സു​ൽ​ത്താ​നേ​റ്റി​ൽ​നി​ന്ന്​ ബ​ഹി​രാ​കാ​ശ​ത്തേ​ക്ക്​​ പ​റ​ക്കാം: ബ​ഹി​രാ​കാ​ശ വി​ക്ഷേ​പ​ണ​ത്തി​ന്​ യോ​ജി​ച്ച സ്ഥ​ല​ങ്ങ​ൾ ക​ണ്ടെ​ത്തി

മ​സ്‌​ക​ത്ത്​: ഒ​മാ​നി​ൽ ബ​ഹി​രാ​കാ​ശ വി​ക്ഷേ​പ​ണ പ്ലാ​റ്റ്‌​ഫോ​മു​ക​ൾ​ക്ക് അ​നു​യോ​ജ്യ സ്ഥ​ല​ങ്ങ​ൾ ക​ണ്ടെ​ത്തി ഗ​വേ​ഷ​ക സം​ഘം. ബ​ഹി​രാ​കാ​ശ വ്യ​വ​സാ​യ​ത്തി​ൽ സാ​ന്നി​ധ്യം മെ​ച്ച​പ്പെ​ടു​ത്തു​ന്ന​തി​നും സ​മാ​ധാ​ന​പ​ര​മാ​യ പ​ര്യ​വേ​ക്ഷ​ണം പ്രോ​ത്സാ​ഹി​പ്പി​ക്കു​ന്ന​തി​നു​മു​ള്ള രാ​ജ്യ​ത്തി​ന്‍റെ സ്വ​പ്ന​ങ്ങ​ൾ​ക്ക്​ ക​രു​ത്തു​ന​ൽ​കു​ന്ന​താ​ണ്​ ക​ണ്ടു​പി​ടി​ത്തം.

ഒ​മാ​നി​ലെ ഗ്ലോ​ബ​ൽ സ്‌​പേ​സ് ആ​ൻ​ഡ് ടെ​ക്‌​നോ​ള​ജി ക​മ്പ​നി​യു​മാ​യി സ​ഹ​ക​രി​ച്ച് ഉ​ന്ന​ത വി​ദ്യാ​ഭ്യാ​സ, ഗ​വേ​ഷ​ണ, ഇ​ന്നൊ​വേ​ഷ​ൻ മ​ന്ത്രാ​ല​യ​മാ​ണ്​ പ​ഠ​നം ന​ട​ത്തി​യ​ത്. 18 മാ​സ​ത്തെ ഗ​വേ​ഷ​ണ​ത്തി​ൽ വാ​ണി​ജ്യ ബ​ഹി​രാ​കാ​ശ വി​ക്ഷേ​പ​ണ പ്ലാ​റ്റ്‌​ഫോ​മു​ക​ൾ​ക്ക് ഏ​റ്റ​വും അ​നു​യോ​ജ്യ​മാ​യ സൈ​റ്റു​ക​ൾ ക​ണ്ടെ​ത്തു​ന്ന​തി​ന് വി​വി​ധ ഭൂ​മി​ശാ​സ്ത്ര, കാ​ലാ​വ​സ്ഥ, സാ​ങ്കേ​തി​ക ഘ​ട​ക​ങ്ങ​ൾ സം​ഘം വി​ശ​ക​ല​നം ചെ​യ്തി​ട്ടു​ണ്ട്. ക​ര​യി​ലും ക​ട​ലി​ലു​മാ​യാ​ണ്​ വി​ക്ഷേ​പ​ണ കേ​ന്ദ്ര​ങ്ങ​ൾ​ക്ക്​ യോ​ജി​ച്ച 10 സ്ഥ​ല​ങ്ങ​ൾ ക​ണ്ടെ​ത്തി​യി​രി​ക്കു​ന്ന​ത്.

പ​ഠ​ന​ത്തി​ൽ പ​​ങ്കെ​ടു​ത്ത പ്ര​തി​ഭ​ക​ളെ മ​ന്ത്രാ​ല​യം പ്ര​ത്യേ​ക ച​ട​ങ്ങി​ൽ ആ​ദ​രി​ച്ചു. അ​ക്കാ​ദ​മി ഓ​ഫ് സ്ട്രാ​റ്റ​ജി​ക് ആ​ൻ​ഡ് ഡി​ഫ​ൻ​സ് സ്റ്റ​ഡീ​സ് പ്ര​സി​ഡ​ന്റ് മേ​ജ​ർ ജ​ന​റ​ൽ ഹ​മ​ദ് ബി​ൻ അ​ഹ​മ്മ​ദ് സു​ക്രോ​ണി​ന്റെ​യും ഒ​മാ​ൻ വി​ഷ​ൻ 2040 ന​ട​പ്പി​ലാ​ക്കു​ന്ന​തി​നു​ള്ള ഫോ​ളോ-​അ​പ്പ് യൂ​ണി​റ്റി​ന്റെ ഡെ​പ്യൂ​ട്ടി മേ​ധാ​വി ഡോ.​മു​ന്ത​ർ ബി​ൻ ഹി​ലാ​ൽ അ​ൽ ബു​സൈ​ദി​യു​ടെ​യും സാ​ന്നി​ധ്യ​ത്തി​ൽ ന​ട​ന്ന ച​ട​ങ്ങി​ൽ ഉ​ന്ന​ത​വി​ദ്യാ​ഭ്യാ​സ, ഗ​വേ​ഷ​ണ, ഇ​ന്നൊ​വേ​ഷ​ൻ മ​ന്ത്രി ഡോ. ​റ​ഹ്മ ബി​ൻ​ത് ഇ​ബ്രാ​ഹിം അ​ൽ മ​ഹ്റൂ​ഖി​യ്യ അ​ധ്യ​ക്ഷ​ത വ​ഹി​ച്ചു. ബ​ഹി​രാ​കാ​ശ മേ​ഖ​ല​യി​ൽ സം​ഭാ​വ​ന ന​ൽ​കു​ന്ന​തി​ൽ ത​ന്റെ ക​മ്പ​നി പ്ര​തി​ജ്ഞാ​ബ​ദ്ധ​മാ​ണെ​ന്ന്​ ഗ്ലോ​ബ​ൽ സ്‌​പേ​സ് ആ​ൻ​ഡ് ടെ​ക്‌​നോ​ള​ജി ക​മ്പ​നി സ്ഥാ​പ​ക​യും സി.​ഇ.​ഒ​യു​മാ​യ ബ​ഹി​യ ബി​ൻ​ത് ഹി​ലാ​ൽ അ​ൽ ഷു​ഐ​ബി​യ ച​ട​ങ്ങി​ൽ പ​റ​ഞ്ഞു.

ബ​ഹി​രാ​കാ​ശ വ്യ​വ​സാ​യം നി​ർ​ണാ​യ​ക​മാ​യ മേ​ഖ​ല​യെ പ്ര​തി​നി​ധാ​നം​ചെ​യ്യു​ന്ന​തി​നാ​ൽ ഒ​മാ​ന്റെ ത​ന്ത്ര​പ്ര​ധാ​ന ഭൂ​മി​ശാ​സ്ത്ര​പ​ര​മാ​യ സ്ഥാ​ന​വും വൈ​വി​ധ്യ​മാ​ർ​ന്ന നി​ക്ഷേ​പ അ​വ​സ​ര​ങ്ങ​ളും പ്ര​യോ​ജ​ന​പ്പെ​ടു​ത്തേ​ണ്ട​തു​ണ്ടെ​ന്നും അ​വ​ർ കൂ​ട്ടി​ച്ചേ​ർ​ത്തു. റോ​ക്ക​റ്റ് വി​ക്ഷേ​പ​ണ പ്ലാ​റ്റ്‌​ഫോ​മി​ന് ഏ​റ്റ​വും അ​നു​യോ​ജ്യ​മാ​യ സ്ഥ​ലം ക​ണ്ടെ​ത്തി​യ​ത്​ ശാ​സ്ത്രീ​യ മാ​ന​ദ​ണ്ഡ​ങ്ങ​ൾ അ​ടി​സ്ഥാ​ന​മാ​ക്കി​യാ​ണ്. എ​ന്നാ​ൽ, ക​ണ്ടെ​ത്തി​യ കേ​ന്ദ്ര​ങ്ങ​ളു​ടെ വി​ശ​ദാം​ശ​ങ്ങ​ൾ വെ​ളി​പ്പെ​ടു​ത്തി​യി​ട്ടി​ല്ല. നേ​ര​ത്തേ ഗ​താ​ഗ​ത, വാ​ർ​ത്താ​വി​നി​മ​യ, വി​വ​ര​സാ​ങ്കേ​തി​ക മ​ന്ത്രാ​ല​യം ബ​ഹി​രാ​കാ​ശ മേ​ഖ​ല എ​ക്സി​ക്യൂ​ട്ടി​വ് പ്രോ​ഗ്രാ​മി​ന്റെ ഭാ​ഗ​മാ​യി ദു​ഖ​മി​ൽ ബ​ഹി​രാ​കാ​ശ റോ​ക്ക​റ്റ് വി​ക്ഷേ​പ​ണ പ്ലാ​റ്റ്ഫോം പ്ര​ഖ്യാ​പി​ച്ചി​രു​ന്നു.

പ​ശ്ചി​മേ​ഷ്യ​യി​ലെ ആ​ദ്യ​ത്തെ ബ​ഹി​രാ​കാ​ശ വി​ക്ഷേ​പ​ണ കേ​ന്ദ്ര​മാ​കു​മി​തെ​ന്നാ​ണ്​ പ്ര​തീ​ക്ഷി​ക്കു​ന്ന​ത്. സൗ​ദി, യു.​എ.​ഇ അ​ട​ക്ക​മു​ള്ള വി​വി​ധ ഗ​ൾ​ഫ്​ രാ​ജ്യ​ങ്ങ​ൾ ബ​ഹി​രാ​കാ​ശ മേ​ഖ​ല​യി​ൽ വ​ലി​യ പ​ദ്ധ​തി​ക​ൾ ന​ട​പ്പി​ലാ​ക്കു​ന്നു​ണ്ട്. ഇ​ത​ട​ക്കം ഒ​മാ​ന്‍റെ ത​ന്ത്ര​പ്ര​ധാ​ന​മാ​യ സ്ഥാ​നം ഈ ​മേ​ഖ​ല​യി​ൽ വ​ലി​യ ഭാ​വി സാ​ധ്യ​ത​യാ​ണ്​ രാ​ജ്യ​ത്തി​ന്​ തു​റ​ന്നി​ടു​ന്ന​ത്.