മലയിൽ കുടുങ്ങിയ അഞ്ചുപേരെ ആർ.ഒ.പി രക്ഷിച്ചു
text_fieldsമസ്കത്ത്: മലയിൽ കുടുങ്ങിയവർക്ക് രക്ഷകരായി റോയൽ ഒമാൻ പൊലീസ്. ദിമ വത്തയാൻ വിലായത്തിൽനിന്ന് അമറാത്ത് വിലായത്തലേക്ക് ഹൈക്കിങ്ങിനുപോയവരാണ് വഴി തെറ്റി മലയിൽ ഒറ്റപ്പെട്ടത്. വിവരം ലഭിച്ചതിനെ തുടർന്ന് റോയൽ ഒമാൻ പൊലീസ് ഏവിയേഷൻ വിഭാഗം തിരച്ചിൽ ഊർജിതമാക്കി പരിക്കേറ്റ നാലു പേരെ കണ്ടെത്തുകയും ഉടൻ പ്രാഥമിക ചികിത്സക്കായി ആശുപത്രിയിലേക്ക് മാറ്റി.
തൊട്ടടുത്ത ദിവസവും നടത്തിയ തിരച്ചിലിനൊടുവിലാണ് അഞ്ചാമത്തെ ആളെയും കണ്ടെത്തിയത്. മല കയറ്റത്തിലും സാഹസിക കായിക വിനോദങ്ങളിലും ഏർപ്പെടുമ്പോൾ സുരക്ഷ നടപടികൾക്ക് മുൻഗണന നൽകണമെന്ന് അതോറിറ്റി എല്ലാവരോടും അഭ്യർഥിച്ചു. സാഹസിക യാത്രക്ക് പുറപ്പെടുന്നതിന് മുമ്പ് വിശദാംശങ്ങൾ നദാ ആപ്പിൽ രജിസ്റ്റർ ചെയ്യണമെന്ന് സിവിൽ ഡിഫൻസ് ആൻഡ് ആംബുലൻസ് അതോറിറ്റി ആവശ്യപ്പെട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.