ഇ​ന്ധ​ന​ങ്ങ​ളു​ടെ വി​ശ്വാ​സ്യ​ത; മൊ​ബൈ​ൽ ല​ബോ​റ​ട്ട​റി പ​രി​ശോ​ധ​ന​ക്ക് തു​ട​ക്കം

മ​സ്ക​ത്ത്: ഇ​ന്ധ​ന​ങ്ങ​ളു​ടെ വി​ശ്വാ​സ്യ​ത​യും കൃ​ത്യ​ത​യും ഉ​റ​പ്പാ​ക്കാ​നാ​യി മൊ​ബൈ​ൽ ല​ബോ​റ​ട്ട​റി പ​രി​ശോ​ധ​ന​ക്ക് തു​ട​ക്കം കു​റി​ച്ച് വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രാ​ല​യം. ഉ​പ​ഭോ​ക്താ​ക്ക​ൾ​ക്ക് ന​ൽ​കു​ന്ന ഇ​ന്ധ​ന​ത്തി​ന്‍റെ അ​ള​വും ഗു​ണ​നി​ല​വാ​ര​വും അ​ള​ക്കു​ന്ന​തി​ന് മ​സ്‌​ക​ത്ത്, ദോ​ഫാ​ർ, വ​ട​ക്ക​ൻ ബാ​ത്തി​ന എ​ന്നീ മൂ​ന്ന് ഗ​വ​ർ​ണ​റേ​റ്റു​ക​ളി​ലാ​ണ് ആ​ദ്യ സേ​വ​നം ല​ഭ്യ​മാ​കു​ക.

മൊ​ബൈ​ൽ ലാ​ബ് സേ​വ​നം സു​ൽ​ത്താ​നേ​റ്റി​ൽ ആ​ദ്യ​ത്തേ​തും ജി.​സി.​സി​യി​ൽ ര​ണ്ടാ​മ​ത്തേ​തു​മാ​ണെ​ന്ന് വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രാ​ല​യ​ത്തി​ലെ സ്റ്റാ​ൻ​ഡേ​ർ​ഡ് ആ​ൻ​ഡ് മെ​ട്രോ​ള​ജി ഡ​യ​റ​ക്ട​ർ ജ​ന​റ​ൽ ഇ​മാ​ദ് ഖ​മീ​സ് അ​ൽ ഷു​കൈ​ലി പ​റ​ഞ്ഞു. പ​രാ​തി​ക​ൾ കു​റ​ക്കു​ക, കൃ​ത്രി​മം ത​ട​യു​ക, ഉ​പ​ഭോ​ക്താ​ക്ക​ൾ​ക്ക് കൃ​ത്യ​മാ​യ അ​ള​വ് ഉ​റ​പ്പാ​ക്കു​ക, ഉ​പ​ഭോ​ക്തൃ സം​തൃ​പ്തി വ​ർ​ധി​പ്പി​ക്കു​ക, ഇ​ന്ധ​ന സ്റ്റേ​ഷ​നു​ക​ളു​ടെ നി​യ​ന്ത്ര​ണ​ത്തി​ൽ ആ​ത്മ​വി​ശ്വാ​സം വ​ള​ർ​ത്തു​ക എ​ന്നി​വ​യാ​ണ് മൊ​ബൈ​ൽ ലാ​ബ് സം​രം​ഭ​ത്തി​ലൂ​ടെ ല​ക്ഷ്യ​മി​ടു​ന്ന​ത്.

ഇ​ന്ധ​ന സ്‌​റ്റേ​ഷ​ൻ ഉ​ട​മ​ക​ൾ പ്രാ​ദേ​ശി​ക​വും അ​ന്ത​ർ​ദേ​ശീ​യ​വു​മാ​യ നി​യ​ന്ത്ര​ണ​ങ്ങ​ളും മാ​ന​ദ​ണ്ഡ​ങ്ങ​ളും പാ​ലി​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​നും അ​തു​വ​ഴി ഇ​ന്ധ​ന​ത്തി​ന്‍റെ അ​ള​വി​ലും ത​ര​ത്തി​ലു​മു​ള്ള ച​ട്ട​ങ്ങ​ൾ പാ​ലി​ക്കാ​ത്ത​തു​മാ​യി ബ​ന്ധ​പ്പെ​ട്ട പി​ഴ​ക​ൾ ഒ​ഴി​വാ​ക്കാ​നും മൊ​ബൈ​ൽ ലാ​ബു​ക​ൾ സ​ഹാ​യി​ക്കു​മെ​ന്നും ഷു​കൈ​ലി കൂ​ട്ടി​ച്ചേ​ർ​ത്തു. എം91, ​എം95, എം98 ​തു​ട​ങ്ങി​യ ഇ​ന്ധ​ന​ങ്ങ​ളി​ൽ മാ​ന​ദ​ണ്ഡ​ങ്ങ​ൾ പാ​ലി​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​ൻ മൊ​ബൈ​ൽ ലാ​ബു​ക​ളി​ൽ നൂ​ത​ന ഉ​പ​ക​ര​ണ​ങ്ങ​ൾ സ​ജ്ജീ​ക​രി​ക്കു​മെ​ന്നും ഷു​കൈ​ലി വി​ശ​ദീ​ക​രി​ച്ചു.