി​ക്കാ​ൻ സ​ഹാ​യ​ക​മാ​യ​ത്. ഒ​ക്‌​ടോ​ബ​ർ ഒ​ന്ന്​ മു​ത​ൽ അ​ബൂ​ദ​ബി​യി​ലേ​ക്കു​ള്ള ഒ​രു അ​ന്താ​രാ​ഷ്ട്ര സ​ർ​വി​സും മു​വാ​സ​ലാ​ത്ത് അ​ടു​ത്തി​ടെ പു​ന​രാ​രം​ഭി​ച്ചു. യു.​എ.​ഇ​യി​ലെ ബു​റൈ​മി, അ​ൽ ഐ​ൻ വ​ഴി​യാ​ണ് സ​ർ​വി​സ് ന​ട​ത്തു​ന്ന​ത്.