ഒമാനിലും പൊങ്കാല മഹോത്സവം കൊണ്ടാടി

മസ്കത്ത്: ആറ്റുകാൽ പൊങ്കാല മഹോത്സവം ഒമാനിലും കൊണ്ടാടി. നാട്ടിൽ പൊങ്കാല നടന്ന അതെ സമയം തന്നെയാണ് ഒമാനിലും പൊങ്കാലയർപ്പിച്ചത്. ഒമാൻ തിരുവനന്തപുരം പ്രവാസി അസോസിയേഷനും ഡോക്ടർ രാജശ്രീ നാരായണൻ കുട്ടിയും ചേർന്നാണ് പൊങ്കാല മഹോത്സവം സംഘടിപ്പിച്ചത്.

ഒമാനിലെ റുമൈസിൽ അബു ഹാതിം ഗാർഡനിൽ നടന്ന പൊങ്കാല മഹോത്സവത്തിൽ അയ്യപ്പ വാദ്യാർ ഹരിഹരാത്മജൻ ആയിരുന്നു പ്രധാന പൂജാരി. പൂജയെ തുടർന്ന് പണ്ടാര അടുപ്പിൽ തീ പകർന്നു. ഒമാന്റെ വിവിധ ഭാഗങ്ങളിൽ നിന്നായി 51 വനിതകൾ പൊങ്കാലയർപ്പിച്ചു.

നാട്ടിൽ നടക്കുന്ന കർമങ്ങളോടെ അതെ സമയക്രമം പാലിച്ചാണ് ഒമാനിലും പൊങ്കാല ഉത്സവം സംഘടിപ്പിച്ചത്. ഗണേശ പൂജ ഉൾപ്പെടയുള്ള നിരവധി പൂജകൾ നടന്നു.