ക്വാറന്‍റീൻ നിർദ്ദേശം പ്രതിഷേധാർഹം -പ്രവാസി വെൽഫെയർ

മസ്കത്ത്​ : പ്രവാസികൾക്കുമേൽ കേരളത്തിൽ അനാവശ്യ നിയന്ത്രണങ്ങൾ ഏർപ്പെടുത്തുന്നത് പ്രതിഷേധാർഹമാണെന്ന് പ്രവാസി വെൽഫെയർ പ്രസ്താവിച്ചു. ഗൾഫ് രാജ്യങ്ങളിൽനിന്ന് ബൂസ്റ്റർ ഡോസും വാക്സിനുകളും പി.സി.ആർ പരിശോധനയും കഴിഞ്ഞ് നെഗറ്റീവായി എത്തുന്നവർ ക്വാ​റന്‍റീനിൽ കഴിയണമെന്ന സർക്കാർ നിർദ്ദേശം പ്രവാസികളെ അവമതിക്കുന്നതാണ്.

ചുരുങ്ങിയ ദിവസത്തേക്ക് അവധിക്ക്​ വരുന്ന പ്രവാസികൾക്ക് ബുദ്ധിമുട്ടുണ്ടാക്കുന്നതാണ് ഏഴദിവസത്തെ ക്വാറന്‍റീൻ നിർദ്ദേശം. കോവിഡ് നിയന്ത്രണങ്ങൾ താളം തെറ്റി കിടക്കുമ്പോൾ സർക്കാറിന്‍റെ വീഴ്ചയെ മറക്കാൻ പ്രവാസികളെ കരുവാക്കുന്നത് പ്രതിഷേധാർഹമാണെന്ന് പ്രവാസി വെൽഫെയർ പത്രകുറിപ്പിൽ പറഞ്ഞു. പ്രവാസി ദ്രോഹ നടപടികളിൽ നിന്നും കേരള സർക്കാർ പിന്മാറണമെന്നും പ്രസ്താവനയിൽ ആവശ്യപ്പെട്ടു.