സമായിൽ ഏരിയ കെ.എം.സി.സി ഈദ് സ്നേഹസംഗമം
text_fieldsസമായിൽ ഏരിയ കെ.എം.സി.സി അഭിമുഖ്യത്തിൽ സംഘടിപ്പിച്ച ഈദ് സ്നേഹസംഗമത്തിൽ മുതിർന്ന അംഗങ്ങളെ ആദരിച്ചപ്പോൾ
മസ്കത്ത്: സമായിൽ ഏരിയ കെ.എം.സി.സി ആഭിമുഖ്യത്തിൽ ഈദ് സ്നേഹസംഗമം മുറൂജ് സമായിൽ ഫാമിൽ നടത്തി. അംഗങ്ങളെയും അനുഭാവികളെയും അവരുടെ കുടുംബങ്ങളെയും ഉൾപ്പെടുത്തിയാണ് സംഗമം സംഘടിപ്പിച്ചത്.
കുട്ടികൾക്കും മുതിർന്നവർക്കുമായി നടത്തിയ വിവിധയിനം കളികളും മത്സരങ്ങളും സംഗമത്തിനു മാറ്റുകൂട്ടി. കെ.എം.സി.സി കേന്ദ്ര കമ്മിറ്റി വൈസ് പ്രസിഡന്റ് അഷ്റഫ് കിണവക്കൽ ഉദ്ഘാടനം ചെയ്തു. സമായിൽ ഏരിയ പ്രസിഡന്റ് യൂസുഫ് ചേറ്റുവ അധ്യക്ഷത വഹിച്ചു. ഷാജഹാൻ അൽ ഖുവൈർ ഈദ് സന്ദേശം നൽകി.
പ്രോഗ്രാം കമ്മിറ്റി കൺവീനർ സിറാജ് ഹംദാൻ, മുസമ്മിൽ, നസൂർ ചപ്പാരപ്പടവ്, എന്നിവർ സംസാരിച്ചു. മുജീബ് അണ്ടോണ സ്വാഗതവും മൊയ്ദീൻ ചെറിക്കായി നന്ദിയും പറഞ്ഞു.
പരിപാടിയിൽ മുതിർന്ന അംഗങ്ങളായ ഹാഷിം കണ്ടങ്ങോടൻ, കെ.ഇ. ഫൈസൽ എന്നിവരെ മെമന്റോ നൽകി ആദരിച്ചു. മത്സരങ്ങൾക്ക് ജുനൈസ് ജാക്, മുനീർ, അബ്ദുൽഖാദർ, ആഷിഖ് എന്നിവർ നേതൃത്വം നൽകി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.