ഫ​ല​സ്തീ​ൻ രാ​ഷ്ട്ര​ത്തി​ന്​ അം​ഗീ​കാ​രം; അ​ർ​മേ​നി​യ​ൻ തീ​രു​മാ​ന​ത്തെ സ്വാ​ഗ​തം ചെ​യ്ത്​ ഒ​മാ​ൻ

മ​സ്‌​ക​ത്ത്: ഫ​ല​സ്തീ​ൻ രാ​ഷ്ട്ര​ത്തെ അം​ഗീ​ക​രി​ക്കാ​നു​ള്ള അ​ർ​മേ​നി​യ​യു​ടെ തീ​രു​മാ​ന​ത്തെ ഒ​മാ​ൻ സ്വാ​ഗ​തം ചെ​യ്തു. ഫ​ല​സ്തീ​ൻ ജ​ന​ത​യു​ടെ സ്വ​ത​ന്ത്ര രാ​ഷ്ട്രം സ്ഥാ​പി​ക്കു​ന്ന​തി​നു​ള്ള അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തി​നും മേ​ഖ​ല​യി​ൽ ശാ​ശ്വ​ത​വും സു​സ്ഥി​ര​വു​മാ​യ സ​മാ​ധാ​നം കൈ​വ​രി​ക്കു​ന്ന​തി​നു​ള്ള ദ്വി​രാ​ഷ്ട്ര പ​രി​ഹാ​ര​ത്തെ പി​ന്തു​ണ​ക്കു​ന്ന​തി​നു​ള്ള എ​ല്ലാ ശ്ര​മ​ങ്ങ​ളും മെ​ച്ച​പ്പെ​ടു​ത്തു​ന്ന​തി​നും ഇ​ത്ത​രം തീ​രു​മാ​ന​ങ്ങ​ൾ പി​ന്തു​ട​ര​ണ​മെ​ന്ന് വി​ദേ​ശ​കാ​ര്യ മ​ന്ത്രാ​ല​യം അ​ന്താ​രാ​ഷ്ട്ര സ​മൂ​ഹ​ത്തോ​ട് അ​ഭ്യ​ർ​ത്ഥി​ച്ചു.

ഫ​ല​സ്തീ​ൻ രാ​ഷ്ട്ര​ത്തെ അം​ഗീ​ക​രി​ക്കു​ന്ന 149ാമ​ത്തെ രാ​ജ്യ​മാ​ണ്​ അ​ർ​മേ​നി​യ. വെ​ള്ളി​യാ​ഴ്ച​യാ​ണ് ഫ​ല​സ്തീ​ൻ രാ​ഷ്ട്ര​ത്തെ അം​ഗീ​ക​രി​ച്ചു​ള്ള അ​ർ​മേ​നി​യ​യു​ടെ പ്ര​സ്താ​വ​ന പു​റ​ത്തു വ​ന്ന​ത്. അ​ന്താ​രാ​ഷ്ട്ര രാ​ഷ്ട്രീ​യ അ​ജ​ണ്ട​യു​ടെ ഭാ​ഗ​മാ​യാ​ണ് ഇ​പ്പോ​ൾ ഫ​ല​സ്തീ​നി​ൽ സം​ഘ​ർ​ഷ​ങ്ങ​ൾ ന​ട​ക്കു​ന്ന​തെ​ന്ന് അ​ർ​മേ​നി​യ വി​ദേ​ശ​കാ​ര്യ​മ​ന്ത്രാ​ല​യം പു​റ​ത്തി​റ​ക്കി​യ പ്ര​സ്താ​വ​ന​യി​ൽ പ​റ​യു​ന്നു. ഫ​ല​സ്തീ​ൻ പ്ര​ശ്നം പ​രി​ഹ​രി​ക്കു​ന്ന​തി​ന് ദ്വി​രാ​ഷ്ട്ര​മാ​ണ് ഏ​റ്റ​വും ന​ല്ല പോം​വ​ഴി​യെ​ന്ന അ​ർ​മേ​നി​യ വ്യ​ക്ത​മാ​ക്കി. സ്ലോ​വേ​നി​യ, സ്​​പെ​യി​ൻ, നോ​ർ​വേ, അ​യ​ർ​ലാ​ൻ​ഡ് തു​ട​ങ്ങി​യ രാ​ജ്യ​ങ്ങ​ളെ​ല്ലാം ഫ​ല​സ്തീ​ൻ രാ​ഷ്ട്ര​ത്തെ അം​ഗീ​ക​രി​ച്ചി​രു​ന്നു. ഗ​സ്സ​യി​ൽ വെ​ടി​നി​ർ​ത്ത​ലി​ന് ഈ ​രാ​ജ്യ​ങ്ങ​ൾ ഇ​സ്രാ​യേ​ലി​നു മേ​ൽ സ​മ്മ​ർ​ദം ചെ​ലു​ത്തു​ക​യും ചെ​യ്തി​രു​ന്നു.