റിയാൽ വിനിമയ നിരക്ക് വീണ്ടും 215ലേക്ക്

മ​സ്ക​ത്ത്: ഒ​മാ​നി റി​യാ​ലി​ന്‍റെ വി​നി​മ​യ നി​ര​ക്ക് വീ​ണ്ടും 215ലേ​ക്ക് അ​ടു​ക്കു​ന്നു. ഒ​രു റി​യാ​ലി​ന് 214.20 രൂ​പ എ​ന്ന നി​ര​ക്കാ​ണ് ഒ​മാ​നി​ലെ വി​നി​മ​യ സ്ഥാ​പ​ന​ങ്ങ​ൾ വെ​ള്ളി​യാ​ഴ്ച ന​ൽ​കി​യ​ത്. വാ​രാ​ന്ത്യ അ​വ​ധി ആ​യ​തി​നാ​ൽ ശ​നി, ഞാ​യ​ർ ദി​വ​സ​ങ്ങ​ളി​ലും ഇ​തേ നി​ര​ക്ക് ത​ന്നെ​യാ​ണ് ഉ​പ​ഭോ​ക്താ​ക്ക​ൾ​ക്ക് ല​ഭി​ക്കു​ക. എ​ന്നാ​ൽ വി​നി​മ​യ നി​ര​ക്കി​നു​ള്ള അ​ന്താ​രാ​ഷ്ട്ര പോ​ർ​ട്ട​ലാ​യ എ​ക്സ്.​ഇ എ​ക്ചേ​ഞ്ചി​ൽ ഒ​രു റി​യാ​ലി​ന് 214.90 രൂ​പ എ​ന്ന നി​ര​ക്കാ​ണ് കാ​ണി​ക്കു​ന്ന​ത്. അ​മേ​രി​ക്ക​ൻ ഡോ​ള​ർ ശ​ക്തി പ്രാ​പി​ച്ച​താ​ണ് ഇ​ന്ത്യ​ൻ രൂ​പ​യു​ടെ മൂ​ല്യം ഇ​ടി​യാ​ൻ പ്ര​ധാ​ന കാ​ര​ണം.

ഒ​രു ഡോ​ള​റി​ന് 82.66 രൂ​പ​യാ​ണ് വെ​ള്ളി​യാ​ഴ്ച​ത്തെ നി​ര​ക്ക്. ക​ഴി​ഞ്ഞ എ​ട്ട് ആ​ഴ്ച​ക്കു​ള്ളി​ലെ ഇ​ന്ത്യ​ൻ രൂ​പ​യു​ടെ താ​ഴ്ന്ന നി​ര​ക്കാ​ണി​ത്. അ​മേ​രി​ക്ക​ൻ ഫെ​ഡ​റ​ൽ റി​സ​ർ​വ് കൈ​ക്കൊ​ള്ളു​ന്ന നി​ര​വ​ധി ന​ട​പ​ടി​ക​ളെ തു​ട​ർ​ന്നാ​ണ് ഡോ​ള​ർ ശ​ക്തി പ്രാ​പി​ക്കാ​ൻ തു​ട​ങ്ങി​യ​ത്. ക​ഴി​ഞ്ഞ ര​ണ്ടാ​ഴ്ച കൊ​ണ്ട് ഡോ​ള​ർ ഇ​ൻ​റ​ക്സ് ര​ണ്ട്​ ശ​ത​മാ​നം വ​ർ​ധി​ച്ചി​രു​ന്നു. അ​മേ​രി​ക്ക​ൻ ഡോ​ള​ർ ശ​ക്തി​പ്രാ​പി​ക്കാ​ൻ നി​ര​വ​ധി കാ​ര​ണ​ങ്ങ​ളു​ണ്ട്. അ​മേ​രി​ക്ക​യി​ലെ തൊ​ഴി​ലി​ല്ലാ​യ്മ നി​ര​ക്ക് പ്ര​തീ​ക്ഷി​ച്ച​തി​ന​നു​സ​രി​ച്ച് ഉ​യ​രാ​തി​രു​ന്ന​ത് ഡോ​ള​ർ ശ​ക്ത​മാ​വാ​ൻ പ്ര​ധാ​ന കാ​ര​ണ​മാ​ണ്.

നി​ല​വി​ലെ റി​യാ​ലി​ന്‍റെ വി​നി​മ​യ നി​ര​ക്ക് ഈ ​വ​ർ​ഷം മാ​ർ​ച്ച് 16ന് ​ശേ​ഷ​മു​ള്ള ഉ​യ​ർ​ന്ന നി​ര​ക്കാ​ണ്. മാ​ർ​ച്ച് 16ന് ​എ​ക്സ്. ഇ ​എ​ക്സ്ചേ​ഞ്ചി​ൽ വി​നി​മ​യ നി​ര​ക്ക് 214.90 വ​രെ എ​ത്തി​യി​രു​ന്നു. അ​തി​നു​ശേ​ഷം വി​നി​മ​യ നി​ര​ക്ക് താ​ഴേ​ക്ക് പോ​വു​ക​യും 14 ന് 212.10​രൂ​പ വ​രെ എ​ത്തു​ക​യും ചെ​യ്തി​രു​ന്നു. ഈ ​മാ​സം ഏ​ഴി​ന് 212.30 ആ​യി​രു​ന്നു വി​നി​മ​യ​നി​ര​ക്ക്. പി​ന്നീ​ട് വി​നി​മ​യ​നി​ര​ക്ക് സാ​വ​ധാ​ന​ത്തി​ൽ ഉ​യ​രു​ക​യാ​യി​രു​ന്നു. ക​ഴി​ഞ്ഞ വ​ർ​ഷം ഇ​തേ ദി​വ​സം 202.30 ആ​യി​രു​ന്നു വി​നി​മ​യ നി​ര​ക്ക്.

വി​നി​മ​യ നി​ര​ക്ക് ഉ​യ​രു​ന്ന​ത് പ്ര​വാ​സി​ക​ൾ​ക്ക് വ​ലി​യ സ​ന്തോ​ഷം ന​ൽ​കു​ന്ന​താ​ണ്. പ്ര​വാ​സി​ക​ൾ​ക്ക് ത​ങ്ങ​ളു​ടെ അ​ധ്വാ​ന​ത്തി​ന് കൂ​ടു​ത​ൽ വി​ല ല​ഭി​ക്കും. കോ​വി​ഡ് പ്ര​തി​സ​ന്ധി​ക്ക് പ്ര​വാ​സി​ക​ളി​ൽ ചി​ല​ർ നി​ര​വ​ധി സാ​മ്പ​ത്തി​ക പ്ര​യാ​സ​ങ്ങ​ൾ അ​നു​ഭ​വി​ക്കു​ന്നു​ണ്ട്. ശ​മ്പ​ളം വെ​ട്ടി കു​റ​ക്ക​ൽ അ​ട​ക്ക​മു​ള്ള നി​ര​വ​ധി പ്ര​തി​സ​ന്ധി​ക​ൾ നേ​രി​ടു​ന്നു​ണ്ട്. ഇ​ത്ത​രം സാ​ഹ​ര്യ​ത്തി​ൽ വി​നി​മ​യ നി​ര​ക്ക് ഉ​യ​രു​ന്ന​തും റി​യാ​ലി​ന് കൂ​ടു​ത​ൽ വി​ല കി​ട്ടു​ന്ന​തും പ്ര​വാ​സി​ക​ൾ​ക്ക് വ​ലി​യ അ​നു​ഗ്ര​ഹ​മാ​വും.