ഒമാനി വിദ്യാർഥികൾക്ക്​ പാർട്ട്​ടൈം ജോലിക്ക്​ അനുമതി

മസ്​കത്ത്​: ഒമാനി വിദ്യാർഥികൾക്ക്​ പാർട്ട്​ടൈം ജോലി ചെയ്യാൻ അനുമതി. മാനവ വിഭ​വശേഷി വകുപ്പ്​ മന്ത്രി ഡോ. മഹദ്​ അൽ ബഊവിൻ ആണ്​ ഇതുസംബന്ധിച്ച്​ ഉത്തരവിറക്കിയത്​. സർക്കാർ/ സ്വകാര്യ സ്​കൂളുകളിൽ എൻറോൾ ചെയ്​ത 15 വയസ്സിന്​ മുകളിലുള്ള ജി.ഇ.ഡി വിദ്യാർഥികൾക്ക്​ പാർട്ട്​ ടൈം ജോലിക്ക്​ അനുമതിയുണ്ടായിരിക്കും.

അനുവദനീയമായ ജോലികളുടെ പട്ടിക മന്ത്രാലയം പുറത്തറിയിക്കും. സെമസ്​റ്റർ പരീക്ഷകൾക്ക്​ ശേഷം രക്ഷിതാക്കളു​െട അനുമതിയോടെ വേണം ജോലി ചെയ്യാൻ. വേതനം, തൊഴിൽസമയം തുടങ്ങിയ കാര്യങ്ങളിൽ ഇരുകക്ഷികളും ധാരണയുണ്ടാക്കണമെന്നും ഉത്തരവിൽ പറയുന്നു.